Inandalahn 4:21 - Uwumbɔr aagbaŋ

²¹ Edom ni Us aanib, li laa man; buyoonn ni ga ŋman na kan, li kpa mpopiin man. Ni mu aabɔbir choo; ni mu ga li chuun gbeer niŋmeen inimɔɔn ŋmeen.

Inandalahn 4:21 ပူးပေါင်းရင်းမြစ်များ

Mpiin 36:28

Us ni Arann nan ye binibaam la, le Disann nan ye biyaaja.

2 Bibɔrb Aabɔr 28:19

Ubɔr Ahas aah kaa nan tii waanib baabamɔn ki bii Uwumbɔr aakaal na, le Uwumbɔr cha tibɔr dan nan lir waatiŋ Juda pu.

Job Aagbaŋ 1:1

Uja ubaa nan bi Us aatiŋ ni, bi nan yin u ke Job. Job nan dooni Uwumbɔr le ki dii u mbamɔm. U nan ye uninyaan, le kaa gee titunwanbir aatuln.

Ilahn 137:7

Uwumbɔr, teer Edom yaab aah nan ŋa pu nwiin mundaal bidim nan nyaŋ Jerusalem na. Teer baah nan len kpakpaayuk pu na ke, “Ber ki bil kitiŋ man.”

Ulandaan 11:9

Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

Jeremia 49:12

“Hali binib bi kaa ba ye ke m daa bitafal na yaa ti nyun ntafadaan aayikuuk ni kan, ni dak ke nimi le aan kan ntafadaan aa? Mbamɔn ni ga nyu kiyikuuk ngbaan ponn ni.

Jeremia 49:7

Uwumbɔr Mpɔɔnsakpiindaan aah nan len Edom aatiŋ aabɔr ti na sɔ: “Edom aanib aa ki nyi nibaa la aa? Baasusurb aa ki nyi baah ga tuk bi ke bi ŋa pu na la aa? Baalan mɔmɔk wɔŋ la aa?

Esekiel 25:6

“Tidindaan Uwumbɔr aah len pu na sɔ: Ni nan faa ibambaan ki fii yuk mpopiin pu. Ni nan lik seen Israel aatiŋ.

Esekiel 25:8

Tidindaan Uwumbɔr bui ke, “Moab yaab aah len ke Juda aatimbol bi ke ŋitimbol ŋiken na,

Esekiel 26:2

“Unibɔn, Taya aatiŋ ni aanib aah laa mpɔɔn pu tibɔr ti pu na sɔ. Bi tar ke, ‘Jerusalem aatiŋ yaa a. Kaah nan kpa kinyanpuuk ki na doo a. Kina pu na, ti ga kan liwangol.’

Amos 1:11

Uwumbɔr ki len ke, “Edom yaab aah tun titunwanbir n‑yoonn mɔmɔk pu na, le ga cha m sil daa bitafal. Bi tee mban ki ban bi ŋa binaabitiib Israel yaab mbiin ki ku bi, kaa san bi kinimbaak. Baaŋuul pɔɔ kaa sɔŋni kpala.

Obadia 1:1

Tidindaan Uwumbɔr aah di tibɔr ti tuk waabɔnabr Obadia, ki joo cha Edom aatiŋ wɔb na sɔ. Uwumbɔr tun waabɔnabr ŋitimbol mɔmɔk chee, le ti ŋun waabɔr ti u tuk u na ke, “Gor nibaa man. Cha ti buen ti to Edom yaab butɔb man.”

Maika 1:11

Safir aatiŋ aanib, di inimɔɔn ki chuun niŋmeen man, nimi aadim aah di nimi buen kitiyayaŋ ni man. Binib bi koo Saanann aatiŋ ni na aa kaa ke bi nya ni baatiŋ ponn ni. Ni yaa nan ŋun Bef Esel aatiŋ aanib bi wii kan, ni bee ke lifuur aa bi nima.

Habakuk 2:16

Sin le ga kan inimɔɔn, naan li ye kipak. Sin aabaa ga nyu ndaan ki gbii. Uwumbɔr le ga daa aatafal ki cha inimɔɔn biin saapak pu.

Tibɔkpiirkaan 16:15

Tiyayaar ngbaan nan kuun bi lipepel libaa wɔb. Hiibru aaliin ponn ni bi yin nima chee ke Amagedonn. Le Yesu bui ke, “Li pel man, m ga dan ke unaayuk aah choo pu na la. Uwumbɔr aanyoor bi binib bi si kii bundaln m ga nan fuu ni na, ki lik baawanpeenkaan ke bi taa chuun biŋmeen, ki taa ji inimɔɔn.”