Bibɔjirb 11:34 - Uwumbɔr aagbaŋ

³⁴ Jefta aah gir kun Mispa aatiŋ ni na, ubisal nan nyan ni ke u tooh ute nsan ni, le ki yikr nchayakrtuun, ki waa liwaal. Uma le nan ye waabobaal li u kpa na.

Bibɔjirb 11:34 ပူးပေါင်းရင်းမြစ်များ

2 Samuel 6:14

David nan gbab Uwumbɔr aatotoor aakekengeŋ uchaŋ ni, ki di waapɔɔn mɔmɔk ki waa liwaal ki pak Uwumbɔr.

Ilahn 150:4

Di ŋigangan ki waa liwaal pak u man. Di tibar ni kulufeeŋ mam pak u man.

Ilahn 68:25

Bilahngaab le loln nsan, le biwangbaab paa puwɔb, le bisapɔm bi gbaa ŋidabun na bi kaasisik ni.

Nnyam 15:20

Uwumbɔr aabɔnabpii Miriam, u ye Aaronn aaninkpan na nan yoor waachayakrtuun, le bipiib mɔmɔk mu yoor baachayakrtuun ki dii u ki waa liwaal,

Jeremia 31:13

Bisapɔm ga li kpa mpopiin le ki waa liwaal, le bijab bi por na, ni binachipɔm ga li mɔɔni. M ga sɔŋ bisui ki cha baakpowiil kpaln mpopiin, ki cha baasuugar kpaln mmɔɔn.

Jeremia 31:4

M ga ki gir maa nimi kaan. Ni ga ki gir yoor nimi aagangan ki waa mpopiin aawaal.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Tibɔnyaan ti Luk ŋmee ti na 7:12

Waah peen kitiŋ ngbaan aagoln aabisamɔb na, le u kan uja ubaa kpo, bi tu ni u. Una nan ye ukpopii la. U mu ye ujapɔnbaal la. Le waatiŋ aanib pam mu dii u ki wiir.

Tibɔnyaan ti Luk ŋmee ti na 8:42

ke ubisabaan, u ye ŋibin kipiik ni ŋilee na bun, ki ban u kpo. Le Yesu dii u ki buen. Waah cha na, le kinipaak dii u ki mueni u.

Tibɔnyaan ti Luk ŋmee ti na 9:38

Le kinipaak ngbaan ponn ni uja ubaa teen ke, “Umɔmɔkr, m gaŋ si, san njapɔɔn kinimbaak. U ye maabobaal la.

Josua 18:26

ni Mispa, ni Kefira, ni Mosa,

Bibɔjirb 10:17

N‑yoonn ngbaan le Amonn yaab gaar ke bi buen butɔb, ki ti kuun bi Gilead aatiŋ pu, le Israel aajab mu kuun tɔb ki ti kal Mispa aatiŋ ki bi Gilead aatiŋ ni na ni.

Bibɔjirb 11:11

Kina pu le Jefta nan gir dii Gilead aasalolm ngbaan, le binib ngbaan di u ŋa baajojoor, ni usaloln. Jefta nan tuk bi waalandak Mispa aatiŋ ni, Uwumbɔr aanimbiin ni la.

Bibɔjirb 20:1

Israel aanib mɔmɔk bi nan ye Dann aanibol yaab ki bi ŋŋangan wɔb na, ki ti saa Beerseba aatiŋ ki bi ŋŋangii wɔb na, ki yoor kina ki nyan Gilead aatiŋ ni liwipuul wɔb mɔmɔk nan kii n‑yim ngbaan. Bi mɔmɔk nan kuun ti ŋa unibaan Uwumbɔr aanimbiin ni, Mispa aatiŋ ni.

Bibɔjirb 21:21

ki li kii. Silo aatiŋ aasapɔm yaa nan nyan ni ke bi nan waa liwaal njim ngbaan ni kan, ni nyan ni ŋisubil aasar ngbaan ni. Ni mɔmɔk chur nimi aapiib bi ponn ni ki di gir buen Benjaminn aapepel ni.