Inandalahn 3:32 - Uwumbɔr aagbaŋ

³² Nibaakan, u ga joo ni timi falaa, tɔ, waageehm mu u kpa ti pu na bi ki pɔɔ.

Inandalahn 3:32 ပူးပေါင်းရင်းမြစ်များ

2 Bibɔrb 13:23

le Uwumbɔr nan kpa tibulchinn ki san bi kinimbaak. Waa nan kii ke bi kuln bi, le ki ter bi waah nan puu tipuur ti tii Abraham, ni Aisak, ni Jakob na pu. Waa kee suln waanib bɔr daalbaadaal.

Ilahn 103:11

Kitiŋ ni kitaapaak aah daa tɔb chee pu na, kina le waageehm wiir binib bi san u na chee.

Ilahn 30:5

Waaŋuul aa fiir ni yunni, le waaŋann ma aa kpa ndoon. Iwiil ga li bi kinyeek, le kichakpiik ni nan kpaln mpopiin.

Ilahn 78:38

Le Uwumbɔr ma nan san waanib kinimbaak. U nan di cha pinn bi baatunwanbir kaa kuln bi. N‑yoonn n‑yoonn pam le waa di waaŋuul tun lituln, ki chuu waaŋuusakpeln.

Nnyam 2:23

Ŋibin pam aah jer cha na, le Ijipt aabɔr u nan dii Moses u ku u na nan kpo, le Israel yaab nan beenin bi tinaagbiir ni, le ki wii ki ban nterm. Uwumbɔr nan ŋun baah wii pu na,

Nnyam 3:7

Le Uwumbɔr bui u ke, “M kan maanib aah bi ji falaa Ijipt yaab aaŋaal ponn ni pu na. M ŋun bi wii ki ban unii u ga gaa bi lii na. M nyi baafalaa mɔmɔk aabɔr.

Aisaya 27:8

Uwumbɔr cha waanib aadim chur bi tinaagbiir ki di bi buen ki ti daa bitafal. U cha libuln li pɔɔ ki bir ki nyan ni liwipuul wɔb na le di bi buen.

Aisaya 54:7

“M nan san cha si siib; le ki ga ki di ngeehm yoor si.

Jeremia 31:20

Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Inandalahn 3:22

Uwumbɔr aageehm ni linimbaasaln li kaa door na beenin bi.

Hosea 11:8

Israel, m ga ŋa kinye ki di si lii? M ga ŋa kinye ki di si mee? M ga ŋmaa kuln si ke maah nan bii Adma aatiŋ pu na aa? M ga ŋmaa ŋa si ke maah nan ŋa Seboyim aatiŋ pu na aa? Nsui aan cha m ŋa si kina, ba pu? m gee si sakpen a.

Nahum 1:12

Uwumbɔr aah bui waanib Israel yaab pu na sɔ: “Hali Asiria yaab aah wiir ki kpa mpɔɔn pu na, bi mɔmɔk ga kuln ki wɔŋ. Maanib, min le nan cha ni jin falaa, tɔ, maan ki ŋa kina.

Tibɔnyaan ti Luk ŋmee ti na 15:20

Le u fii ki cha ute do. “Waah laa bi ni daa na, le ute waa u, ki san u kinimbaak, le ki san tooh u nsan ni, ki ti di uŋaal kpal u, le ki moor utakpiln.

Bibɔjirb 10:16

Bi nan di ŋiwaa lii, le ki dooni Uwumbɔr, le baapombiin aabɔr nan ki muk u.