Bibɔjirb 1:10 - Uwumbɔr aagbaŋ

¹⁰ Bi nan buen ti tak Kanaann yaab bi koo Hebronn aatiŋ ki bi nan laa yin ki ke Kiriaf Aba na. Nima chee le bi nan nyaŋ Sesai, ni Ahimann, ni Talmai aataŋaal pu yaab.

Bibɔjirb 1:10 ပူးပေါင်းရင်းမြစ်များ

Mpiin 23:2

U nan kpo Hebronn aatiŋ ki bi Kanaann aatiŋ ni na la, le Abraham nan wii u pu pam.

Mpiin 37:14

Le ute bui u ke, “Buen ki ti lik ke aakpetiib ni tiwakor ngbaan kpa laafee aan baa kpa, ki gir nan bui mi.” Le ute tun u, le u nyan Hebronn aafataŋ ni ki buen. Le Josef ti fuu Sekem aatiŋ ni,

Ulandaan 9:11

M nan ki kan tiwan niken, nima le ye ke naa ye binib bi ŋmaa san sakpen na le ji litaasaln ni, le bijakaab mu aa nyaŋni butɔb ni n‑yoonn mɔmɔk. Bilandam mu aa kpa tijikaar n‑yoonn mɔmɔk, le binib bi bae tiwan ki nyi sakpen na aa kani nkam. Binib bi ŋmaa joo tiwan na aa kani tininkpir n‑yoonn mɔmɔk. Kinimbɔŋ kani unii mɔmɔk la.

Jeremia 9:23

Uwumbɔr ki bui ke, “Bilandam taa li kpa kipupuk baalan pu, binib bi pɔɔ na mu taa li kpa kipupuk baapɔɔn pu, biwankpadam mu taa li kpa kipupuk baawangol pu.

Nkahm 13:22

Njan bi nan pue buen Kanaann aatiŋ aaŋangii wɔb na la, le ki ti nyan Hebronn aatiŋ, nin chee Ahimann yaab, ni Sesai yaab, ni Talmai yaab aataŋaal pu aanib ka na, bi nan ye ŋiniwɔk ŋi bi yin ŋi ke Anak yaab na aayaabitiib la. Hebronn aatiŋ nan bi le ŋibin ŋilole aapuwɔb na Soann aatiŋ ki bi Ijipt ni na mu nin ŋa kitiŋ.

Nkahm 13:33

Ti kan Anak aaniwɔk na aayaabitiib mu nima chee, ke ti yaa si bi chee kan, ti naahn inaakan la. Bi yaa lik timi kan, ti ga li bi kina le bi chee.”

Josua 10:36

Nee aapuwɔb, le Josua ni waajab nan nyan Eglonn aatiŋ ni, ki di dii ŋigongon paab, ki buen Hebronn aatiŋ ni, le ki ti lir ki pu,

Josua 14:15

Waahr aan nimina nin ŋa kina na, bi nan yin Hebronn aatiŋ ngbaan ke Aba aatiŋ la. Aba le nan ye ŋiwɔk Anak yaab aanikpaan. N‑yoonn ngbaan le Israel yaab aatiŋ nan kan nsuudoon.

Bibɔjirb 1:20

Moses aah nan len pu na, le bi nan di Hebronn aatiŋ tii Kaleb, le u jenn nyan Anak aayaabitiib aataŋaal itaa i bi ki ponn ni na.

Bibɔjirb 1:9

Nee aapuwɔb le bi buen ti faa Kanaann yaab bi koo ŋigongon aatiŋ pu na, ni bi koo taataab aagongon ni na, ni bi koo kitikuun ki bi ŋŋangii wɔb na mu.