Bibɔjirb 1:7 - Uwumbɔr aagbaŋ

⁷ Le Adoni Besek bui ke, “Bibɔrb imonko itaa ni kipiik bi aaŋanbijam ni bitaaŋanbijam geei na, nan peei ŋijikaabol maasambil taab. Maah nan ŋa bi pu na, le Uwumbɔr di ŋa mi din na.” Bi nan di u buen Jerusalem aatiŋ ni, le u ti kpo nima.

Bibɔjirb 1:7 ပူးပေါင်းရင်းမြစ်များ

1 Bibɔrb 21:19

Tuk u ke mi Uwumbɔr le bui u ke, ‘Aa ku uja ngbaan doo le ki ban aa ki gaa waawangol mu uu?’ Bui u ke maah len pu na sɔ: ‘Libuchachaan li ponn ni ibɔ lakr Nabof aasin na, nima chee le i ga lakr aa mu aasin.’”

Nnyam 29:20

Kɔr u, aan ki di waasin ngem ŋa Aaronn ni ujapɔtiib aaŋangii aatafalan ni, ni biŋangii aaŋanbijam pu, ni biŋangii aataŋanbijam pu, ki di nsin mu gur na kpir libimbiln ngbaan aapepel ŋinaa ngbaan pu.

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Sefania 3:19

N‑yoonn choo, le m ga daa binib bi muk nimi na aatafal; m ga gaa binib bi mɔmɔk ye biwɔb na lii, ki giin ni binib bi bi tinaagbiir ni kitiyayaŋ ni na linampal. M ga cha baanimɔɔn kpaln nnyuŋ, le dulnyaa mɔmɔk ga li pak bi.

Rom Yaab 2:15

Baah ŋani pu na, nima le mɔk ke Moses aakaal aah len pu na bi bisui ni. Bisui ponn ni, bi nyi ni ŋan na, ni ni kaa ŋan na. Nima le baalandak bii bi n‑yoonn mubaa, ki pak bi n‑yoonn mubaa mu.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

Tibɔkpiirkaan 13:10

Binib bi Uwumbɔr len ke bi ga chuu bi tinaagbiir na, bima le bi ga chuu bi tinaagbiir. Unii umɔk joo kijaak aajuk ku binib na, kijaak aajuk le ga ku u mu. Nima le cha ni ŋan ke Uwumbɔr aanib li ban limɔr ke bi dii Uwumbɔr mbamɔm.”

Tibɔkpiirkaan 16:6

ba pu? bi ku saanib ni saabɔnabtiib ki cha baasin nyan, le aa mu cha baanyun kpaln nsin bi nyu. Bi ŋeer kina la.”

Bibɔjirb 1:6

U nan san, le bi san dii u, ki ti chuu u, le ki geei uŋanbijam ni utaaŋanbijam.

Bibɔjirb 9:24

Nimina nan ŋa kina ke Abimelek ni Sekem aatiŋ aajab bi nan pai u aan u ku Gideonn aajapɔtiib imonko itaa ni kipiik na kan baatunwanbir aatafadaan la.

Bibɔjirb 9:57

Gideonn aajapɔɔn Jotam aah nan puun lii Sekem aatiŋ aajab pu ki len ke bi ga ji falaa pu na, Uwumbɔr nan cha bi mu jin kina aafalaa.

1 Samuel 15:33

Le Samuel bui u ke, “Saajaak aajuk aah cha natiib kpaln bipiib kaa kpa mbim pu na, kina le aana mu ga kpaln upii u kaa kpa ubo na,” le ki chɔi chɔi Agag, kitork aabimbiln chee, Gilgal aatiŋ ni.