Inandalahn 4:16 - Uwumbɔr aagbaŋ

¹⁶ Uwumbɔr aatafal aa nan ki bi bi ni; uma ubaa le nan yaa bi. Utafal aa nan bi timi aatotoorb ni biyidam ni.

Inandalahn 4:16 ပူးပေါင်းရင်းမြစ်များ

Mpiin 49:7

M puun lii nimi aaŋuul ngbaan pu, ba pu? nimi aaŋuul ngbaan kpa ijawaan, Nimi aaŋuul ye mbiin aatuln le ni tun. M ga di nimi yaa Israel aatiŋ ni, le ki cha ni yaa Israel yaab mu ni.

2 Bibɔrb Aabɔr 36:17

Kina pu le Uwumbɔr nan cha Babiloŋ aabɔr buen ti tak bi. Ubɔr ngbaan nan ku Juda aanachipɔm, hali ki ti kpaan ku bibaa Uwumbɔr Aadichal ni. Waa nan san ubaa kinimbaak, waa nan san bi laa diin na, ni bi por na, kaa san uja, bee upii, bee ubun, bee u kpa laafee na kinimbaak. Uwumbɔr di bi mɔmɔk ŋa uŋaal ni.

Ilahn 106:27

ki cha biyaabitiib yaa koo binib bi kaa nyi u na ponn ni, ki cha bi kpoi biwɔwɔm aatim ni.

Ilahn 106:44

Tɔ, bi mu yaa tee wii ki yin u kan, le u pel baayim ngbaan, ki bee ke bisui bii.

Aisaya 24:2

Unibɔn mɔmɔk ga ji falaa baan la: Uwumbɔr aatotoorb, ni binib, ni binaagbiib ni baaninkpiib, ni binib bi daa na, ni bi kooh na, ni binib bi pinni tiwan na, ni binib bi kpa ki pinni tii bi kaa kpa na, ni biwankpadam ni bigiim, bi mɔmɔk ga ji falaa baan.

Aisaya 47:6

M nan gee liŋuul maanib pu; ki ŋa bi ke baa kaa ye maanib le na: M nan di bi ŋa saapɔɔn ni, le saa san bi kinimbaak; hali aa nan muk binib bi por na.

Jeremia 15:4

Hesekia aajapɔɔn Manase aah nan ye Juda aabɔr ki ŋa pu Jerusalem ni na, kina pu le m ga cha dulnyaa wee aanib mɔmɔk aasui gar bi pu.”

Jeremia 24:9

Maah ga cha tibɔbir ti aaboln dan bi pu na ga chuu dulnyaa aatimbol mɔmɔk ijawaan. Binib ga ŋa bi yaansara, ki ŋa bi mbɔnyun, ki li laa bi, ki li joo baayimbil puuni lir biken pu baah yaa ki bi ni kookoo na.

Jeremia 52:24

Babiloŋ aajab aayidaan Nebusaradann nan ki chuu Utotoorninkpel Seraya, ni utotoor u paa u pu aan bi yin u ke Sefania na, ni Uwumbɔr Aadichal ni aanikpaam bitaa tinaagbiir buen Babiloŋ ni.

Inandalahn 2:20

Uwumbɔr, lik binib bi aa bi jinni bi falaa na. Bipiib joo baah gee baabim mu na le ŋmɔ. Bi ku bitotoorb ni saabɔnabtiib Saadichal ni la.

Inandalahn 2:6

Waadichal li ponn ni ti nan dooni u na, le u gbaa wii li yuk yuk. U kuln ŋikpaakoo, ni iwinyaan daal. Waaŋuul aapɔɔn fuu bibɔrb ni bitotoorb mu chee.

Inandalahn 5:12

Bi chur timi aayidam buen le ki ti leen bi iŋmin; ubaa aa ki pak timi aaninkpiib.

Esekiel 5:10

Kina pu na, tetiib ni natiib bi bi Jerusalem ponn ni na ga ŋmɔ baabim, le mbim mu ga ŋmɔ tetiib ni natiib. M ga daa nitafal le ki cha bi ŋmar na yaa buen ŋipepel mɔmɔk ni.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Ikaal 32:26

M nan len ke m ga kuln bi, aan nima kan, ubaa aan ki teer bibɔr.

Hiibru Yaab 8:9

Tipuur ngbaan aan li bi ke tipuur ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. Baa nan joo tipuur ngbaan, nima le maa nan ki gar bi. Min Uwumbɔr le len kina.