Inandalahn 3:39 - Uwumbɔr aagbaŋ

³⁹ Taah kpa limɔfal pu na, Uwumbɔr yaa daa titafal kan, naa ŋan ke ti ki len tibaa.

Inandalahn 3:39 ပူးပေါင်းရင်းမြစ်များ

2 Bibɔrb 3:13

Le Elaisa baa Israel yaab aabɔr ke, “M ga ŋa kinye aan ki ter si? Li cha aate ni aana aah nan chaa ŋiwaa aabɔnabr bi chee na.” Le Joram gar u ke, “Aayii. Uwumbɔr le di timi bibɔrb bitaa bimina ŋa Moab yaab aabɔr aaŋaal ni.”

2 Bibɔrb 6:32

le ki tun ntuun ke mu ti joo ni Elaisa. N‑yoonn mue na, Elaisa nan ka bininkpiib bi nan dan ke bi nan mann u na chee. Waahr aan ubɔr aatuun ngbaan nin fuu ni na, Elaisa nan bui bininkpiib ngbaan ke, “Unikur na tun ni unii ke u nan ku mi la. Tɔ, udaan yaa nan fuu ni kan, ni di kidiik piin ki taa cha u koo ni. Ubɔr ubaa ga paan ni u pu dandana.”

2 Bibɔrb 6:33

U laa bi len kina, le ubɔr kpaan fuu ni ki nan bui ke, “Uwumbɔr le cha tibɔbir timina dan ti pu. Maan ki ŋmaa kiir u ke u ki ŋa nibaa.”

Esra 9:13

Timi Aawumbɔr, saah ŋa timi tiwan mɔmɔk ki daa titafal pu na, ti nyi ke saa daa titafal ki ŋeer timi aatunwanbir, le ki cha ti ponn ni siib ŋmar.

Job Aagbaŋ 11:6

U ba ga bui si ke nlan aabɔŋ aabɔŋ wiir pam; ke tiwan pam bi aan unibɔn aalan aan ŋmaa bee ni. Uwumbɔr aa daa aatafal ki ŋeer saah tun pu na.

Job Aagbaŋ 15:13

Aa gee Uwumbɔr pu liŋuul, le ki bui ke waa ki ye nibaa.

Ilahn 107:17

Binib bibaa nan ye bijɔrb, le ki ji baatunwanbir aafalaa le baabiin aatun pu;

Ŋiyataŋak 19:3

Binib bibaa joo baajɔrk aatun le junni baamɔfal, le ki tee galni Uwumbɔr.

Aisaya 51:20

Nimi aanib aa ki kpa mpɔɔn, le ki lir kitiŋ ponn ni, ŋilɔlɔk mɔmɔk ni; bi naahn ukpan aataŋ aah chuu ikulun i na la. Bi kan Uwumbɔr aaŋuul aah pɔɔ pu na.

Jeremia 10:19

Jerusalem aanib le wii ke, “Ti kan titotonn sakpen a, timi aabuun aan yann. Le ti nan dak ke tiwan ngbaan ye tiwan ni ti ga ŋman na la.

Jeremia 30:15

Nnyɔk aa bi ki ga tii nimi laafee, kina pu na, taa ki len nimi aatotonn aabɔr man. Nimi aatunwanbir aah wiir aan nimi aabiin mu nyaŋ sakpen pu na le m daa nitafal kina.

Inandalahn 3:22

Uwumbɔr aageehm ni linimbaasaln li kaa door na beenin bi.

Liifai Yaab 26:41

ki cha m fenn daa bitafal, aan ki cha baadim chur bi buen baatim ni tinaagbiir ni na. Aayaabitiib yaa nan sunn bibaa taab, ki kan baah bii pu na aatafadaan kan,

Liifai Yaab 26:43

Njan aabɔkpaan le ye ke bi jenn nyan niyaabitiib kitiŋ ngbaan ni, nima kan, ki ga doon fuur kibaa pu, le bi ga ji falaa, baah yii maakaal, kaa kii maah len pu na pu.

Maika 7:9

Ti tun Uwumbɔr titunwanbir, kina pu na, ni ŋan ke ti ji falaa waaŋuul pu. Nee aapuwɔb na u ga sil tipuwɔb ki toor taani u bi ŋa timi na. U ga nyan ni timi dan nwiihn ni; ti ga li bi ki ti saa n‑yoonn mu u ga gaa timi lii na.

Nkahm 11:11

Le u bui Uwumbɔr ke, “Ba ŋa aa ŋa mi kina? Ba ŋa aasui wu m pu? Ba ŋa aa di litukpaan lee tii mi ke m li lik binib bee?

Nkahm 16:41

Naah woln kitaak na, le binib mɔmɔk di dab Moses ni Aaronn le ki bui ke, “Nimi le ku Uwumbɔr aanib ngbaan ngem.”

Nkahm 17:12

Le Israel yaab mɔmɔk bui Moses ke, “Ni yaa ye kina kan, ti ga kpo doo.

Tibɔkpiirkaan 16:9

Le ntoton sakpen seer binib. Le bi sii Uwumbɔr u kpa mpɔɔn ki cha bi ji falaa kina na. Baa kpeln baabimbin, kaa nyuŋ u.