Bibɔjirb 1:15 - Uwumbɔr aagbaŋ

¹⁵ Le u gar ke, “M ban kitiŋ ki kpa nnyun na la. Saah tii mi kitiŋ ki na ye kitikuun la.” Nima pu le Kaleb nan di paacham ni taab aatiŋ ki kpa nnyun na tii u.

Bibɔjirb 1:15 ပူးပေါင်းရင်းမြစ်များ

Mpiin 33:11

Pɔɔn aabaa ki gaa ipiin ngbaan. Uwumbɔr ŋa mi tiŋann le ki tii mi tiwan nimɔk m ban na.” Jakob nan gaŋ u le u ti gaa ipiin ngbaan.

2 Korenti 9:5

Nima le m dak ke ni ŋan m gaŋ tinaabitiib bimina ke bi loln m pu nsan ki buen ni chee, ki ter nimi ni too ŋimombil ngbaan, naah nan puu tipuur ti na. M yaa fuu ni kan, m ga nan mui ni too ŋi ki doo. Nima le ga mɔk ke ni too ŋi, nimi aageehn pu, naa ye ke bi nan muk nimi le ni too ŋi.

Hiibru Yaab 6:7

Kitiŋ ki gaa utaal aanyun mu lir ni ki pu, ki ŋani tijikaar ti ŋan na ki tii binib bi ko ti na, Uwumbɔr ŋani tinyoor ŋani kitiŋ ngbaan pu.

Josua 15:19

Le u giin bui u ke, “M ban kitiŋ ki kpa nnyun na la. Saah di kitiŋ ki tii mi na, ki bi nteer pu la.” Nima pu le Kaleb nan di paacham ni taab aanyunbun aatiŋ na tii u.

1 Piita 3:9

Binib yaa ŋa nimi bakaa kan, ni taa teen bi. Bi yaa sii nimi kan, ni taa sii bi ki teen. Ni bui bi ke, “Uwumbɔr ŋa tinyoor ŋa ni pu;” ba pu? Uwumbɔr yin nimi ke u ŋa tinyoor ŋa ni pu la.

Bibɔjirb 1:14

Waabɔndinn daal le Otniel nan saa u ke u mee ute kitiŋ. Le u nan sunn waabon pu, le Kaleb bui u ke u tuk u waah ban tiwan ni na.

Bibɔjirb 1:16

Moses aachool, u nan ye Kenn aanii na aayaabitiib nan nyan Jeriko, kitiŋ ki ye ŋibɔkpal aatiŋ na ni, ki dii Juda aanib buen kitikuun ki bi Arad aatiŋ aaŋangii wɔb, Juda aapepel ni na, le ki ti kal Amalek yaab chee nima.

1 Samuel 25:18

Abigail nan ŋa mala ki ban ŋiboroboro kpin ikui ilee, ni ŋisubil aadaan aadabuu ŋilee, ni baah pun ipiih i na iŋmu, ni njikaabim mu bi ken na kuruwaa kipiik ni bilole, ni ndaan aasubil ŋisab nkub, ni ŋisubimɔɔn ŋi dab tɔb na ikui ilee, ki di buu paan ibon pu,

1 Samuel 25:27

Maaninkpel, m gaŋ si, gaa maah joo ni si tiwan ni na, ki di tii saajab.