Bibɔjirb 10:6 - Uwumbɔr aagbaŋ

⁶ Israel aanib nan ki piin ki dooni ŋiwaa Baal, ni Astaate, le ki tun Uwumbɔr titunwanbir. Bi nan ki dooni Siria yaab, ni Saidonn yaab, ni Moab yaab, ni Amonn yaab, ni Filistia yaab aawaa mu. Bi nan suln Uwumbɔr bɔr, kaa ki dooni u.

Bibɔjirb 10:6 ပူးပေါင်းရင်းမြစ်များ

1 Bibɔrb 11:33

Solomonn aa yii mi ki dooni ŋiwaa na pu le m ga ŋa kina. U dooni Saidonn yaab aawaapii Astaate; ni Moab yaab aawaal Kemos, ni Amonn yaab aawaal Molek. Solomonn yii maamɔb; u tun mi taani, kaa joo maakaal, ni maah bui u pu na, ke ute David aah nan joo pu na.

1 Bibɔrb 11:5

U nan dooni Saidonn aawaapii Astaate, ni Amonn yaab aawaal Molek li bir na.

1 Bibɔrb 11:7

U nan maa nin chee u ga li dooni Moab yaab aawaal Kemos li bir na, ni Amonn yaab aawaal Molek mu yaan, lijool li bi Jerusalem aawipuul wɔb na.

1 Bibɔrb 16:31

Ubɔr Jeroboam aah nan tun titunwanbir pu na nan par u chee, le u nabr paan ki yoor Saidonn Aabɔr Etbaal aabisal Jesebel, le ki nan dooni liwaal Baal.

2 Bibɔrb 17:16

Bi nan bii Bidindaan Uwumbɔr aakaal mɔmɔk, le ki naan tikur aanaajabi ilee ki dooni i; bi nan ki naan liwaapii Asera aanaŋ mu, ki dooni iŋmabi, le ki dii liwaal Baal.

2 Bibɔrb 23:13

Josia nan bii ŋiwaa aatork aabimbin ŋi Ubɔr Solomonn nan maa Jerusalem aatiŋ ponn ni aawipuul wɔb, ki bi Olif Aajool aaŋangii wɔb na, ŋiwaabimbin ngbaan pu le bi nan dooni tijɔŋ aawaa. Nima le ye Saidonn aawaapii Astaate, ni Moab aawaal Kemos, ni Amonn aawaal Molek.

2 Bibɔrb Aabɔr 28:23

U nan toor kitork tii Siria yaab bi nyaŋ u na aawaa. U nan bui ke, “Siria aawaa le ter Siria aabɔrb, kina pu na, m mu yaa toor kitork tii ŋi kan, nibaakan ŋi ga ter m mu.” Le kina aatuln joo ni tibɔbir nan lii u ni waatimbol pu.

Ilahn 106:36

le ki dooni ŋiwaa, le nimina kuln bi.

Aisaya 23:4

Saidonn aatisakpeŋ, inimɔɔn chuu si a. Nnyusakpem, ni tiwan ni bi mu taab na yii si ki bui ke, “Maa ma mbim kpala. Maa kpiin mbijabim ni mpiibim kpala.”

Jeremia 2:13

maanib aah tun titunwanbir tilee ti na pu. Bi fenn bipuwɔb tii mi, ni bi ke bi yii uyayak aanyunbun mu aanyun ŋan na, le ki gbii bibaa aabun ŋi kpa iween, kaan ŋmaa joo nnyun na.

Jeremia 2:20

Tidindaan Uwumbɔr le len ke, “Israel yaab, naah yii maamɔb na, ni yunn pam; ni yii, kaa kii maamɔb, kaa dooni mi. Ni dooni ŋiwaa ŋi ni bui ke ŋi kpa timar na ŋigongon ŋi paa na pu, ni bususoom mɔmɔk taab.

Jeremia 32:23

Baah nan koo ni kitiŋ kee pu ki gaa ki na, bi nan yii saah nan bui bi ke bi li bi pu na, kaa nan bi saah mɔk bi ke bi li bi pu na. Baa nan ŋa saah bui bi pu na tiwan nibaa, kina pu le aa joo ni tibɔbir tee mɔmɔk nan lii bi pu.

