Inandalahn 4:19 - Uwumbɔr aagbaŋ

¹⁹ Bi nan jenn timi sunn mala mala ke likaagiil le aah boon ki nyan ni paacham na. Bi nan ti gob timi ŋigongon pu la; nteersakpiin pu le bi nan loon timi.

Inandalahn 4:19 ပူးပေါင်းရင်းမြစ်များ

Jeremia 16:16

Uwumbɔr nan ki bui ke, “M bi tun ban bijanbam pam ke bi nan chur binib bee la, le ki tun yin ni bikpam pam, ke bi nan tee mban ki taa taa nyan ni bi lijool, ni ligongoln mɔmɔk paab, ni titakpalunn ni.

Jeremia 4:13

Lik man, udin le choo ke ntaalangbam na. Waajaak aataan, ni yaatɔroku mam bi ke kinaakpaajabuŋ na la, le waataan ŋmaa san mala mala jer ŋikaagii. Ti kuln a. Timi aamɔfal junn a.

Inandalahn 1:13

U cha mmii mu wu nwon ni na nyan ni paacham ki dan m pu. U pen mi gaawɔb ki cha m lir kitiŋ. Le u siir cha mi ki di iween ŋmeen tii mi.

Hosea 8:1

Uwumbɔr bui ke, “Faa nkuun man. Bidim boon nan lir maatiŋ pu ke ŋikaagii na la. Maanib bii tipuur ti m nan puu tii bi na, le ki yii maamɔkm.

Hosea 8:3

le ki tee yii lituln li ŋan na. Kina pu na, baadim ga li ban bi.

Liifai Yaab 26:36

“Nimi bi ga li bi tinaagbiir ni, ntiyayam ni na, m ga cha ijawaan chuu nimi sakpen, hali libuln yaa daa kifark aan ki dam kan, ni ga san. Ni ga san ke baah san dii nimi butɔb ponn ni le na. Nimi aadim aan li bi ni chee, le ni lir kitiŋ.

Amos 2:14

Hali, binib bi ŋmaa san sakpen na aan ŋmar; bipɔɔndam aapɔɔn ga doo, le butɔb aajab aan ki ŋmaa gaa bibaa lii.

Habakuk 1:8

“Baataan ŋmaa san mala mala ki jer ipeenaamuun, le ki bir jer nkon aah joo takɔtiib bi na. Baatandam nyan ni dandar aatim ni le ki jak ni baataan, baataan aataagbendun pɔɔ sakpen. I booni ke ŋikaagii le aah booni ke ŋi ti chuu tinann na.

Ikaal 28:49

Uwumbɔr ga cha linibol li nyan ni dulnyaa aanaanmɔk aan naa nyi baaliin na nan lir ni pu. Bi ga fii nan lir ni pu, ke likaagiil aah booni chur tiwan pu na la.