Bibɔjirb 11:37 - Uwumbɔr aagbaŋ

³⁷ U nan tee mee ute ke, “Ŋa tiwan nee tii mi. Cha m li bi mbaa pu iŋmal ilee, aan m ni nnaakoon tiib ga ŋmaa dii buen ŋijoo ni, ki ti wii maah ga kpo kaa nyi uja na pu.”

Bibɔjirb 11:37 ပူးပေါင်းရင်းမြစ်များ

Mpiin 30:23

U nan dek lipuul le ki ma ubijabo. Le u bui ke, “Uwumbɔr chuu nyan maanimɔɔn le ki tii mi ubijabo.

Tibɔnyaan ti Luk ŋmee ti na 1:25

le ki bui ke, “Uwumbɔr lik maah bi pu na la, le ki ŋa mi tibulchinn kina ki tii mi, ki nyan mi inimɔɔn ni.”

Bibɔjirb 11:38

Ute nan bui u ke u li cha, le ki cha u buen ki ti saa iŋmal ilee. U ni unaakoon tiib nan buen ŋijoo ni, ki ti wii, waah ga kpo, kaa mɔn tichar, kaa kpa ubo pu na pu.

1 Samuel 1:6

Uyɔnn Penina nan ŋani u mbiin ni mbɔnyun, ba pu? Uwumbɔr aa nan tii u ubo.