Bibɔjirb 11:36 - Uwumbɔr aagbaŋ

³⁶ U nan gar ute ke, “Aa yaa puu tipuur tii Uwumbɔr kan, ŋa saah len ke aa ga ŋa pu na, ba pu? Uwumbɔr cha aa teen saadim Amonn yaab a.”

Bibɔjirb 11:36 ပူးပေါင်းရင်းမြစ်များ

2 Samuel 18:19

Le Sadok aajapɔɔn Ahimaas bui Joab ke, “Cha m san ti bui ubɔr tibɔnyaan tee, ke Uwumbɔr gaa u lii waadim chee.”

2 Samuel 18:31

Le Joab aanaagbiija na mu fuu ni, le ki nan bui ubɔr ke, “Mpɔɔndaan, m kpa tibɔnyaan m tii si. Din wee Uwumbɔr tii si linyaŋ, binib bi mɔmɔk yii saamɔb na pu.”

2 Samuel 19:30

Le Mefibosef bui u ke, “Mpɔɔndaan, cha Siba li joo li mɔmɔk. Saah ki gir ni, nibaa aa ŋa si na, nima ngbaan ŋeer a.”

Nkahm 30:2

Uja yaa puu tipuur ke u ga tii Uwumbɔr tiwan nibaa, bee u yaa puu ke waan ŋa tiwan nibaa kan, see u ŋa waah puu ke u ga ŋa pu na, u taa bii tipuur ngbaan.

Lituln 20:24

Tɔ, m yaa kpo, bee m yaa bi kan, ntafal aa bi ni ni. Tidindaan Yesu tii mi lituln, ke m tuk binib tibɔnyaan ngbaan, ke Uwumbɔr gee bi. Ntafal bi lituln ngbaan ponn ni, ke m tun li ti doo.

Lituln 21:13

Le Pɔɔl baa bi, “Ni ŋani ba kina, ki wii, ki bii nsui? Bi yaa ga ti buu mi Jerusalem ni, bee bi yaa ga ti ku mi nima Tidindaan Yesu pu kan, m ga buen. Maan di cha.”

Rom Yaab 16:4

M pu le bi mɔmɔk ba ga kpo. Nima le m dooni bi. Naa ye mi baanja le dooni bi. Yesu aanib bi kaa ye Juu yaab na mɔmɔk mu dooni bi.

Filipi 2:30

ba pu? Kristo aatuln pu, waa nan daa nkun. Waah nan ban u ter mi, naah kaa nan ŋmaa ter mi pu na pu, le u nan kan linimaln.

Josua 12:2

Ubaa le nan ye Amor yaab aabɔr u bi nan yin u ke Sihonn na, uma le nan jin nnaan Hesbonn aatiŋ ni. Waanaan ngbaan le nan ye Gilead aapepel ligeln, ki nyan Aroer aatiŋ ki bi Anonn Aafataŋ aamɔgben na, ni kitiŋ ki bi kifataŋ ngbaan aakaasisik ni na, ki ti ker Jabok Aamɔɔl li ye Amonn yaab aatiŋ mɔk na,