Bibɔjirb 12:5 - Uwumbɔr aagbaŋ

⁵ Gilead yaab nan ti gaa gaa baah puur Jɔɔdann Aamɔɔl nin chee na le ke Efraim yaab ngbaan ubaa taa ŋmar ki san. Efraim yaab ponn ni ubaa yaa nan ti ban u puur ki san ŋmar kan, Gilead aajab baa u le ke, “Aa ye Efraim aanii la aa?” Le u yaa bui ke, “Aayii” kan,

Bibɔjirb 12:5 ပူးပေါင်းရင်းမြစ်များ

1 Bibɔrb 11:26

Unii uken u nan ki fenn sil Ubɔr Solomonn pu na le nan ye waaninkpiib ponn ni ubaa. Uma le nan ye Nebat u nyan ni Sereda aatiŋ ki bi Efraim aapepel ni na aajapɔɔn Jeroboam. Una le nan ye ukpopii u bi nan yin u ke Serua na.

Josua 2:7

Le ubɔr aanib ngbaan siir buen, le bi laŋ kitiŋ ngbaan aabisamɔb aajaaleŋ. Binib ngbaan nan bi ban Israel yaab aapepekr na ki ti saa nsan aah puur Jɔɔdann aamɔɔl nin chee na.

Josua 22:11

Tɔ, binib bibaa nan tuk Israel yaab biken na ke, “Li pel man, Rubenn ni Gad aanibol, ni Manase aanibol ligeln maa kitork aabimbiln sakpeln libaa Gelilof aatiŋ ni, ni bi timi aapepel wɔb, Jɔɔdann Aamɔɔl chee.”

Bibɔjirb 12:4

Nima pu le Jefta nan kuun ni Gilead aajab mɔmɔk nan kpaan, le bi ni Efraim yaab di pii tɔb, le u nyaŋ bi. Efraim yaab nan puen len ke, “Nimi Gilead yaab ye bichayiim le Efraim yaab ni Manase yaab chee.”

Bibɔjirb 12:6

le bi bui u ke u len ke, “Shibolef.” Tɔ, u ga di len le ke, “Sibolef,” ba pu? waan ŋmaa len ni mbamɔm. Kina pu le bi ga bee u, ki chuu u, baah puur Jɔɔdann Aamɔɔl ŋipepel ŋi chee na libaa chee, ki ku u. N‑yoonn ngbaan bi nan ku Efraim aajab ŋichur imonko ilee ni ŋilee la.

Bibɔjirb 17:7

N‑yoonn baan ngbaan Liifai aanachipɔɔn ubaa nan bi Betlehem, kitiŋ ki bi Juda aanibol aatiŋ ni na ni.

Bibɔjirb 3:28

U nan bui bi ke, “Li dii mi man. Uwumbɔr tii nimi linyaŋ nimi aadim Moab yaab pu a.” Le bi nan dii Ehud ki sunn, le ki ti gaa Moab yaab aah ba ga dii nin chee ki puur Jɔɔdann Aamɔɔl na; baa nan cha uja ubaa kina puur.

Bibɔjirb 7:24

Gideonn nan tun ituun Efraim aagongon aatiŋ mɔmɔk pu ke, “Dan nan jan Midiann yaab man. Li kii man Jɔɔdann Aamɔɔl, ni ikpen i di kina ki ti nyan Bef Bara aatiŋ pu na, aan ki taa cha Midiann yaab puur.” Efraim aajab nan kuun, le ki kiir Jɔɔdann Aamɔɔl, ni ikpen i di kina ki ti nyan Bef Bara aatiŋ pu na.

1 Samuel 1:1

Uja ubaa nan bi, bi nan yin u ke Elkana, u nyan ni Efraim aamaal ponn ni la, le ki koo Rama aatiŋ ki bi Efraim aatiŋ ki ŋigongon wiir nima na ponn ni. Ute le nan ye Jeroham, le uyaaja mu nan ye Elihu, u nyan ni Tohu aamaal mu ye Suf aataŋaal na.