Inandalahn 5:22 - Uwumbɔr aagbaŋ

²² Aa yii timi kookoo la aa? Saaŋuul aa kpa ndoon la aa?

Inandalahn 5:22 ပူးပေါင်းရင်းမြစ်များ

Ilahn 44:9

Le dandana wee aa yii timi ki cha bi nyaŋ timi. Saa ki diir timi aajab chaa butɔb ni.

Ilahn 53:5

Tɔ, ijawaan mu tee ga chuu bi, ke yaah kaa kee chuu bi pu na; ba pu? Uwumbɔr ga di waanib aadim aakpab yaa. Uwumbɔr yii bi, kina pu le Israel yaab ga nyaŋ bi kookoo.

Ilahn 74:1

Uwumbɔr, ba ŋa aa san cha mi kina? Aa gee aabaa aanib pu liŋuul li kaa kpa ndoon na la aa?

Ilahn 79:5

Uwumbɔr, saaŋuul ga li bi ti pu n‑yoonn mɔmɔk la aa? Saaŋuul ga li beenin gaal ke mmii na la aa?

Aisaya 64:9

kina pu na, taa gee ti pu liŋuusakpeln timi aatunwanbir pu. Ti ye saanib la. San timi kinimbaak.

Jeremia 14:19

Uwumbɔr, aa yii Juda aanib kookoo la aa? Aa nan Sionn aatiŋ aanib la aa? Ba ŋa aa tii timi titotonn ti kaan sɔŋ na? Ti nan lik ban nsuudoon, le kinyaan kibaa aa choo; ti nan ka ban laafee, le tibɔbir tee dan.

Jeremia 6:30

Min, Uwumbɔr aah yii maanib na, le bi ga li gur yin bi ke tigbengbir ti kaa kpa tinyoor na.”

Jeremia 7:29

“Jerusalem aanib, li wii ikpowiil man; kuu niyikpir ki di mee man. Gaa nkpolahn ŋigongon paab man, ba pu? min Uwumbɔr aaŋuul fii, le m yii maanib.

Esekiel 24:13

Jerusalem, saaninsuŋ aatuln le bii si. M pɔɔn mbaa ke m ŋa si chain, le aa beenin kpa tijɔŋ. Saan ki li bi chain, see aa ti kan maaŋuul aah pɔɔ pu na.

Esekiel 37:11

Uwumbɔr nan ki bui mi ke, “Unibɔn, Israel aanib bi ke ikpab imina na la. Bi len ke bi kuur la, ke baa ki kpa limakl libaa, kaa kpa fen u choo na.

Hosea 1:6

Gomer nan ki ma ubo uken, n‑yoonn mumina ma kan, u nan ye upiibo la. Le Uwumbɔr bui Hosea ke, “Yin u ke ‘Maaneen,’ ba pu? maan ki li neen Israel aanib, kaan ki di cha pinn bi.