Bibɔjirb 1:20 - Uwumbɔr aagbaŋ

²⁰ Moses aah nan len pu na, le bi nan di Hebronn aatiŋ tii Kaleb, le u jenn nyan Anak aayaabitiib aataŋaal itaa i bi ki ponn ni na.

Bibɔjirb 1:20 ပူးပေါင်းရင်းမြစ်များ

Nkahm 13:22

Njan bi nan pue buen Kanaann aatiŋ aaŋangii wɔb na la, le ki ti nyan Hebronn aatiŋ, nin chee Ahimann yaab, ni Sesai yaab, ni Talmai yaab aataŋaal pu aanib ka na, bi nan ye ŋiniwɔk ŋi bi yin ŋi ke Anak yaab na aayaabitiib la. Hebronn aatiŋ nan bi le ŋibin ŋilole aapuwɔb na Soann aatiŋ ki bi Ijipt ni na mu nin ŋa kitiŋ.

Nkahm 14:24

Tɔ, maatutunn Kaleb aabimbin bi mubaa; u si nchaŋ ni mbamɔm. Uma le ga koo kitiŋ ki u nan buen ti pekr ki mann ki mɔmɔk na ni,

Ikaal 1:36

Jefune aajapɔɔn Kaleb baanja le ga koo ki ni. Uma le si chob ki tii mi naadii; m ga di kitiŋ ki u nan buen ti pekr ki chuun mann ki ponn ni na, tii u ni uyaabitiib.’

Josua 10:36

Nee aapuwɔb, le Josua ni waajab nan nyan Eglonn aatiŋ ni, ki di dii ŋigongon paab, ki buen Hebronn aatiŋ ni, le ki ti lir ki pu,

Josua 11:21

N‑yoonn mue le Josua nan buen ki ti kuln linibol li ye ŋiwɔk, aan bi yin bi ke Anak yaab, aan bi bi ŋigongon aatim mu bi yin mu ke Hebronn, ni Debir, ni Anab, ni ŋigongon aatim mumɔk bi Juda ni Israel aatim ni na. Josua nan kuln ŋiwɔk ngbaan ni ŋaatim.

Josua 14:15

Waahr aan nimina nin ŋa kina na, bi nan yin Hebronn aatiŋ ngbaan ke Aba aatiŋ la. Aba le nan ye ŋiwɔk Anak yaab aanikpaan. N‑yoonn ngbaan le Israel yaab aatiŋ nan kan nsuudoon.

Bibɔjirb 1:10

Bi nan buen ti tak Kanaann yaab bi koo Hebronn aatiŋ ki bi nan laa yin ki ke Kiriaf Aba na. Nima chee le bi nan nyaŋ Sesai, ni Ahimann, ni Talmai aataŋaal pu yaab.