Inandalahn 3:7 - Uwumbɔr aagbaŋ

⁷ U buu mi tikululn kaan, le m kpaln unaagbiija u kaan ki ŋmaa san ŋmar na.

Inandalahn 3:7 ပူးပေါင်းရင်းမြစ်များ

Job Aagbaŋ 19:8

Uwumbɔr le laŋ nsan, le maa ŋmaa jer; u di maasan bɔr mbɔmbɔɔn ni la.

Job Aagbaŋ 3:23

Uwumbɔr di baataak ki ga woln na bɔr bi, le ki gob bi ŋipepel mɔmɔk.

Ilahn 88:8

Aa cha njɔtiib san cha mi; aa cha m gur nu bi chee la. M gur ye kaasisik ni aajangeln la kaan ŋmaa minn buen nibaa chee;

Ilahn 88:9

falaa pu, nnimbil aa ki waa mbamɔm. Uwumbɔr, idaa mɔmɔk, m yin si la le ki yoor ŋŋaal paacham ki mee si.

Jeremia 38:6

Le bi nan yoor mi ki ti di iŋmin leen ŋŋaal ki di mi lii nnyunbun mu bi yin mu ke Ubɔrbo Malkia aanyunbun na ni, mu nan bi libɔrdichal aachiln ni la. Nnyun aa nan bi mu ponn ni, tikpakpar ŋmeen le nan bi mu ponn ni, le m chɔb sil ti ponn ni.

Jeremia 40:4

Dandana m ban m chuu gbinn tikululn ti gbin aaŋaal na le ki di si lii. Aa yaa gee ke aa dii mi buen Babiloŋ ni kan, aa ga ŋmaa ŋa kina, m ga li joo si. Tɔ, aa yaa kaa gee ke aa buen kan, naa yee mpɔɔn. Kitiŋ kee mɔmɔk ye sin yaan le ke aa lee saah gee ni na, aa ga ŋmaa buen saah gee nin chee na.”

Inandalahn 1:14

U ŋmee maatunwanbir mɔmɔk bil le ki buu ti mɔmɔk kpaan tɔb ni. U nan di ti leen nneen ni, le taanyunyuun nyii mi bil kitiŋ. Uwumbɔr di mi tii maadim, le maa nan kpa mpɔɔn mubaa bi chee.

Inandalahn 3:9

M yaa chuun kan, m gbeer la; le baah di ŋitakpal maa ŋigon ŋi na leŋ maasan mɔmɔk.

Inandalahn 5:5

Bi jak timi mpɔɔn ke ibon ni laakumii tiib na la, le ti ti bak, le baan cha ti fuur.

Daniel 9:12

Aa nan ŋa saah nan bui ke aa ga ŋa timi, ni binib bi joo timi na mɔmɔk pu na. Kitiŋ kibaa aa ki bi taab do ki kan ntafadaan mu aa nan di tii Jerusalem na.

Hosea 2:6

Kina pu na, m ga di ikokon le gob u ki maa ligoln kiir waasan.