Inandalahn 4:9 - Uwumbɔr aagbaŋ

⁹ Binib bi nan kpoi butɔb ni na aakun nan soor ni bi kpo puwɔb na, nkon le nan ku bima ngbaan, le tijikaar aa nan bi, bi ji ki ŋmar.

Inandalahn 4:9 ပူးပေါင်းရင်းမြစ်များ

2 Bibɔrb 25:3

Libinbaal ngbaan aaŋmanaa aawinwae daal, buyoonn nkon nan ti moo nyaŋ aan binib aa ki kpa nibaa bi ji na,

Nnyam 16:3

le ki bui bi ke, “Uwumbɔr yaa ba ku timi Ijipt aatiŋ ni kan, ti ba ga li gee kina. Ti ba ga li kani tinann ni tijikaar timɔk ti gee na ki ji, le ni joo ni timi nteersakpiin mumina ponn ni ti nan kpo nkon.”

Aisaya 22:2

Kitisakpeŋ ngbaan mɔmɔk ponn ni kpa kifuuk la; ki gbii kifuuk ni mpopiin la. Nimi aajab bi kpoi butɔb bue ni na aa bi jaa le ki kpoi.

Jeremia 16:4

Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Esekiel 24:23

Naan chuun kaa tak ŋinaatak, bee ni li chuun aan tiwan aa bii niyil pu, bee ni wii likpuul, bee ni wii bi pu. Nimi nibaa aatunwanbir pu le ni ga kuur doo, le ni ga li ker idun tɔb chee.

Esekiel 33:10

Uwumbɔr nan ki len m chee tibɔr ki bui ke, “Unibɔn, giin di Israel yaab aah bi len pu na tuk bi ke: ‘Timi aatunwanbir ni timi aataani le nyii baa ti pu. Ti door la. Ti ga ŋa kinye ki li kpa limɔfal?’

Esekiel 4:16

U nan ki len ke, “Unibɔn, maan ki cha tijikaar li bi Jerusalem aatiŋ ni ke taah nan bi pu na. Binib bi bi nima na aasui ga bii, le bi ga li san ijawaan baah ga li ŋaŋi baajikaar ti bi ji na, ni baah nyu nnyun mu na pu.

Esekiel 7:15

Kijaak bi kitiŋ ponn ni, le iween ni nkon bi ŋidichal ni. Unii umɔk bi timoor ni na ga kpo kijaak ni la, le iween ni nkon ga ku umɔk bi kitiŋ ponn ni na.

Liifai Yaab 26:39

Nimi bi gur siib nimi aadim aatiŋ ni ki ŋmar na aatunwanbir, ni niyaajatiib aatunwanbir pu, naan ki li bi tibaa ni.

Ikaal 28:51

Bi ga di nimi aawakor ni tijikaar ji, le nkon ku nimi. Baan ki gur nimi tijikaar, ni ŋisubil aadaan, ni olif aakpan, ni tiwakor, le ni ga kpo.