Bibɔjirb 11:10 - Uwumbɔr aagbaŋ

¹⁰ Bi nan gar ke, “Ti kii. Uwumbɔr le ye timi aaseeraadaan.”

Bibɔjirb 11:10 ပူးပေါင်းရင်းမြစ်များ

Mpiin 16:5

Sarai nan bui uchal Abram ke, “Ni ye saataani pu le Hagar aa ki lik pak mi. Min le nan di u tii si, le waah bee ke u kpa lipuul na, waa ki pak mi. Uwumbɔr le ga lik ki bee m ni si u aabɔr ŋan na.”

Mpiin 21:23

Nima pu na, puu Uwumbɔr aanimbiin ni ke saan ŋmann mi, bee maabim, bee n‑yaabitiib. M si aachaŋ ni pam, aa mu puu ke aa ga li si nchaŋ ni, ni kitiŋ kimina aanib pu.”

Mpiin 31:50

Labann nan ki bui ke, “Aa yaa ŋa mbisatiib bee bakaa, bee aa yaa ki yoor bipiib kpee bi pu kan, hali m yaa kaa nyi kan, teer ke Uwumbɔr waa si.

Mpiin 31:53

Aayaaja Abraham Aawumbɔr ni n‑yaaja Nahor Aawumbɔr le ga li ye timi aabɔjir.” Le Jakob aate Aisak Aawumbɔr aayimbil pu, u mu nan puu ke u mu ga li joo tipuur ngbaan.

Nnyam 20:7

“Ni taa yin maayimbil fam fam, min Nidindaan Uwumbɔr ga daa unii u yin maayimbil fam fam na aatafal.

Jeremia 29:23

Baah tun titunwanbir sakpen pu na, baadoon le ga li bi na; bi goor kidagook, ki di Uwumbɔr aayimbil geei inyamɔn. Uwumbɔr aa nan gee kina; u nyi baah tun pu na, le uma le ye useeraadaan. Uwumbɔr le len kina.”

Jeremia 42:5

Le bi bui mi ke, “Ti yaa yii kaa kii Tidindaan Uwumbɔr aah ga di tibɔr timɔk tuk si ke aa di tuk timi na kan, u li ye useeraadaan bamɔnn ti pu.

Maika 1:2

Ŋitimbol mɔmɔk, ŋun tibɔr tee man, binib bimɔk bi kitiŋ kee pu na, li pel man tibɔr tee. Uwumbɔr Mpɔɔndaan ga len ibamɔn, le ki galn nimi. Li pel man. U bi waapaacham aadichal ni le ki len ni.

Sekaria 5:4

Uwumbɔr Mpɔɔnsakpiindaan bui ke, ‘M ga cha tipuun ngbaan buen, le ti ga ti koo unaayuk mɔmɔk, ni unii umɔk puur tipuur maayimbil ni ki geei inyamɔn na aadichal ni. Ti ga gaar baadichal ni le ki ti kuln li kookoo.’”

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Rom Yaab 1:9

M di nsui mɔmɔk tun lituln tii Uwumbɔr, ki tuk binib Ujapɔɔn Yesu Kristo aabɔnyaan ngbaan. Uma Uwumbɔr le nyi ke ni ye mbamɔn, m teer nibɔr maameen mɔmɔk ponn ni,

2 Korenti 11:31

Tidindaan Yesu Aate Uwumbɔr, u yeh mpakm n‑yoonn mu kaa kpa ndoon na, uma le nyi ke m len mbamɔn la.

Ikaal 1:16

“N‑yoonn ngbaan m nan tuk bi ke, ‘Kinikpakpak yaa fii binib ngbaan aakaasisik ni kan, ni lik ti ponn ni mbamɔm. Ni li toor kina aabɔr ibamɔn ni; ni li toor nimi aanib, ni biwɔwɔm bi koo ni chee na mɔmɔk aabɔr kina.

Bibɔjirb 11:9

Jefta nan bui bi ke, “Ni yaa di mi giin linampal ke m ti jan Amonn yaab kijaak aan Uwumbɔr yaa tii mi linyaŋ kan, min le ga li ye nimi aajojoor.”

1 Samuel 12:5

Le Samuel giin kii bi ke, “Uwumbɔr, ni waah lee ubɔr u na le ye seeraadam din wee ke maa kpa taani ubaa.” Le bi kii ke, “Een, Uwumbɔr le ye seeraadaan.”

1 Samuel 24:12

Uwumbɔr ga ji timi aabɔr ki lik u aabɔr bii na. Saah ŋani mi pu na, uma le ga daa aatafal; ba pu? maa ban m ŋa si nibaa kpala.