Bibɔjirb 1:16 - Uwumbɔr aagbaŋ

¹⁶ Moses aachool, u nan ye Kenn aanii na aayaabitiib nan nyan Jeriko, kitiŋ ki ye ŋibɔkpal aatiŋ na ni, ki dii Juda aanib buen kitikuun ki bi Arad aatiŋ aaŋangii wɔb, Juda aapepel ni na, le ki ti kal Amalek yaab chee nima.

Bibɔjirb 1:16 ပူးပေါင်းရင်းမြစ်များ

1 Bibɔrb Aabɔr 2:15

ni Osem, ni David.

1 Bibɔrb Aabɔr 2:55

Imaal imina, Tiraf, ni Simeaf, ni Sukaf yaab, bi nan koo Jabes aatiŋ ni na, nan ye biwanyib bi ŋmaa ŋmee ki ki lik binib aaŋmeen ki ŋmee ŋani tigbann ni na la. Bi nan ye Kenn yaab la, le ki yoor Rekab aapiib.

2 Bibɔrb Aabɔr 28:16

Edom yaab nan ki piin ki loon Juda yaab ki chur binaagbiib pam, kina pu le Ubɔr Ahas bui Asiria aabɔrkpaan Tiglaf Pileser ke u ter u.

Nnyam 18:1

Moses aachool uja Jetro, u ye Midiann aatiŋ aatotoor na, nan ŋun Uwumbɔr aah di Moses tun pu na mɔmɔk, aan ki cha u nyan ni Israel yaab Ijipt aatiŋ ponn ni pu na.

Nnyam 18:12

Jetro nan joo ni kiwakork ki bi ga di ki mɔmɔk see mmii ni na, ni tiwakor tiken, le ki nan toor kitork tii Uwumbɔr; le Aaronn ni Israel yaab aaninkpiib dii u buen, le bi ti jin kitork ngbaan, Uwumbɔr aanimbiin ni.

Nnyam 18:27

Moses nan chɔi Jetro, le u gir kun udo aatiŋ ni.

Nnyam 18:7

Nima pu na, Moses nan tooh u nsan pu, le ki ti gbaan unimbiin ni, ki moor utakpiln. Bi nan doon tɔb, le ki koo Moses aabool ni.

Nnyam 3:1

Daalbaadaal le Moses nan bi kpaa uchool Jetro, u ye Midiann aatiŋ aatotoor na aawakor timoor ni, le u nan di ti jer nteersakpiin mubaa ni, ki buen Uwumbɔr aajool Sainai chee.

Nnyam 4:18

Moses nan gir buen Jetro, uchool uja chee, le ki ti bui u ke, “Cha m gir buen ndo yaab chee, Ijipt aatiŋ ni, ki ti lik ke bi beenin bi aan baa ki bi.” Jetro nan kii tii u, le ki chɔi u.

Jeremia 35:2

“Li cha Rekab aataŋaal yaab chee ki ti li joo ni bi Maadichal ponn ni aadiik kibaa ni, ki nan tii bi ndaan.”

Nkahm 21:1

N‑yoonn mu Arad aatiŋ aabɔr u nan bi Kanaann aatiŋ aaŋangii wɔb na, nan ŋun Israel yaab pu ke bi dii Atarim aapepel choo bi nan jer, le u tak bi, ki chur bi ponn ni ngem.

Matiu 3:1

N‑yoonn ngbaan le Jɔnn u muini binib nnyun ni na bi nteersakpiin ni, Judea aatiŋ ni,

Ikaal 34:3

ki di kina ki ti ker Juda aaŋangii wɔb, ki kpee nteer mu dɔ Soar aatiŋ ni, ki ti ker Jeriko aatiŋ aafataŋ ni na; bi yin Jeriko aatiŋ le ke ŋibɔkpal aasui aatiŋ na.

Ikaal 34:4

Le Uwumbɔr bui Moses ke, “Kitiŋ kee le m nan puu tii Abraham, ni Aisak, ni Jakob, ke m ga di ki tii biyaabitiib na. M cha aanimbil le kan ki, maan cha aa koo ki ni.”

Josua 12:14

ni Homa, ni Arad,

Josua 18:21

Ntim mu nan ye Benjaminn aamaal aatim na le paa na: Jeriko, ni Bef Hogla, ni Emek Kesis,

Bibɔjirb 1:15

Le u gar ke, “M ban kitiŋ ki kpa nnyun na la. Saah tii mi kitiŋ ki na ye kitikuun la.” Nima pu le Kaleb nan di paacham ni taab aatiŋ ki kpa nnyun na tii u.

Bibɔjirb 3:13

Eglonn nan ti kpee Amonn yaab, ni Amalek yaab pu, le bi ti faa Israel yaab butɔb ki nyaŋ bi, le ki gaa ŋibɔkpal aasui aatiŋ Jeriko.

Bibɔjirb 4:11

N‑yoonn mue na, Kenn aanii Heber nan puen gaa waakeken aabool likpaln aasub bubaa taab, Sananim aatiŋ ki bi gbɔk Kedes aatiŋ na chee. U nan fii udo yaab biken, Hobab, u nan ye Moses aachiin na aayaabitiib chee.

Bibɔjirb 4:17

Tɔ, Hasor Aabɔr Jabinn, ni Heber aadichal aasisik ni nan mɔ la, le Sisera nan san buen Kenn aanii Heber aapuu Jael chee.

1 Samuel 15:6

U nan tun ti bui Kenn aanib, bi aayaajatiib nan ŋa Israel yaab tiŋann buyoonn bi nan nyan ni Ijipt ni na ke, “Nyan cha man Amalek yaab, aan m taa nan ku nimi kpee bi pu.” Le Kenn yaab ngbaan nyan cha bi.

1 Samuel 27:10

Akis ga ti baa u ke, “Aa buen ti binn la chee din wee?” Le David ga ŋmann u ki bui u ke u buen Juda aaŋangii wɔb la, bee Jerameel yaab aapepel, bee Kenn yaab aapepel la.

1 Samuel 30:29

ni Rakal aatim aanib, ni Jerameel aamaal, ni Kenn yaab,