Bibɔjirb 13:22 - Uwumbɔr aagbaŋ

²² Manoa nan bui upuu ke, “Tinimbil aah kan Uwumbɔr na, ti ga kpo.”

Bibɔjirb 13:22 ပူးပေါင်းရင်းမြစ်များ

Mpiin 32:30

Jakob nan bui ke, “M kan Uwumbɔr aanimbil wɔb le ki laa beenin fu.” Nima pu le u nan yin nima chee ke Peniel.

Nnyam 24:10

ki ti kan Israel yaab Aawumbɔr. Tiwan nibaa nan bi utaa aataab ki naahn litakpanyaan li bi yin li ke safir na, ki bɔn timm ke kitaapaak na.

Nnyam 24:9

Moses, ni Aaronn, ni Nadab, ni Abihu, ni Israel yaab aaninkpiib imonko itaa ni kipiik na nan buen lijool paab,

Nnyam 3:6

Min le ye aayaajatiib Aawumbɔr, min le ye Abraham, ni Aisak, ni Jakob Aawumbɔr.” Nima pu na, Moses nan biin unimbil pu, kaa nan kaa u lik Uwumbɔr.

Nnyam 33:20

Maan cha aa kan nnimbil wɔb, ba pu? unii ubaa aan ŋmaa kan mi ki ki li fu;

Aisaya 6:5

Le m bui ke, “Maabɔr doo a. Maamɔfal junn le na; ba pu? tibɔr timɔk nyani mmɔb ponn ni na ye titunwanbir aabɔr la, le maah bi binib bi ponn ni na mu aabɔr ye titunwanbir la. Le nimina mɔmɔk aapuwɔb, m kan Ubɔrkpaan ngbaan, Uwumbɔr Mpɔɔnsakpiindaan.”

Jɔnn 1:18

Ubaa aa kee kan Uwumbɔr. Ujapɔnbaal Yesu Kristo, u bi ke Ute Uwumbɔr aah bi pu na, ki bi u chee na, uma le tuk timi Uwumbɔr aah bi pu na.

Jɔnn 5:37

Nte Uwumbɔr u tun ni mi na, uma ubaa le ji seeraa ki tii mi. Naa kee ŋun waaneel, ki mu aa kee kan unimbil wɔb.

Ikaal 4:38

Naah tur koo binib ngbaan ponn ni na, le u nyaŋni ŋinibol ŋi kpa mpɔɔn jer nimi na, ke u di baatim tii nimi, le kitiŋ ngbaan laa beenin ye nimi yaan ki nan saa din wee.

Ikaal 5:26

Unibɔn ubaa kee ŋun Uwumbɔr u bi n‑yoonn mɔmɔk na bi mmii ni ki len u chee tibɔr, aan udaan ki bi, ki kpa limɔfal aa?

Bibɔjirb 6:22

N‑yoonn ngbaan le Gideonn bee ke Uwumbɔr aatuun le u kan, le ki di ijawaan len ke, “Ndindaan Uwumbɔr, m kan saatuun linimbil.”