Bibɔjirb 12:6 - Uwumbɔr aagbaŋ

⁶ le bi bui u ke u len ke, “Shibolef.” Tɔ, u ga di len le ke, “Sibolef,” ba pu? waan ŋmaa len ni mbamɔm. Kina pu le bi ga bee u, ki chuu u, baah puur Jɔɔdann Aamɔɔl ŋipepel ŋi chee na libaa chee, ki ku u. N‑yoonn ngbaan bi nan ku Efraim aajab ŋichur imonko ilee ni ŋilee la.

Bibɔjirb 12:6 ပူးပေါင်းရင်းမြစ်များ

Ilahn 69:15

Taa cha nwam ngbaan biin m pu; taa cha m sunn buen nnyun nyonyoon ni, ki taa cha m sunn buen likaakul ni.

Ilahn 69:2

M bi chɔi tikpakpar ni, nin chee kitiŋ aa bi ntaal ga taa na la; M bi nnyun mu nyoo na ni la, le tinyunkpenn ban ti di mi muin.

Ŋiyataŋak 17:14

Kinikpakpak aah ga piin pu na naahn mmɔgbaamii la; goo ki aan ki taa ki foor kpee.

Ŋiyataŋak 18:19

Ter aana aabo aan u li kii si ke ligoln li kii kitisakpeŋ na. Tɔ, aa ni uma yaa jaa kan, waan ki cha aa koo ni waadichal ni.

Ulandaan 10:12

Ulandaan aamɔliin tii u liyimbil la, le ujɔr ma aamɔliin ku u.

Aisaya 27:12

Nwiin ngbaan daal, ki nya Yufrates aamɔɔl ki ti saa Ijipt yaab aatiŋ aanaanmɔk, Uwumbɔr ga kuun ni waanib ubaabaa, ke unii aah ganni mmuubim ki cha timuupɔkr pu na.

Matiu 12:25

Le Yesu bee baalandakbir ngbaan, le ki bui bi, “Nnaan mubaa ni aanib yaa jaa tɔb kijaak kan, nnaan ngbaan ga bee yɔli la. Kitiŋ kibaa ni aanib mu yaa jaa tɔb kijaak kan, kitiŋ ngbaan ga bee yɔli. Lidichal libaa ni aanib mu yaa jaa tɔb kijaak kan, lidichal ngbaan ga bee yɔli.

Matiu 26:73

Le ni kpee siib, le binib bi si nima chee na dan nan bui u, “Ni ye mbamɔn, aa ye waadidiliib ponn ni ubaa la; saaliin ni baaliin kpaan la.”

Tibɔnyaan ti Mak ŋmee ti na 14:70

Le Piita ki nee lelee. Le ni ki kpee siib, le binib bi si u chee na bui u ke, “Ni ye mbamɔn, aa ye Yesu aadidiliib ponn ni ubaa la; aa mu ye Galilee aatiŋ aanii la.”

Galantiya 5:15

Ni mu yaa kpa lipiipoln ki kpak tɔb kinikpakpak kan, ni li nyi, ni ga kuln tɔb.

Bibɔjirb 12:5

Gilead yaab nan ti gaa gaa baah puur Jɔɔdann Aamɔɔl nin chee na le ke Efraim yaab ngbaan ubaa taa ŋmar ki san. Efraim yaab ponn ni ubaa yaa nan ti ban u puur ki san ŋmar kan, Gilead aajab baa u le ke, “Aa ye Efraim aanii la aa?” Le u yaa bui ke, “Aayii” kan,

Bibɔjirb 12:7

Jefta nan joo Israel aanib ki ti saa ŋibin ŋiloob le ki nin kpo, le bi di u sub udo aatiŋ Gilead ni.