Esekiel 27:16

Siria aanib nan daa aa chee saawankookaan, ni saawan niken pam. Bi nan di ŋitakpanyaan, ni ŋitaman aakeken, ni nyɔla nyɔla aawan, ni ŋitanyaan bamɔnn, ni ŋitakpanyaan aabɔŋ aabɔŋ kpeln saawankookaan.

Ikaal 13:6

“Hali ni yaa ye aana aabo, bee aajapɔɔn, bee aabisal, bee aapuu u aa gee sakpen na, bee aajɔ u aa ni u aan ŋmaa yakr tɔb chee na, le yaa loon bui si ke ni li dooni ŋiwaa kan, aa taa kii tii u. Aa ni aayaajatiib aa kee dii ŋiwaa ngbaan.

Ikaal 13:8

ni taa cha u ŋmann nimi aan ni san dii u, ni taa pel waah len pu na kpala. Ni taa san u kinimbaak kpala, ki taa biin u pu.

Ikaal 31:16

Uwumbɔr nan bui Moses ke, “Naan yunn le aa ga kpo. Saakun aapuwɔb, binib ngbaan ga fenn cha mi, ki bii tipuur ti m nan puu tii bi na. Bi ga di mi lii, le ki buen ti doon baah ban bi koo kitiŋ ki ni na aanib ngbaan aawaa.

Ikaal 31:17

Bi yaa ŋa kina kan, m ga gee liŋuul bi pu, ki yii bi, le ki ga kuln bi. Tibɔbir pam ga dan bi pu, le ni ga cha bi bee ke min Baawumbɔr aa ki bi bi chee.

Ikaal 32:15

Uwumbɔr aanib ngbaan nan kan liwangol, le ki tee kpa tafalaaŋun. Bi nan ji ti babr, le ki filk. Bi nan yii Uwumbɔr u naan bi, ki ye Mpɔɔnsakpiindaan u gaa bi lii na.

Josua 13:31

ki nan ki kpee Gilead aatiŋ ligeln, ki ti kpaan Astarof ni Edrei aatim, muma le nan ye ntikpaam ubɔr Og aanaan ni, ki bi Basann aatiŋ ni. Bi nan di kitiŋ ngbaan mɔmɔk tii Manase aajapɔɔn u bi nan yin u ke Makir na le aamaal ligeln.

Bibɔjirb 10:5

Jair nan kpo, le bi di u sub Kamonn aatiŋ ni.

Bibɔjirb 11:24

Aa ban ke aa pɔɔn aabaa ki ki gaa kitiŋ ngbaan la aa? Li joo saawaal Kemos aah tii si tiwan nimɔk na. Ti ban ti li joo Tidindaan Uwumbɔr aah di ni tii timi na la.

Bibɔjirb 13:1

Israel yaab nan ki gir tun Uwumbɔr titunwanbir, le u cha Filistia yaab joo bi ki ti saa ŋibin imonko ilee.

Bibɔjirb 16:23

Filistia aabɔrb ngbaan nan kuun tɔb ke bi nan ji njim ki toor kitork tii baawaal Dagonn. Bi nan gaa nlahn ke, “Timi aawaal le tii timi linyaŋ timi aadin Samsonn pu.”

Bibɔjirb 3:7

Israel aanib suln Bidindaan Uwumbɔr bɔr; bi nan tun u titunwanbir le ki dooni liwaal Baal, ni liwaal Asera.

Bibɔjirb 4:1

Ehud aah nan kpo na, le Israel aanib ki tun Uwumbɔr titunwanbir.

Bibɔjirb 6:1

Israel aanib nan ki gir tun Uwumbɔr titunwanbir, kina pu le u nan cha Midiann aanib joo bi, ki ti saa ŋibin ŋilole.

Bibɔjirb 8:33

Gideonn aah kpo na, Israel aanib nan ki piin ki nya Uwumbɔr aapuwɔb ki dooni Baal aawaa. Bi nan di Baal Berif le ŋa baawaal,

1 Samuel 5:2

ki di u buen baawaal Dagonn aadiik ponn ni, ki di u siin gbaŋ liwaal ngbaan.