Inandalahn 4:13 - Uwumbɔr aagbaŋ

¹³ Uwumbɔr aabɔnabr bi nan bi ki ponn ni na nan tun titunwanbir, le kaatotoorb mu nan cha binib bi kaa tun taani na kpoi, nima le nan cha kina ngbaan ŋa.

Inandalahn 4:13 ပူးပေါင်းရင်းမြစ်များ

Jeremia 14:14

Le Uwumbɔr gar mi ke, “Bibɔnabr ngbaan joo maayimbil le geei inyamɔn; maa nan tun bi, kaa tii bi maamɔboln, kaa tii bi nsan mubaa. Tibɔkpiirkaan ti bi joo len na aa nyan ni m chee; baah len ke tiwan ni ga ŋa na aa kpa tinyoor, bima bibaa le dakl ti.

Jeremia 2:20

Tidindaan Uwumbɔr le len ke, “Israel yaab, naah yii maamɔb na, ni yunn pam; ni yii, kaa kii maamɔb, kaa dooni mi. Ni dooni ŋiwaa ŋi ni bui ke ŋi kpa timar na ŋigongon ŋi paa na pu, ni bususoom mɔmɔk taab.

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Jeremia 6:13

Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil, hali maabɔnabtiib ni bitotoorb ji binib ngbaan la.

Inandalahn 2:14

Bibɔnabr nan tuk si inyamɔn ŋmeen la. Baah nan tuk si tibɔr ti na le ŋmann si, ba pu? baa nan kpiir saatunwanbir pu. Bi nan cha aa dak ke saa kpa tibɔbir tibaa aa kpiir.

Esekiel 11:6

Ni ku binib kitiŋ kee ponn ni do sakpen, le ŋinikpol dɔ gbii ki ponn ni.

Esekiel 22:25

Kaasalolm bi ke ichinn na la, le ki ŋuuni yaah ku tinann ti na pu. Bi ku binib, le ki yoor ŋimombil ni liwangol li bi kan na, le baanikul ngbaan pu bikpopiib pam bi.

Matiu 23:31

Naah len pu na le mɔk ke ni ye binib bi nan ku Uwumbɔr aabɔnabtiib ngbaan na aayaabitiib la. Nima le nimi aabɔr bii.

Lituln 7:52

Niyaajatiib nan muk Uwumbɔr aabɔnabtiib mɔmɔk, le ki ku binib bi tuk bi ke Uwumbɔr Aatutunyaan ga dan na. U fuu ni, le ni kooh u, ki ku u.