Inandalahn 4:20 - Uwumbɔr aagbaŋ

²⁰ Bi nan chuu timi aabɔr u ye timi aamɔfal na; uma le Uwumbɔr nan lee, le ti nan kpa limakl u pu ke u ga li kii timi bidim chee.

Inandalahn 4:20 ပူးပေါင်းရင်းမြစ်များ

Mpiin 2:7

Uwumbɔr nan di titan ki di naan uja, le ki fuur libuln ŋa umɔfal ni, le u kpaln unibɔn.

Mpiin 44:30

“Uninkpel, lik mbamɔm, m yaa gir kun kaa joo tinaal ngbaan kan, tite mu yaa bee ke waa dii timi kun ni kan, u ga kpo la. Waamɔfal bi waabo ngbaan le ni, le waah por sakpen pu na, nsuubiin kina aaboln ga ku u.

2 Samuel 1:14

Le David baa u ke, “Aa kaar kinye ki ti ku ubɔr u Uwumbɔr lee u na?”

2 Samuel 1:21

Taa cha utaal, bee limaln lir Gilboa aagongon paab, cha ŋaakpaakon kpaln nteer n‑yoonn mɔmɔk; ba pu? nima chee le bipobidam aajaak aapen dɔ inimɔɔn ni; baa ki joo nkpan ŋmir Sɔɔl aajaak aapeln.

2 Samuel 18:3

Le bi gar u ke, “Taa dii timi buen. Timi ŋmeen yaa ti fenn ki san, bee bi yaa ku timi ligeln libaa doo kan, naan li ye nibaa bidim ngbaan chee; sin ma jer timi ŋichur kipiik. Aa yaa gaar kitiŋ ni do, ki tii ni timi nterm kan, ni ŋan jer ke aa buen.”

2 Samuel 19:21

Le Seruya aajapɔɔn Abisai bui ke; “Simei ŋeer nkun; ba pu? u nan puun lii unii u Uwumbɔr lee u ubɔr na pu.”

2 Bibɔrb Aabɔr 35:25

Uwumbɔr aabɔnabr Jeremia nan naan nkpolahn tii Ubɔr Josia, le ni kpaln nkaal Israel aatiŋ ni ke uja ni upii mɔk yaa ban u wii waakpuul kan, udaan gaa nkpolahn ngbaan. Waalahn ngbaan bi ikpolahn aagbaŋ ni.

Aisaya 32:2

Bi mɔmɔk ga li bi ke mbɔbɔryaan mu ga ŋmaa kiir unii libuln chee, ni nin chee unii ga bɔr ki ŋmar kitaabuŋ chee na la. Bi ga li naahn ibun i puu nteersakpiin pu nin chee nnyun aa bi na, ki ki naahn litakpasakpeln li tii mboon nin chee isui aa bi na.

Jeremia 39:5

Babiloŋ aajab nan paan bi pu le ki ti chuu Sedekia, Jeriko chee, le ki di u buen ubɔr Nebukadnesar, u nan bi Ribla aatiŋ ki bi Hamaf aapepel ni na chee. Nima chee le Nebukadnesar nan ti jin u tibɔr ki siin baah ga ŋa u pu na.

Jeremia 52:8

Tɔ, Babiloŋ aajab nan di paan Ubɔr Sedekia pu, ki ti pii u Jeriko chee, le waajab mɔmɔk san cha u.

Jeremia 52:9

Bi nan di Sedekia buen Ubɔr Nebukadnesar u nan bi Ribla aatiŋ ki bi Hamaf aapepel ni na chee, nima chee le Nebukadnesar nan ti jin u tibɔr ki siin baah ga ŋa u pu na.

Inandalahn 2:9

Ibisamɔi gur dɔ sub tibir ni, le yaakudɔ kool yuk yuk. Ubɔr ni bininyuum na gur bi tinaagbiir ni la. Ubaa aa ki mɔk binib Uwumbɔr Aakaal Aagbaŋ, le Uwumbɔr aa ki kpiir tibɔr tuk waabɔnabtiib.

