Bibɔjirb 10:18 - Uwumbɔr aagbaŋ

¹⁸ Nima chee le Israel aanib, ni ŋinibol ngbaan aaninkpiib baa tɔb ke, “Ŋma ga loln timi nsan Amonn yaab aatɔb bue ni? Unii u loln ti pu nsan na le ga ŋa Gilead aanib mɔmɔk aasaloln.”

Bibɔjirb 10:18 ပူးပေါင်းရင်းမြစ်များ

Aisaya 34:12

Ubɔrkpaan aan li bi ki joo litingbaln ngbaan, le kaaninkpiib mɔmɔk ga doo.

Bibɔjirb 1:1

Josua aah nan kpo na aapuwɔb le Israel aanib baa Uwumbɔr ke, “Lilanibol ga puen buen ti tak Kanaann aanib.”

Bibɔjirb 10:17

N‑yoonn ngbaan le Amonn yaab gaar ke bi buen butɔb, ki ti kuun bi Gilead aatiŋ pu, le Israel aajab mu kuun tɔb ki ti kal Mispa aatiŋ ki bi Gilead aatiŋ ni na ni.

Bibɔjirb 11:1

Jefta nan ye butɔb aaja u kaar na la. U nan ye Gilead aatiŋ aanii, le una ye upii u joo ubaa kooh na. Bi nan yin ute ke Gilead,

Bibɔjirb 11:11

Kina pu le Jefta nan gir dii Gilead aasalolm ngbaan, le binib ngbaan di u ŋa baajojoor, ni usaloln. Jefta nan tuk bi waalandak Mispa aatiŋ ni, Uwumbɔr aanimbiin ni la.

Bibɔjirb 11:4

Ni nan ye n‑yoonn mubaa aapuwɔb le Amonn yaab ti faa Israel yaab butɔb.

Bibɔjirb 12:7

Jefta nan joo Israel aanib ki ti saa ŋibin ŋiloob le ki nin kpo, le bi di u sub udo aatiŋ Gilead ni.

1 Samuel 17:25

le ki bui tɔb ke, “Lik u man. Li pel man waamɔliin. Ubɔr Sɔɔl puu ke u ga tii uja u ku u na ipiin sakpen. Ubɔr ki len ke u ga di ubisal tii udaan ngbaan u di ŋa upuu, ki taa cha udaan aate aadichal li pa lampoo.”