Bibɔjirb 1:18 - Uwumbɔr aagbaŋ

^18-19 Uwumbɔr nan ter Juda aanib, le bi gaa ŋigongon aatiŋ ngbaan. Bi mu aa nan tee ŋmaa nyaŋ Gasa, ni Askelonn, ni Ekronn aatim, ni mu aapepel. Binib ngbaan, bi nan koo nnyusakpem aagbaan na, nan kpa itaan aah dar tikur aatɔroku tiib, kina pu na, Juda aanib aa nan ŋmaa jenn nyan bi.

Bibɔjirb 1:18 ပူးပေါင်းရင်းမြစ်များ

1 Bibɔrb 4:24

Solomonn le nan joo kitiŋ ki bi Yufrates Aamɔɔl liwilir wɔb na, ki nyan Tifsa aatiŋ ki bi Yufrates aagbaan na, ki ti saa Gasa aatiŋ ki bi liwilir wɔb na. Bibɔrb bi mɔmɔk nan bi Yufrates aawilir wɔb na nan ye waatutum la, le u nan kpa nsuudoon ŋitimbol ŋi mann goln u na chee.

Nnyam 23:31

M ga siin nimi aatiŋ aanaanmɔk ki yoor ni Limɔɔkal Aanyusakpem ki ti saa Yufrates aamɔɔl mɔk, ki yoor nima ki ti saa Kaasisik ni Aanyusakpem, ki ki yoor nima ki ti saa nteersakpiin ni. M ga tii nimi mpɔɔn, ni di nyaŋ binib bimɔk bi kitiŋ ngbaan ni na, le naah tur koo bi ponn ni na, ni ga li nyaŋni bi.

Jeremia 47:5

Mpombiin sakpiin fuu ni Gasa aanib chee a, le Askelonn aanib ŋmin chii. Filistia yaab bi gur na ga wii ikpowiil ti saa bayoonn?

Ikaal 2:23

Krete aadikl aanib le nan ka kpak Kaasisik ni Aanyusakpem aagbaan. Bima le nan kuln Afim yaab. Binib ngbaan le nan pue ka nima chee, le bi kuln bi, ki gaa baatiŋ ki dii ŋŋangii wɔb ki ti nyan Gasa aatiŋ ni.

Josua 11:22

Anak yaab ngbaan aa nan ki gur ki bi Israel aatiŋ ni, bi nan gur siib kina le ki bi Gasa, ni Gaf, ni Asdod aatim ni.

Josua 13:3

ki kpee Afim yaab aatiŋ ki bi ŋŋangii wɔb na. (Kitiŋ ki dɔ Sihor aabun chee, ki bi Ijipt yaab aatiŋ aanaanmɔk na, ki yoor ti ker ŋŋangan wɔb, Ekronn aatiŋ mɔk na ye Kanaann yaab aatiŋ la; Filistia yaab aabɔrb le nan bi Gasa, ni Asdod, ni Askelonn, ni Gaf, ni Ekronn aatim ni.)

Josua 15:11

Kitiŋ ngbaan aanaanmɔk ki yoor kina, ki dii buen ligongoln li bi Ekronn aaŋangan wɔb na, ki fenn kpaa Sikeronn, ki dii Baala Aajool aataab, le ki ti ker Jamnia aatiŋ, ki nan ti doo Kaasisik ni Aanyusakpem chee la.

Bibɔjirb 14:19

Libuul ngbaan ni, le Uwumbɔr Aafuur Nyaan gbiin u, ki cha u pɔɔk nyib, le u buen Askelonn aatiŋ ni, ki ti ku bijab piitaa, ki chuu peer baawanpeenkaan nyaan nan tii bijab piitaa bi tuk u liyataŋakl ngbaan aatataa na. Nee aapuwɔb le u gir kun, le baah ŋmann u pu na aaŋuul ban li ti ku u.

Bibɔjirb 16:21

Filistia yaab nan chuu u, le ki chuu lokr unimbil. Bi nan di u buen Gasa aatiŋ ni, le ki ti di tikumann aakululn baa u, le u nan n‑yon kiyondiik ni.

Bibɔjirb 3:3

Filistia aatim muŋmu, ni Kanaann yaab mɔmɔk, ni Saidonn yaab, ni Hif yaab bi nan koo Lebanonn Aajoo ni, ki nyan Baal Hemonn Aajool chee ki ti saa Hamaf aasan chee na, gaar kitiŋ ngbaan pu.

1 Samuel 6:17

Filistia yaab aah nan tii Uwumbɔr salmaa aachakpelar aanaŋ aawan niŋmu ni ke ipiin i ga pa baatunwanbir pu na, nan si ntim muŋmu mue: Asdod, ni Gasa, ni Askelonn, ni Gaf, ni Ekronn aasisii la.