Inandalahn 4:14 - Uwumbɔr aagbaŋ

¹⁴ Kaasalolm nan chuun kpak kitiŋ ponn ni ke bijoom na, biwon mɔmɔk nan ye nsin, le ubaa aan kii ki meeh bi.

Inandalahn 4:14 ပူးပေါင်းရင်းမြစ်များ

Aisaya 1:15

“Ni yaa yoor niŋaal paacham ki mee min kan, maan lik nimi. Ni yaa po mee min pu na kan, maan ŋun nimi aameel ngbaan, ba pu? niŋaal mɔmɔk ye nsin ŋmeen la.

Aisaya 56:10

U bui ke, “Israel yaab aakikiirb mɔmɔk ye bijoom la. Ni ye baatuln ke bi sur maanib, le baa nyi nibaa. Bi naahn ibɔja i kaa gbei na la, bi po dɔ geen la, le ki daŋni tidaŋ. Bi gee ngeen jer tiwan mɔmɔk.

Jeremia 2:34

Bigiim ni maa‑kpa‑taani‑dam aasin le bi nimi aawanpeenkaan pu, naa ye binaayukb aasin. “Le nimina mɔmɔk aapuwɔb na,

Jeremia 26:8

le maah len uma Uwumbɔr aah bui mi ke m len pu na doo na, le bi ber nan chuu mi ki teen ke, “Nimina ŋeer ke ti ku si.

Esekiel 23:45

Bininyaam ga bui ke baabɔr bii, kidagook ni linikul pu, ba pu? bi tun kidagook aatuln, le biŋaal ye nsin ŋmeen.”

Hosea 4:2

Bi puur tipuur le ki bii ti; bi geei inyamɔn, ki ku binib, ki su kinaayuk, ki ban tɔb aapuutiib. Libiil moo kpae la, le linikul libaa paa liken pu.

Sefania 1:17

Uwumbɔr ki bui ke, “M ga cha tibɔbir ngbaan aaboln dan unibɔn pu aan unii mɔmɔk li chuun baani ke ujoon na. Bi tun mi taani, le m ga cha baasin puu ke nnyun na, le baanikpol ga li dɔ kitiŋ ki ti bur.”

Nkahm 19:16

Nibaakan bi yaa ku unii, bee u kpo ubaa pu lipaal, aan uken yaa meeh u, bee unii ubaa yaa meeh unibɔn aakpab, bee likaakul kan, u kpaln tijɔŋdaan iwiin ilole le na.

Nkahm 35:33

Ni yaa ŋa kina kan, ni ga bii kitiŋ ki ni koo ki ponn ni na. Linikul bii kitiŋ la, le unii yaa ku uken kan, see bi ku udaan ngbaan mu, naa ye kina kan, kitork kibaa aa ki bi, ni ga ŋmaa toor ki ŋaŋ baah ku unii kitiŋ ki pu na.

Matiu 15:14

Taa gar bi man. Bi ye bisanmɔkb bi jɔb na la. Ujoon yaa mɔk ujoon nsan kan, bi mɔmɔk bilee ga lir libuul ponn ni la.”

Efesusi 4:18

Binimbil aa woln. Bitafal aah pɔɔ pu na, le baa nyi Uwumbɔr. Nima le baa kpa limɔfal li Uwumbɔr tii timi na.