Esekiel 12:13

le m ga taln maapɔɔk ki chuu u ki ponn ni, le ki di u buen Babiloŋ aatiŋ ni, nin chee u ga ti kpo, kaan kan kitiŋ ngbaan kpala na.

Esekiel 17:18

U bii waah puu tipuur ti na, ni kimɔbaan ki u nan ŋa na. U ŋa tiwan nimina mɔmɔk, le waan ŋmar.”

Esekiel 31:17

I ga dii bu buen ti kpee isui i puun lir na pu. Le binib bi mɔmɔk ka bu aaboon ni na ga yaa koo ŋitimbol ŋiken ni.

Daniel 4:12

Bu aafar nan ŋan ki ti nyaŋ; le ki lu ŋisubil ŋi dulnyaa wee aanib mɔmɔk ga ŋmaa moo ŋi na. Ipeel nan doo bu aaboon ni ki fuur, le inyoon mu ter yaadil bu aabon pu, le unibɔn mɔk moo bu aasubil.

Hosea 13:10

Ni nan bui ke ni ban ubɔr ni bisalolm la; tɔ, bi ga ŋa kinye ki gaa litimbol ngbaan lii?

Bibɔjirb 9:15

Bukokom nan gar ke, ‘Ni yaa sil ban ke ni di mi ŋa nimi aabɔr kan, dan ki nan kal maaboon ni man. Ni yaa kaa ŋa kina kan, mmii ga poo nya ni maakokon aapan ŋee ni, ki nan wu Lebanonn aasantina tiib.’”

1 Samuel 12:3

Min le na. M yaa ŋa ubaa tibaa kan, galn mi man dandana wee, Uwumbɔr ni waah lee ubɔr u na aanimbiin ni. M gaa ubaa aanaa bee ubaa aabon aa? M jin ubaa pem pem, bee m muk ubaa aa? M gaa ubaa chee igaŋgaŋlik aa? M yaa ŋa nimina ponn ni nibaa kan, m ga pa maah gaa ni na.”

1 Samuel 12:5

Le Samuel giin kii bi ke, “Uwumbɔr, ni waah lee ubɔr u na le ye seeraadam din wee ke maa kpa taani ubaa.” Le bi kii ke, “Een, Uwumbɔr le ye seeraadaan.”

1 Samuel 16:6

Baah ti fuu na, le Samuel kan Jese aajapɔɔn u bi yin u ke Eliab na, le ki bui ubaa ke, “Uja u si do Uwumbɔr aanimbiin ni na sil ye unii u u lee na.”

1 Samuel 24:10

Aa kan ke dandana wee Uwumbɔr di si ŋa maapɔɔn ni kitakpaluŋ ngbaan ni. Maajab bibaa bui mi ke m ku si, le m san si kinimbaak, ki bui bi ke maan ŋa si taani siib kina; ba pu? Uwumbɔr le lee si ke aa li ye ubɔr.

1 Samuel 24:6

Le u bui waajab ke, “Uwumbɔr taa cha m ŋa maaninkpel, u uma Uwumbɔr lee u ubɔr na taani ubaa. Maan ŋa u nibaa siib kina; ba pu? uma le Uwumbɔr ŋa u ubɔr.”

1 Samuel 26:16

Abner, aa yenn saatuln ni. M puu Uwumbɔr u bi n‑yoonn mɔmɔk na ke ni mɔmɔk ŋeer nkun; ba pu? naa kii nimi aaninkpel, u Uwumbɔr ŋa u ubɔr na. Lik. Ubɔr aakpaatuŋ bi la chee? Nnyun aatuun mu ba si uyil chee na bi la?”

1 Samuel 26:9

Le David bui u ke, “Taa ŋa u nibaa. Uwumbɔr ga sil daa unii u ŋa waabɔr u u lee u na taani na aatafal.”