Inandalahn 5:19 - Uwumbɔr aagbaŋ

¹⁹ Uwumbɔr, le aa ma ye ubɔr n‑yoonn mɔmɔk, ki ga li joo dulnyaa ki ti saa ndoon.

Inandalahn 5:19 ပူးပေါင်းရင်းမြစ်များ

Ilahn 10:16

Uwumbɔr le ye ubɔr n‑yoonn mɔmɔk. Binib bi dooni ŋiwaa na ga kuln waatiŋ pu.

Ilahn 102:12

Uwumbɔr, le sin ma ye ubɔr n‑yoonn mɔmɔk; n‑yoonn mɔmɔk aanib ga teer aabɔr.

Ilahn 145:13

Saah ga joo binib pu na aa kpa ndoon. Aa ga li ye ubɔr n‑yoonn mɔmɔk. Uwumbɔr ŋani waah puu tipuur ti na mɔmɔk, ki san kinimbaak waatuln mɔmɔk ni.

Ilahn 146:10

Uwumbɔr le ye ubɔr n‑yoonn mɔmɔk. Sionn aatiŋ aanib, nimi Aawumbɔr aanaan aan doo. Pak Uwumbɔr man.

Ilahn 29:10

Uwumbɔr le joo nnyun mu nyoo na, u ye ubɔr n‑yoonn mɔmɔk la.

Ilahn 45:6

Nnaan mu Uwumbɔr di tii si na ga li bi ki ti saa n‑yoonn mu kaa kpa ndoon na. Aa joo saanib mbamɔm la;

Ilahn 9:7

Le Uwumbɔr tee ye ubɔr n‑yoonn mɔmɔk; u gor waabɔrjal kiir libɔjil.

Ilahn 90:2

Waahr aan aa nin naan ŋigongon ni dulnyaa na, aa nan ye Uwumbɔr u kaa kpa ndoon na, ki ga li beenin ye Uwumbɔr ki ti saa n‑yoonn mu kaa kpa ndoon na.

Ilahn 93:2

Uwumbɔr, ki nyan mpiin na, saabɔrjal si chob la, aa nan bi le n‑yoonn nin piin.

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Daniel 7:14

Le u tii u mpɔɔn, ni kipak, ni nnaan aapɔɔn, ke binib bi bi ŋitimbol mɔmɔk, ni ŋinibol mɔmɔk, ni iliin mɔmɔk aanib na li dooni u. Waapɔɔn ga li bi n‑yoonn mɔmɔk, le waanaan mu aan li kpa ndoon.

Daniel 7:27

Kitiŋ kee mɔmɔk aanaan aapɔɔn mɔmɔk ga kpaln Uwumbɔr u kaa kpa ŋeen aatɔ na aanib aanaan la. Baanaan aapɔɔn aan li kpa ndoon, le dulnyaa wee ni aaninkpiib mɔmɔk ga tun baatuln ki kii baamɔi.”

Habakuk 1:12

Uwumbɔr, ki nyan mpiin na, sin le ye Uwumbɔr. Sin le ye Maawumbɔr u bi chain kaa kpa ndoon na. Uwumbɔr, Ndindaan ni maakikiir, sin le lee Babiloŋ yaab ki cha bi kpa mpɔɔn ke bi ŋmaa daa timi aatafal.

Jɔnn 1:38

Le Yesu fenn, ki kan bi paan ni u pu. Le u baa bi, “Ni ban ba?” Le bi baa u, “Umɔmɔkr, aa koo la chee?”

Ikaal 33:27

Uwumbɔr le nyaŋni ki kii nimi n‑yoonn mɔmɔk. U joo uŋaal mu bi, kaa kpa ndoon na le kii nimi. Naah tur koo nimi aadim ponn ni ki cha na, le u jenn nyan bi tii nimi, le ki bui nimi ke ni kuln bi mɔmɔk.

1 Timoti 1:17

Cha ti pak Uwumbɔr, ki nyuŋ u. Uma le ye Uwumbɔr baan; tinimbil aa waa u; u ye Ubɔrkpaan u ga li bi n‑yoonn mu kaa kpa ndoon na, kaan kpo. Amii.

Hiibru Yaab 13:8

Yesu Kristo aa kpelni. Waah fe bi fen na pu na, u beenin bi kina le din, ki joo cha n‑yoonn mu kaa kpa ndoon na.

Tibɔkpiirkaan 1:4

Min Jɔnn le ŋmee kigbaŋ kee ke m tii Yesu aanib bi bi Asia aatim mulole ni na. Uwumbɔr u nan bi, ki beenin bi, ki ga li bi n‑yoonn mu kaa kpa ndoon na, ni Waafuur mulole mu bi waabɔrjal chee na, ni Yesu Kristo, ŋa tinyoor ŋa ni pu, ki tii nimi nsuudoon. Yesu Kristo len mbamɔn, ki puen fikr nkun ni, ki ye dulnyaa wee ni aabɔrb aayidaan. U gee timi la, ki di waasin finn timi, ki nyan timi titunwanbir ni, ki gaa timi lii,

Tibɔkpiirkaan 1:8

Tidindaan Uwumbɔr, u yeh mpɔɔn mɔmɔk, ki nan bi, ki beenin bi, ki ga li bi n‑yoonn mu kaa kpa ndoon na le len ke uma le ye Alfa ni Omega, mpiin ngbaan ni ndoon ngbaan.