Bibɔjirb 12:1 - Uwumbɔr aagbaŋ

¹ Efraim aajab nan gor bibaa ke bi buen butɔb; bi nan puur Jɔɔdann Aamɔɔl ki ti bi Safonn aatiŋ ni, le ki bui Jefta ke, “Ba ŋa aa nan puur kitiŋ aanaanmɔk ke aa ni Amonn yaab ti faa tɔb butɔb, kaa yin timi? Ti ga see saadichal ngbaan lii aa pu.”

Bibɔjirb 12:1 ပူးပေါင်းရင်းမြစ်များ

Ilahn 109:4

M gee bi, ki mee Uwumbɔr tii bi, le baa lik waa kina, ki galn mi.

Ulandaan 4:4

M nan ki bee naah ŋa pu aan binib nyani kitotoŋ sakpen ke bi li kpa na; nima le ye ke bi kpa biŋeen aatɔtiib pu lipiipoln. Tɔ, ni mu ye fam la. Ni bi ke unii aah san dii libuln pu na la.

Hosea 13:1

N‑yoonn mu jer na, Efraim aanibol yaa nan len kan, ijawaan nan chur ŋinibol ŋi gur na la; ŋi mɔmɔk nan lik Efraim aanibol pu la. Le binib ngbaan dooni liwaal Baal, le ki ga kpo kina pu.

Tibɔnyaan ti Mak ŋmee ti na 3:24

Kitiŋ kibaa ni aanib yaa yakr ki yaa jaa kijaak kan, kitiŋ ngbaan ga bee yɔli.

Jɔnn 10:32

Le u bui bi, “M tun litunyaan pam Nte Uwumbɔr aapɔɔn pu ninimbil ni. Lilatuln pu ni ban ni mae mi ŋitakpal?”

Jemisi 3:16

Ba pu? lipiipoln ni kinikpakpak aah bi nin chee na, tijar ni lituln li kaa ŋan na mɔmɔk bi nima chee la.

Bibɔjirb 11:40

ke bipiisapɔm buen timoor ni iwiin inaa, libiln mɔk ni, ki ti wii Gilead aanii Jefta aabisal pu.

Bibɔjirb 12:2

Jefta nan bui bi ke, “M ni maanib ni Amonn yaab nan kpa kijaasakpeŋ la. M nan yin nimi, le ni nan yii, kaa gaa mi bi chee lii.

Bibɔjirb 14:15

Winaa daal le bi bui Samsonn aapuu ke, “Ŋmann aachal aan u bui timi liyataŋakl ngbaan aatataa. Aa yaa kaa ŋa kina kan, ti ga see aate aadichal lii, le ki kpaan see aa mu mmii. Nimi bilee bimina yin ni timi ke ni nan su timi kinaayuk la, naa ye kina aa?”

Bibɔjirb 15:6

Filistia yaab aah nan baa baa ke ŋma ŋa kina na, bi nan ŋun ke Samsonn aachool u nyan ni Timna aatiŋ ni na aah di Samsonn aapuu tii Samsonn aajɔ na le cha u ŋa kina. Kina pu na, Filistia yaab nan ti see mmii wun ku upii ngbaan, ni ute mu.

Bibɔjirb 8:1

Efraim aajab nan bui Gideonn ke, “Saah cha aa ti faa Midiann yaab butɔb na, ba ŋa saa yin timi? Ba ŋa aa ŋa timi kina?” Bi nan len sakpen a.