Bibɔjirb 11:2 - Uwumbɔr aagbaŋ

² le u ni upuu nan ki kpa japɔtiib biken, le baah ŋa binib na, bi jenn nyan Jefta bite do. Bi nan bui u ke, “Saan ji tite aafaal libaa; aa ye ubɔnbo la.”

Bibɔjirb 11:2 ပူးပေါင်းရင်းမြစ်များ

Mpiin 12:10

Tɔ, n‑yoonn mubaa le nkon nan lir Kanaann aatiŋ ni. Nkon ngbaan nan pɔɔ ti nyaŋ. Nima pu le Abram nan buen Ijipt aatiŋ ni, u ti laa li bi nima aan bi kan tijikaar ki ji.

Mpiin 21:10

Le Sara kan bi, le naa mɔɔr u, le u bui uchal Abraham ke, “Nyan unaagbiipii wee ni waabo aado. Unaagbiipii wee aabo aa kpa nsan u ji lifaal li maabo Aisak ga ji na.”

Ŋiyataŋak 2:16

Aa ga ŋmaa nyaŋ upiidagoor u suln u ni uchal aah puu tipuur ti na bɔr, ki nyan uchal aapuwɔb, ki pɔɔni ubaa ke u di kimɔmɔɔn nyaŋ si na.

Ŋiyataŋak 5:20

Maabo, ba ŋa aa joo saageehm tii upii uken? Ba ŋa aa tee gee aaŋeen aatɔ aapuu aanyaan ki jer aayoo?

Ŋiyataŋak 5:3

Nibaakan aaŋeen aatɔ aapuu aamɔgban ga li mirk ke tisiir na,

Galantiya 4:30

Uwumbɔr Aagbaŋ len kinye? Ki len ke Uwumbɔr nan bui Abraham, “Nyan unaagbiipii na ni waabo; unaagbiipii aabo na aa kpa nsan u ji lifaal mmaal aabo na chee.”

Ikaal 23:2

“Ubɔnbo, ni waabim, ni uyaabisɔsɔk kipiik pu taa kpaan Uwumbɔr aanib chee.

Bibɔjirb 11:1

Jefta nan ye butɔb aaja u kaar na la. U nan ye Gilead aatiŋ aanii, le una ye upii u joo ubaa kooh na. Bi nan yin ute ke Gilead,

Bibɔjirb 11:3

Jefta nan san ute aabim chee, le ki ti koo Tob aatiŋ ni. Nima chee le u ti kan maabitibaanidam bibaa, le bi ni uma chuun dii.