Bibɔjirb 1:29 - Uwumbɔr aagbaŋ

²⁹ Efraim aanibol aa nan jenn nyan Kanaann yaab bi nan koo Geser aatiŋ ni na, kina pu na, Kanaann yaab ngbaan nan beenin koo bi chee la.

Bibɔjirb 1:29 ပူးပေါင်းရင်းမြစ်များ

1 Bibɔrb 9:15

Ubɔr Solomonn nan cha binaagbiib maa Uwumbɔr Aadichal, ni nnaan aadichal, ki cha bi ŋeeb kitiŋ ngbaan aawipuul wɔb aafataŋ, ki maa kitiŋ ngbaan aagoln. U nan ki cha bi gir maa Hasor, ni Megido, ni Geser aatim.

1 Bibɔrb 9:16

Ijipt aabɔr nan tak Geser aatiŋ le ki gaa ki, ki ku kaanib, le ki see ki mmii. Ubisal aah nan mɔn Solomonn na, le u di kitiŋ ngbaan tii ubisal tibɔndinn aapiin,

Josua 10:33

Le Geser aabɔr, u bi yin u ke Horam na, dan nan kpee Lakis yaab pu, le Josua nan nyaŋ u ni waajab, waa nan ki gur unii ubaa aan u fu.

Josua 16:10

Baa nan jenn nyan Kanaann yaab bi nan bi Geser aatiŋ ponn ni na, kina pu na, Kanaann yaab ngbaan kpaan bi Efraim yaab chee le ki nan saa din, bi nan tee muk bi ke bi li tun lituln ke binaagbiib na.

Bibɔjirb 1:28

Israel yaab aah nan moo pɔɔk na, le bi chuu Kanaann yaab mpɔɔn, le bi tun baatun, bi mu aa nan tee jenn nyan bi mɔmɔk.

Bibɔjirb 1:30

Sebulunn aanibol aa nan jenn nyan binib bi nan koo Kitronn, ni Nahalal aatim ni na, kina pu na, Kanaann yaab ngbaan nan beenin koo bi chee nima, le bi chuu bi mpɔɔn, le bi tun baatuln.