Bibɔjirb 11:27 - Uwumbɔr aagbaŋ

²⁷ Mbamɔn, maa tun si taani ubaa. Saah bi ban mi kijaak na, aa bi tun taani le na. Uwumbɔr le ga len. U ga len Israel yaab ni nimi Amonn yaab aabamɔn din wee.”

Bibɔjirb 11:27 ပူးပေါင်းရင်းမြစ်များ

Mpiin 16:5

Sarai nan bui uchal Abram ke, “Ni ye saataani pu le Hagar aa ki lik pak mi. Min le nan di u tii si, le waah bee ke u kpa lipuul na, waa ki pak mi. Uwumbɔr le ga lik ki bee m ni si u aabɔr ŋan na.”

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

Mpiin 31:53

Aayaaja Abraham Aawumbɔr ni n‑yaaja Nahor Aawumbɔr le ga li ye timi aabɔjir.” Le Jakob aate Aisak Aawumbɔr aayimbil pu, u mu nan puu ke u mu ga li joo tipuur ngbaan.

2 Bibɔrb Aabɔr 20:12

Sin le ye timi Aawumbɔr. Taa kpa nterm mubaa butɔb aajapaak ki bi tak timi na chee, kina pu na, daa bitafal. Taa nyi taah ga ŋa pu na, ti tee lik sin pu, le ki ban nterm.”

Job Aagbaŋ 23:7

Maa kpa beebee; m ni Uwumbɔr ga ŋmaa gbaa maabɔr; u ga bui ke m kpa mbamɔn ki nyan mi kookoo.

Job Aagbaŋ 9:15

Hali maah kaa kpa taani ubaa na, maah ga ŋmaa ŋa pu na le ye ke m gaŋ Uwumbɔr u ji mi tibɔr na ke u san mi kinimbaak.

Ilahn 50:6

Paacham len ke Uwumbɔr aabimbin ŋan, ke uma le ye ubɔjir.

Ilahn 7:11

Uwumbɔr ye ubɔjir u len ibamɔn na la, le ki bii bibiindam aabɔr.

Ilahn 75:7

Uwumbɔr le ji tibɔr, u bii bibaa aabɔr, le ki bui biken ke baabɔr ŋan.

Ilahn 82:8

Uwumbɔr, dan, ki nan joo dulnyaa; ŋitimbol mɔmɔk ye sin yaan la.

Ilahn 94:2

Sin le ye unibɔn mɔmɔk aabɔjir; fii sil ki tii bigaadam tiwan ni ŋeer bi na.

Ilahn 98:9

ba pu? u choo ke u nan joo dulnyaa la; u ga di mbimbinyaan ni ibamɔn le joo dulnyaa aanib.

Ulandaan 11:9

Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

Ulandaan 12:14

Uwumbɔr ga ji timi tibɔr, timi aatun mɔmɔk pu. U ga ji timi tibɔr, timi aatunyaan, ni ŋi kaa ŋan na, ni taah tun ŋi libɔɔl ni na pu.

2 Korenti 11:11

Ba pu? Ni ye ke maa gee nimi le ki len kina aa? Uwumbɔr nyi ke m gee nimi la.

2 Korenti 5:10

Ba pu? ti mɔmɔk ga nan sil Kristo aanimbiin ni, aan u lik timi aabimbin aah bi pu na, ki bee ke ti tun ni ŋan na, bee ni kaa ŋan na dulnyaa wee ni, ki ga tii ti mɔmɔk taah tun pu na aapal.

2 Timoti 4:8

le Uwumbɔr len ke maabɔr ŋan, ki di tinyoor bil kiir mi paacham. Tidindaan u ji binib tibɔr mbamɔm na, le ga ti di tinyoor ngbaan tii mi bundaln u ga gir ni na. Naa ye mi baanja le u ga tii. U ga tii binib bimɔk gee u ki ban ke u ki gir ni na.

Hiibru Yaab 12:23

Ni fuu ni Uwumbɔr aabipolb bi aayimbil ŋmee paacham na aakuun chee la. Ni fuu ni Uwumbɔr u ye binib mɔmɔk aabɔjir na chee. Ni fuu ni bininyaam aawiin mu Uwumbɔr ŋa mu, mu ŋan ti doo na chee.

Bibɔjirb 11:28

Tɔ, Amonn aabɔr aa nan di Jefta aabɔr tee yin nibaa.

1 Samuel 2:10

Uwumbɔr aadim ga kuln; u bi paacham ki ga teen bi pu ke utaal na. Uwumbɔr le ga ji dulnyaa mɔmɔk tibɔr; u ga tii waabɔr mpɔɔn, u ga cha waah lee ubɔr u na kan linyaŋ.”

1 Samuel 24:12

Uwumbɔr ga ji timi aabɔr ki lik u aabɔr bii na. Saah ŋani mi pu na, uma le ga daa aatafal; ba pu? maa ban m ŋa si nibaa kpala.

1 Samuel 24:13

Aa nyi liyataŋakl na ke, ‘Titunwanbirdam baanja le ŋani titunwanbir.’ Kina pu na, maan ŋa si nibaa.

1 Samuel 24:15

Uwumbɔr ga ji timi aabɔr, le ki bee u aabɔr bii na. Cha u lik tibɔr ngbaan ponn ni, ki sil mpuwɔb, ki gaa mi lii.”

1 Samuel 24:16

David aah len doo na, le Sɔɔl bui ke, “Sin maabo David sil ye ee?” le ki piin ki bi wii.