Bibɔjirb 10:17 - Uwumbɔr aagbaŋ

¹⁷ N‑yoonn ngbaan le Amonn yaab gaar ke bi buen butɔb, ki ti kuun bi Gilead aatiŋ pu, le Israel aajab mu kuun tɔb ki ti kal Mispa aatiŋ ki bi Gilead aatiŋ ni na ni.

Bibɔjirb 10:17 ပူးပေါင်းရင်းမြစ်များ

Mpiin 31:49

Le Labann ki bui ke, “Uwumbɔr li lik ti mɔmɔk bilee, taah ga yakr tɔb chee pu na, ubaa taa ŋa uken bakaa.” Nima pu na, bi nan ki yin nima chee ke Mispa.

Josua 13:26

Baatiŋ nan ki yoor ki nyan Hesbonn aatiŋ, ki ti saa Ramaf Mispa, ni Betonim; ki nyan Mahanaim aatiŋ, ki di naa Lodebar aatiŋ mɔk na,

Bibɔjirb 10:18

Nima chee le Israel aanib, ni ŋinibol ngbaan aaninkpiib baa tɔb ke, “Ŋma ga loln timi nsan Amonn yaab aatɔb bue ni? Unii u loln ti pu nsan na le ga ŋa Gilead aanib mɔmɔk aasaloln.”

Bibɔjirb 11:11

Kina pu le Jefta nan gir dii Gilead aasalolm ngbaan, le binib ngbaan di u ŋa baajojoor, ni usaloln. Jefta nan tuk bi waalandak Mispa aatiŋ ni, Uwumbɔr aanimbiin ni la.

Bibɔjirb 11:29

N‑yoonn ngbaan le Uwumbɔr Aafuur Nyaan gbiin Jefta. U nan bɔ dii Gilead ni Manase aatim ni, ki gir ni Mispa aatiŋ ki bi Gilead ni na, le ki di buen Amonn aatiŋ ni.

Bibɔjirb 11:34

Jefta aah gir kun Mispa aatiŋ ni na, ubisal nan nyan ni ke u tooh ute nsan ni, le ki yikr nchayakrtuun, ki waa liwaal. Uma le nan ye waabobaal li u kpa na.

Bibɔjirb 11:4

Ni nan ye n‑yoonn mubaa aapuwɔb le Amonn yaab ti faa Israel yaab butɔb.

Bibɔjirb 11:6

Bi nan bui u ke, “Dan nan loln ti pu nsan aan ti ŋman ki jan Amonn yaab kijaak.”

1 Samuel 7:5

Le Samuel tun yin Israel yaab mɔmɔk ke bi ti kuun Mispa aatiŋ ni, le ki len ke, “M ga ti mee Uwumbɔr tii nimi, nima chee.”