Inandalahn 5:1 - Uwumbɔr aagbaŋ

¹ Uwumbɔr, teer tiwan ni dan ti pu na. Lik ni timi, ki kan timi aanimɔɔn.

Inandalahn 5:1 ပူးပေါင်းရင်းမြစ်များ

Nehemia 1:3

Le bi bui mi ke siib bi ŋmar ki bi linampal na bi limukl ni la, le biwɔwɔm bi bi ki duun bi na lik seen bi. Bi ki bui mi ke baah nan gbaa wii Jerusalem aagon ŋi na, baa kee ki maa ŋi, le ibisamɔi aajaaleŋ tiib bi mu bi nan see mmii na mu aa toor.

Nehemia 1:8

Teer saah nan bui Moses pu na ke: ‘Nimi Israel yaab yaa kaa kii tii mi kan, m ga cha ni yaa ki koo ŋinibol yayan ponn ni.

Nehemia 4:4

Le m mee Uwumbɔr ke, “Uwumbɔr, li pel baah ŋani timi mbɔnyun pu na. Cha baabɔnyun ngbaan gir kan bi. Cha bi lann baah kpa tiwan ni mɔmɔk na, ki cha bi kpaln biyom kitiyayaŋ ponn ni.

Job Aagbaŋ 10:9

Teer ke tiyakr le aa nan di naan mi; aa ban ke aa ki gbaa wɔi mi ŋa titan la aa?

Job Aagbaŋ 7:7

Uwumbɔr, teer ke maamɔfal ye kifuurk kibaa la; maapopiin doo ni yunn a.

Ilahn 119:153

Maah kaa yii saakaal na, lik maah ji falaa pu na, ki gaa mi lii.

Ilahn 74:18

Uwumbɔr, teer ke saadim laa si, li nyi ke baa dii si, le ki lik si fam.

Ilahn 79:12

Uwumbɔr, pa ŋitimbol ŋi seei si ŋisiibil mɔmɔk aabɔŋ na nfum mulole pu baah seei si pu na.

Ilahn 79:4

Ŋitimbol ŋi mann goln timi na seei timi la; bi laa timi le ki ŋani timi mbɔnyun.

Aisaya 62:6

Sin Jerusalem, saagon paab le m ga kaan bikikiib; bi taa li ŋmin nwiin pu ni kinyeek mu. Bi li teer Uwumbɔr tipuur ti u puu na, ki taa cha u suln ti.

Jeremia 15:15

Le m bui ke, “Uwumbɔr, aa nyi maah bi pu na. Teer mbɔr ki ter mi. Teen binib bi muk mi ki ban bi ku mi na. Taa li san bi kinimbaak ki cha bi kan nsan ki ku mi. Li nyi ke sin pu le bi seei mi.

Jeremia 51:51

Ni bui ke, ‘Bi jinn timi inimɔɔn a; le biwɔwɔm aah gaa ŋipepel ŋi bi chain Uwumbɔr Aadichal ni na, ti kan ke taa ki kpa nterm mubaa.’

Inandalahn 1:11

Kaanib bi ban tijikaar; le ki ker idun. Bi joo baawangol le kpenni tijikaar ki ji ke bi ŋmar. Kitiŋ ngbaan wii le ke, “Uwumbɔr, lik maah bi pu na; lik mi, maanimbaak ni.”

Inandalahn 1:20

Uwumbɔr, lik maah bi ntoton mu ponn ni na. Maatunwanbir bii nsui mɔmɔk doo. Bi ku binib kitiŋ ponn ni, hali tidir mu ni, bi ku binib la.

Inandalahn 1:9

Kaajɔŋ aa nan bɔr, le kitafal aa nan bi ntafadaan mu ga pii ki na ni. Kaalirm nan nyaŋ a; ubaa aa ŋmaa sɔŋ kisui. Kaadim nyaŋ ki; le kaanib wii ke Uwumbɔr san bi kinimbaak.

Inandalahn 2:15

Binib bi jer kitiŋ ngbaan chee na lik ki, le ki laa ki. Bi gbakr biyil le ki laa Jerusalem aatiŋ, le ki baa ke, “Kitinyaan na le na aa? Kitiŋ ki nan ye dulnyaa mɔmɔk aamakl na le na aa?”

Inandalahn 2:20

Uwumbɔr, lik binib bi aa bi jinni bi falaa na. Bipiib joo baah gee baabim mu na le ŋmɔ. Bi ku bitotoorb ni saabɔnabtiib Saadichal ni la.

Inandalahn 3:19

M yaa dak maaween, ni maah kaa ki kpa do pu na kan, ni naahn ke maah nyun liluul le na.

Inandalahn 3:50

le Uwumbɔr u bi paacham na ti nin lik kan timi.

Inandalahn 3:61

Uwumbɔr, aa ŋun baah seei mi pu na; aa nyi baah kpokl pu na mɔmɔk.

Habakuk 3:2

Uwumbɔr, m ŋun saah tun lituln li na pu, le ijawaan chuu mi sakpen. Tɔ, ŋa timi aayoonn mumina ŋitukpaan ŋi aa nan ŋani na. Hali saaŋuul ponn ni kan, san timi kinimbaak.

Tibɔnyaan ti Luk ŋmee ti na 23:42

le ki bui Yesu, “Ndindaan, aa yaa jin saanaan kan, aa teer mbɔr.”