Bibɔjirb 10:14 - Uwumbɔr aagbaŋ

¹⁴ Li cha ti li yin man ŋiwaa ŋi ni lee ke ni ban na. Ni yaa bi limukl ni kan, ni cha ŋima gaa nimi lii.”

Bibɔjirb 10:14 ပူးပေါင်းရင်းမြစ်များ

2 Bibɔrb 3:13

Le Elaisa baa Israel yaab aabɔr ke, “M ga ŋa kinye aan ki ter si? Li cha aate ni aana aah nan chaa ŋiwaa aabɔnabr bi chee na.” Le Joram gar u ke, “Aayii. Uwumbɔr le di timi bibɔrb bitaa bimina ŋa Moab yaab aabɔr aaŋaal ni.”

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Aisaya 46:7

Bi ga yoor li ki di buŋ bibɔgbin pu, ki ti di li siin, le li si nima, kaan ŋmaa chuun buen nibaa chee. Unii yaa mee li kan, laan ŋmaa kii, kaan ŋmaa nyan u tibɔbir ni.

Aisaya 57:13

Ni yaa wii ki ban nterm kan, ni cha nimi aawaa ngbaan ter nimi. Litakpiln libaa aabuln le ga daa ŋi di buen. Le binib bi gaa mi ki kii na ma ga li bi kitiŋ ngbaan pu ki ga li dooni mi Maadichal ni.”

Jeremia 2:28

“Naah naan ŋiwaa ŋi tii nibaa na bi la chee? Ŋi yaa ga ŋman kan, ni cha ŋi nyan nimi tibɔr ni buyoonn ni bi ti ni na. Juda aanib, naah kpa ntim sakpen pu na, kina le ni kpa ŋiwaa mu.

Esekiel 20:39

Tidindaan Uwumbɔr ki bui ke, “Tɔ, nimi Israel yaab mɔmɔk, li ŋani naah gee pu na man. Li toor nimi aawaa man. Tɔ, ni mu tee li nyi ke nimina aapuwɔb na, see ni kii maamɔb, ki taa ki toor nimi aawaa le maayimbil aabiim doo.