Bibɔjirb 11:24 - Uwumbɔr aagbaŋ

²⁴ Aa ban ke aa pɔɔn aabaa ki ki gaa kitiŋ ngbaan la aa? Li joo saawaal Kemos aah tii si tiwan nimɔk na. Ti ban ti li joo Tidindaan Uwumbɔr aah di ni tii timi na la.

Bibɔjirb 11:24 ပူးပေါင်းရင်းမြစ်များ

1 Bibɔrb 11:7

U nan maa nin chee u ga li dooni Moab yaab aawaal Kemos li bir na, ni Amonn yaab aawaal Molek mu yaan, lijool li bi Jerusalem aawipuul wɔb na.

Ilahn 44:2

Sin aabaa le nan jenn nyan binib bi kaa dii si na, ki di saanib kaan baatiŋ pu. Aa nan daa binib ngbaan aatafal ki cha saanib kan tinyoor.

Ilahn 78:55

Waanib aah tur koo ni pu na le u jenn ntim ngbaan aanib le ki yakr baatim tii Israel aanibol ki di bido tii waanib ngbaan.

Jeremia 48:13

Le Moab yaab ga lik baawaal Kemos fam, ke Israel yaab aah nan lik liwaal Betel, li bi nan di naadii tii li na fam pu na.

Jeremia 48:46

San Moab aanib kinimbaak man. Binib bi nan dii liwaal Kemos na kuln a, le bi chur bijapɔtiib ni bibisatiib buen tinaagbiir ni.

Jeremia 48:7

Moab aatiŋ, aa nan mak saapɔɔn ni saawangol pu la, le dandana ma kan, aa ga lir; bi ga yoor saawaal Kemos ni laawaadabim, ni laatotoorb ki di buen.

Maika 4:5

Litimbol mɔk dooni ki keei laawaal aamɔb la, le ti mɔmɔk ga nan doon ki kii Tidindaan Uwumbɔr aamɔb ki ti saa n‑yoonn mu kaa kpa ndoon na.

Nkahm 21:29

Moab yaab, ni ye nimi falaa la. Nimi bi dooni liwaal Kemos na bii doo a. Nimi aawaal cha nimi aajab kpaln bikusam la, le Amor yaab aabɔr di nipuutiib ŋa binaagbiib.

Ikaal 18:12

Nidindaan Uwumbɔr aa gee binib bi tun kina aatuln na aabɔr, nima pu le u bi nyani bi kitiŋ ki ni ban ni koo ki ponn ni na.

Josua 21:43

Uwumbɔr nan di kitiŋ ki u nan puu tii Israel yaab aayaajatiib ke u ga di ki tii bi na tii bi. N‑yoonn mu bi nan gaa kitiŋ ngbaan doo na, le bi nan kal nima chee.

Josua 3:10

Mbamɔn, naah tur cha pu na, u ga jenn nyan Kanaann yaab, ni Hef yaab, ni Hif yaab, ni Peris yaab, ni Girgas yaab, ni Amor yaab, ni Jebus yaab.

Bibɔjirb 10:6

Israel aanib nan ki piin ki dooni ŋiwaa Baal, ni Astaate, le ki tun Uwumbɔr titunwanbir. Bi nan ki dooni Siria yaab, ni Saidonn yaab, ni Moab yaab, ni Amonn yaab, ni Filistia yaab aawaa mu. Bi nan suln Uwumbɔr bɔr, kaa ki dooni u.

Bibɔjirb 11:23

Kina pu na, Israel yaab Aadindaan Uwumbɔr le nan jenn nyan Amor aanib tii waanib Israel yaab.

Bibɔjirb 2:1

Uwumbɔr aatuun nan nyan Gilgal aatiŋ ni, ki buen Bokim aatiŋ ni, ki ti bui Israel yaab ke, “M nyan ni nimi Ijipt aatiŋ ni, ki di nimi dan kitiŋ ki m nan puu ke m ga di tii niyaajatiib na pu. M nan bui ke, ‘Maan bii tipuur ti m nan puu tii nimi na daalbaadaal.

Ruf Aagbaŋ 1:15

Le Naomi bui u ke, “Ruf, aayɔnn gir kun udo yaab, ni baawaal chee. Aa mu li dii u cha.”