Inandalahn 4:11 - Uwumbɔr aagbaŋ

¹¹ Uwumbɔr nan buur waaŋuusakpeln lii; U nan tuur mmii Sionn aatiŋ ponn ni le mu wun ki pel pel.

Inandalahn 4:11 ပူးပေါင်းရင်းမြစ်များ

Aisaya 51:20

Nimi aanib aa ki kpa mpɔɔn, le ki lir kitiŋ ponn ni, ŋilɔlɔk mɔmɔk ni; bi naahn ukpan aataŋ aah chuu ikulun i na la. Bi kan Uwumbɔr aaŋuul aah pɔɔ pu na.

Jeremia 13:14

Le m ga di binib bi por na, ni bi kaa por na yur tɔb aan bi wiil ke ŋidabuu na. Kinimbaak, ni mpombiin, ni nsuugar mbaa aan kiir mi ke m taa ku bi.”

Jeremia 17:27

See bi kii maamɔb, ki joo Likpaakool daal ke mu ye nwinyaan daal. Bi taa tu lituln libaa ki di dii Jerusalem aabisamɔi nwiin ngbaan daal; bi yaa ŋa kina kan, m ga see Jerusalem aabisamɔi mmii. Le mmii wu Jerusalem aabɔrchiln, le ubaa aan ŋmaa junn mu.”

Jeremia 21:14

M ga daa nitafal naah tun pu na pu. M ga see nimi aabɔrchiln mmii, le mmii ngbaan ga wu tiwan ni mɔmɔk duun li na. Min Uwumbɔr le len kina.”

Jeremia 36:7

Nibaakan bi ga mee Uwumbɔr ki fenn bipuwɔb tii baatunwanbir, ba pu? Uwumbɔr aaŋuusakpeln ni, le u puu ke u ga daa bitafal pam.”

Jeremia 7:20

Le min, Bidindaan Uwumbɔr, ga cha maaŋuusakpeln pii ni Maadichal limina. Li ga pii binib ni tiwakor mu, hali isui ni tijikaar mɔmɔk ga kan li. Maaŋuul ga li bi ke mmii mu ubaa aan ŋmaa junn mu na la.

Inandalahn 2:1

Uwumbɔr aaŋuul ponn ni le u di mbɔmbɔɔn biin Sionn pu. U nan kpeln kaanyaan na ŋa tilangbenn. Waaŋuul ngbaan daal le u nan nyan cha Waadichal.

Inandalahn 2:17

Uwumbɔr nan ŋa waah faan ke u ga ŋa pu na. U kuln timi kaa san timi kinimbaak, ke waah nan sak timi n‑yoonn mu jer na pu na. U tii timi aadim linyaŋ, u cha ti lir le ki tii bi mpopiin.

Inandalahn 2:3

Waaŋuul ponn ni, le u kuln Israel aajab aapɔɔn. Timi aadim aah nan fuu ni na, u nan yii, kaa ter timi. U nan fii sil ti pu ke mmii na, le ki kuln tiwan mɔmɔk.

Inandalahn 2:4

U nan di waapɔɔn kaan ti pu ke waah ye timi aadin le na. U nan ku binib bi mɔmɔk nan tii timi mpopiin ni mmɔɔn na. Waaŋuul li ton ke mmii na nan pii ni timi bi bi Jerusalem aatiŋ ponn ni do na.

Inandalahn 2:8

Uwumbɔr puu ke Sionn aagon lir kitiŋ. U nan ŋaŋ ŋi ke u sil kan ŋaalirm. Bikikiib aadir na, ni ŋigon mɔmɔk ber le ki dɔ kitiŋ.

Inandalahn 4:22

Sionn aatiŋ pan kaatunwanbir pu; Uwumbɔr aan ki cha ti li bi tinaagbiir ni. Le sin Edom aatiŋ ma, Uwumbɔr ga daa aatafal; u ga nyan saataani mpaan pu.

Esekiel 22:31

Kina pu na, m ga chuu buur maaŋuul lii bi pu, le ki kuln bi ke mmii na, baah tun pu na pu.” Bidindaan Uwumbɔr le len kina.

Esekiel 36:18

M nan cha bi kan maaŋuul aah bir pu na, baah nan ku binib bi kitiŋ ngbaan pu na, ni baah nan di ŋiwaa ŋi bii ki na.

Esekiel 6:12

Binib bi bi dandar na ga buŋ le ki kpo; le binib bi bi duun na ga kpo butɔb ni; le bi gur na ga kpo nkon pu. Bi ga kan maaŋuul aah pɔɔ pu na mɔmɔk.

Daniel 9:12

Aa nan ŋa saah nan bui ke aa ga ŋa timi, ni binib bi joo timi na mɔmɔk pu na. Kitiŋ kibaa aa ki bi taab do ki kan ntafadaan mu aa nan di tii Jerusalem na.

Liifai Yaab 26:28

min mbaa le ga lir ni pu, ki ki daa nitafal ki kpee nfum mulole pu mu ga li bir ki jer njan yaan na.

Sefania 2:2

waahr aan ki nin kuur ki kpo ke mmopuun na, waahr aan Uwumbɔr nin mɔk waaŋuul li wu ke mmii na aawiin nin fuu ni aa chee.

Sekaria 1:6

M nan cha maatutum bi ye bibɔnabr na tii niyaajatiib ikaal ni nsurm, le bi yii i, le ki jin falaa i pu. Le bi bee ke bi tun taani, ki bee ke min, Uwumbɔr Mpɔɔnsakpiindaan le daa bitafal ke maah nan puu ke m ga ŋa pu na, ki ŋeer baah tun pu na.’”

Tibɔnyaan ti Luk ŋmee ti na 21:22

N‑yoonn ngbaan le Uwumbɔr ga daa Jerusalem aatiŋ aanib aatafal, aan ni gbiin waagbaŋ aah ŋmee pu na mɔmɔk.