Inandalahn 5:21 - Uwumbɔr aagbaŋ

²¹ Uwumbɔr, giin ni timi aabaa chee. Giin ni timi. Taah nan kpa kipak ki n‑yaajayoonn na, giin ki tii timi.

Inandalahn 5:21 ပူးပေါင်းရင်းမြစ်များ

1 Bibɔrb 18:37

Gar mi Uwumbɔr, gar mi, aan binib bimina bee ke sin Uwumbɔr le ye Bidindaan, le ki bi giini bi aabaa chee.”

Ilahn 80:19

Tidindaan Uwumbɔr, Mpɔɔnsakpiindaan, giin ni timi aabaa chee. San timi kinimbaak, aan ti ŋmar.

Ilahn 80:3

Uwumbɔr, giin ni timi aabaa chee. San timi kinimbaak, aan ti ŋmar.

Ilahn 80:7

Uwumbɔr Mpɔɔnsakpiindaan, giin ni timi aabaa chee. San timi kinimbaak, aan ti ŋmar.

Ilahn 85:4

Uwumbɔr u gaal timi lir na, giin ni timi aabaa chee, ki cha aasui li piin ti pu.

Aisaya 60:20

Nimi aapombiin aayoonn ga doo. Min Uwumbɔr le ga li ye nimi aawiihn mu kaan junn na, ki ye nwiihn mu wiin ki yunni jer nwiin ni uŋmal aawiihn na.

Jeremia 30:20

M ga cha litimbol ngbaan ki kan laah nan kpa mpɔɔn mu n‑yaayoonn na, ki cha li ki too nyal sil; m ga daa binib bi mɔmɔk muk bi na aatafal.

Jeremia 31:18

M ŋun Israel aanib aasui aah bii aan bi len pu na ke, Uwumbɔr, ti nan bi ke kiwakork ki bi timoor ni na la; le aa nan mɔk timi taah ga kii tii si pu na. Giin ni timi; ti gor ke ti gir ni sin Tidindaan Uwumbɔr chee.

Jeremia 31:4

M ga ki gir maa nimi kaan. Ni ga ki gir yoor nimi aagangan ki waa mpopiin aawaal.

Jeremia 33:10

Uwumbɔr bui ke, “Binib len le ke do chee na bi ke nteersakpiin ni na la, ke binib ni tiwakor aa koo nima. Ni mu sil ye mbamɔn; Juda aatim ni Jerusalem aatiŋ ponn ni ye nkuun la; binib ni tiwakor aa bi nima. Tɔ, ntim ngbaan ni, le ni ga ki ŋun mpopiin,

Jeremia 33:13

Bipihkpaab ga ki kahn baapiih ntim mu bi ŋigongon aatiŋ pu na, ni taab aagongon aatim ni, ni Juda aaŋangii wɔb, ni Benjaminn aapepel ni, ni ntimbim mu bi gbɔk Jerusalem na ni, ni Juda aatim ni. Min Uwumbɔr le len kina.”

Esekiel 36:37

Tidindaan Uwumbɔr nan ki len ke, “M ga cha Israel yaab ki gir ban m chee nterm, m ga cha bi moo pɔr ke kipihpaak na.

Habakuk 3:2

Uwumbɔr, m ŋun saah tun lituln li na pu, le ijawaan chuu mi sakpen. Tɔ, ŋa timi aayoonn mumina ŋitukpaan ŋi aa nan ŋani na. Hali saaŋuul ponn ni kan, san timi kinimbaak.

Malakai 3:4

Le kitork aapiin i Juda ni Jerusalem aanib joo nan tii Uwumbɔr na ga piir usui, ke yaah nan piir usui n‑yaayoonn na pu na.