Inandalahn 5:13 - Uwumbɔr aagbaŋ

¹³ Bi chur timi aanachipɔm mpɔɔn le bi nan idi ke binaagbiib na; mbijabim tui idɔ i nyuun na le kaa ki ŋmaa chuun.

Inandalahn 5:13 ပူးပေါင်းရင်းမြစ်များ

Job Aagbaŋ 31:10

cha mpuu ti mɔn uja yayan aasaa, ki doon uja yayan aawandookaan pu.

Nnyam 1:11

Nima pu na, Ijipt yaab nan nyan baanib le bi lik Israel yaab ki cha bi tun lituln li pɔɔ na, ki ŋani bi falaa sakpen. Bi nan cha Israel yaab le maa ntisakpem mulee mu bi yin mu ke Pitom ni Rameses na, ntim ngbaan nan ye nin chee ubɔr nan joo waajikaar ni waawan mɔmɔk bilni na la.

Nnyam 11:5

le njan aabijabim mɔmɔk ga kpoi, hali ubɔr aajan aabijabo u ga ji nnaan na, ki ti saa unaagbiipii u nan n‑yon na aajan aabijabo mu ga kpo. Le tiwakor aajan aabim mu ga kpoi.

Nnyam 2:11

Buyoonn Moses muun ki ŋa uja na, le u nyan ubɔr aabisal do ki buen u ti mann waanib Israel yaab, le ki ti kan waanib aah kpa falaa pu na. Hali u nan si nibaa chee ki kan Ijipt aanii aah ku Hiibru aanii ubaa pu na, u nan ye Moses aado yoo la.

Nnyam 23:5

Nibaakan waabon yaa lir aan lituln nyiŋ u pu kan, ter u aan u fiin waabon ngbaan, aa taa jer cha u.

Aisaya 47:2

Chuu labr kinaak ngbaan. Nan n‑yon. Chuu nyan saah di likekeln li bii aanimbil wɔb na. Chuu gbabr saakekenyaan ngbaan. Chuu kuun saawando mam ki puur ikpen.

Aisaya 58:6

“Maah ban kimɔlul ki aaboln na sɔ: Chuu nyan man limukl aakululn ti ni di buu bigiim na, ni inyamɔn aatuln li ni di tun bi na bi pu, ki cha bi li chuun bibaa pu.

Jeremia 7:18

Mbim le peei idɔ, le bijab tuur mmii, le bipiib buun n‑yon ki ŋa maab tii liwaapii li bi yin li ke Paacham Aapiibɔr na. Bi ki kpir ŋiwaa ŋiken mu pu ndaan, ke ni li wu mi.

Matiu 23:4

Bi mɔk nimi ni ŋan na la, kaa dii ni. Bi di nkaal mu pɔɔ sakpen na, le ki di kpee Uwumbɔr aakaal pu, ki tuk binib ke bi li dii kina. Bima bibaa aa ter bi ke bi dii kina.

Bibɔjirb 16:21

Filistia yaab nan chuu u, le ki chuu lokr unimbil. Bi nan di u buen Gasa aatiŋ ni, le ki ti di tikumann aakululn baa u, le u nan n‑yon kiyondiik ni.