Bibɔjirb 10:16 - Uwumbɔr aagbaŋ

¹⁶ Bi nan di ŋiwaa lii, le ki dooni Uwumbɔr, le baapombiin aabɔr nan ki muk u.

Bibɔjirb 10:16 ပူးပေါင်းရင်းမြစ်များ

Mpiin 6:6

nima pu le usui bii sakpen, waah naan unibɔn u na pu.

2 Bibɔrb 13:23

le Uwumbɔr nan kpa tibulchinn ki san bi kinimbaak. Waa nan kii ke bi kuln bi, le ki ter bi waah nan puu tipuur ti tii Abraham, ni Aisak, ni Jakob na pu. Waa kee suln waanib bɔr daalbaadaal.

2 Bibɔrb Aabɔr 15:8

Asa aah ŋun Oded aajapɔɔn Asaria aah di Uwumbɔr aabɔr ti nabr u na, le utaakpab pɔɔk. U nan di Juda ni Benjaminn aatim aawaa mɔmɔk mae. U nan di waah nyaŋ ntim mu aan mu bi Efraim aajoo aatiŋ ni na mu aawaa mae. U nan toor Uwumbɔr aatork aabimbiln li nan bi Uwumbɔr Aadichal aachiln ni na.

2 Bibɔrb Aabɔr 33:15

U nan nyan ŋiwaa ni liwaal li u nan naan siin Uwumbɔr Aadichal ni na li ponn ni, ki ber ŋiwaa aatork aabimbin ŋi nan bi ligongoln li pu Uwumbɔr Aadichal si na, ni ŋi mu bi Jerusalem aapepel ŋiken na; u nan di tiwan ngbaan nyan kitiŋ ngbaan aagbaan ki ti di ni mee.

2 Bibɔrb Aabɔr 7:14

aan bi yaa mee limeel m chee ki kpeln baabimbin ki yii baah tun titunwanbir ti na kan, le m ga li bi paacham ki ŋun baameel ngbaan, ki di baatunwanbir cha pinn bi, ki ki cha baatiŋ ŋa tinyoor.

Ilahn 73:21

Buyoonn maalandak nan bii nsui aan mmɔb ponn ni choŋ na,

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Jeremia 31:20

Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Hosea 11:8

Israel, m ga ŋa kinye ki di si lii? M ga ŋa kinye ki di si mee? M ga ŋmaa kuln si ke maah nan bii Adma aatiŋ pu na aa? M ga ŋmaa ŋa si ke maah nan ŋa Seboyim aatiŋ pu na aa? Nsui aan cha m ŋa si kina, ba pu? m gee si sakpen a.

Hosea 14:8

Israel aanib aatafal aan ki li bi ŋiwaa ni; m ga kii baameel ki li joo bi. M ga li kii bi ke busub bu aafar aa gbaar na la; min le ye nin chee baanyoor mɔmɔk ga nya ni na.”

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Tibɔnyaan ti Luk ŋmee ti na 15:20

Le u fii ki cha ute do. “Waah laa bi ni daa na, le ute waa u, ki san u kinimbaak, le ki san tooh u nsan ni, ki ti di uŋaal kpal u, le ki moor utakpiln.

Tibɔnyaan ti Luk ŋmee ti na 19:41

Yesu aah peen Jerusalem aatiŋ na, le u waa ki, ki wii sakpen ki pu,

Jɔnn 11:34

le ki baa bi, “Ni sub u la chee?” Le bi bui u, “Ndindaan, dan nan lik.”

Efesusi 4:32

Ni li ŋani tɔb tiŋann, ki li san tɔb kinimbaak, ki di cha pinn tɔb ke Uwumbɔr aah di cha pinn nimi, Kristo pu pu na.

Ikaal 32:36

Uwumbɔr yaa kan ke waanib aa ki kpa mpɔɔn kpala kan, u ga gaa bi lii. U ga san binib bi tun tii u na kinimbaak, u ga ter bi buyoonn baa ti ki kan nterm na.

Hiibru Yaab 3:10

Nima pu le u nan gee liŋuul bi pu, le ki bui ke baalandak yenni n‑yoonn mɔmɔk la, baa bee waasan.

Hiibru Yaab 4:15

Utotoorninkpel ngbaan ga ŋmaa san timi kinimbaak timi aafalaa ponn ni. U kan ntɔŋ aabɔŋ aabɔŋ ke taah kan ntɔŋ mɔmɔk pu na. Uma le aa tun titunwanbir tibaa.

Josua 24:23

Le Josua bui bi ke, “Ni yaa ye kina kan, ni nyan ŋiwaa ŋi bi ni chee na man, aan ki puu ke ni ga sil dii Uwumbɔr u ye timi Israel yaab Aadindaan na.”

Bibɔjirb 2:18

N‑yoonn mumɔk Uwumbɔr nan ti tii Israel yaab usaloln na, u ga nan ter usaloln ngbaan le ki gaa Israel yaab baadim chee lii. U nan ti kii bi kina le ki ti saa usaloln ngbaan aamɔfal aadoon. Baah nan ker idun, baafalaa ni limukl pu pu na, le Uwumbɔr san bi kinimbaak.

1 Samuel 12:10

Le bi wii ki yin Uwumbɔr ke u ter bi, ki bui ke, ‘Uwumbɔr, ti tun titunwanbir; ti fenn tipuwɔb tii si, ki dooni ŋiwaa ŋi bi yin ŋi ke Baal ni Astaate na. Gaa timi, timi aadim chee lii, aan ti li dooni si.’

1 Samuel 7:3

Le Samuel bui Israel aanib ke, “Ni yaa ban ke ni fenn ki gir ni Uwumbɔr chee kan, see ni nyan ŋiwaa, ni liwaapii Astaate aanaŋ ŋi bi nikaasisik ni na, ki di nibaa tii Uwumbɔr kookoo, ki li dooni uma baanja, le u ga gaa nimi Filistia yaab aapɔɔn chee lii.”

1 Samuel 7:4

Kina pu le Israel yaab nyan ŋiwaa Baal ni Astaate mae, le ki dooni Uwumbɔr baanja.