Inandalahn 3:26 - Uwumbɔr aagbaŋ

²⁶ Kina pu na, ni ŋan ke ti di limɔr kiir u, aan u nan gaa timi lii.

Inandalahn 3:26 ပူးပေါင်းရင်းမြစ်များ

Mpiin 49:18

Uwumbɔr, m kii saah ga gaa mi lii pu na la.

2 Bibɔrb Aabɔr 20:17

Naa ye ke nimi le ga jan butɔb bue ni. Nima li cha ki ti lul sil ki li kii; ni ga kan ke Uwumbɔr tii nimi linyaŋ a. Juda ni Jerusalem aanib, taa joo beeni ki taa san ijawaan man. Nya buen butɔb ni man, le Uwumbɔr ga li bi ni chee.”

Ilahn 119:166

Uwumbɔr, m kii si le ke aa nan gaa mi lii, le ki ŋani saah ban pu na.

Ilahn 119:174

Uwumbɔr, m kiir buyoonn aa ga gaa mi lii na, ki ti bak a. Saakaal ponn ni le m kani mpopiin.

Ilahn 130:5

M kpa kikpeek le ki kii Uwumbɔr aaterm, waamɔboln pu le m kpa limakl.

Ilahn 37:34

Li kpa Uwumbɔr pu limakl, ki kii tii waamɔbon; waah ga nyuŋ si pu na le ye ke u di kitiŋ kee tii si, le aa ga kan ke u jenn nyan bibiindam.

Ilahn 37:7

Ji limɔr ki li kii Uwumbɔr aah ga ŋa pu na; taa cha binib bi kani nkam na, bee bi kani tinyoor baatunwanbir aatun ponn ni na aabɔr li muk si.

Ilahn 52:9

Uwumbɔr, m ga li dooni si n‑yoonn mɔmɔk saah ŋa pu tii mi na pu. Saanib aanimbil ni le m ga len ke aa ŋan.

Ilahn 54:6

Uwumbɔr, m ga di mpopiin le toor kitork tii si, saah ŋan pu na le ga cha m li dooni si.

Ilahn 62:2

Uma baanja le kii ki gaal mi lir; uma le kii mi, le ubaa aan ŋmaa nyaŋ mi.

Ilahn 73:28

Mma chee kan, ni ŋan ki ti nyaŋ ke m li duun Uwumbɔr; ni ŋan ti nyaŋ ke m kan Ndindaan Uwumbɔr chee nkiirm, ki moon waah ŋa pu na mɔmɔk.

Ilahn 92:1

Uwumbɔr, ni ŋan sakpen ke ti doon si, Uwumbɔr u kaa kpa ŋeen aatɔ na, ni ŋan ke ti gaa ilahn ki nyuŋ si,

Nnyam 14:13

Moses nan giin bui bi ke, “Taa san ijawaan man. Sil chob man, ni ga kan Uwumbɔr aah ga ŋa pu ki gaa nimi lii din wee na. Naan ki kan Ijipt yaab bee daalbaadaal.

Nnyam 14:14

Uwumbɔr le ga to butɔb ngbaan tii nimi, naan li kpa nibaa ni ŋa butɔb ngbaan ni.”

Aisaya 30:15

Israel yaab Aadindaan Uwumbɔr u bi chain na le len waanib chee ke, “Gir ni man ki nan kii tii mi suuna, le ni ga kan mpɔɔn ni ŋŋmarm.” Le ni yii kaa ŋa kina.

Aisaya 30:7

Ijipt aaterm aa kpa tinyoor. Kina pu le m naan Ijipt aatiŋ liyimbinaankee ke, ‘Kipeewanbiik ki kaa ŋmaa ŋa nibaa na.’”

Aisaya 7:4

Bui u ke u chuu ubaa suuna, ki gor ki li kii, ki taa li san ijawaan aan ki taa cha ni li muk u. Ubɔrkpaan Resinn ni waanib Siria yaab ni ubɔrkpaan Peka aa bir ki pii ŋimiidatul ŋi kaa gaal na aamii.

Jeremia 14:22

Ŋitimbol aawaal libaa aan ŋmaa cha utaal nu; kitaapaak kibaa aan ŋmaa cha titaapupur dan. Tidindaan Uwumbɔr, ti di timi aamakl ŋa sin ni la, ba pu? sin baanja le ŋani tiwan mɔmɔk.

Inandalahn 3:27

Le ni ŋan ke ti bae limɔr buyoonn ti laa pɔɔn na.

Habakuk 2:3

ba pu? tibɔkpiirkaan ngbaan aayoonn aa kee ŋeer ke ti gbiin, ti ye ndoon aabɔr la, le ki ga dan mala ki nan gbiin kina. Nibaakan, ti ga yunn siib, aa mu tee li kii ti, ti ga sil dan kaan yunn.

Galantiya 4:18

Binib aanimbil yaa man nsanyaan pu kan, nima le ŋan. Ni ŋan, maah bi ni chee buyoonn na, ki ŋan maah kaa bi ni chee buyoonn na mu.

Hiibru Yaab 10:35

Ni taa di nimi aapobil lii man; ba pu? nima le ga cha ni kan tinyoor sakpen.

Hiibru Yaab 3:14

Ti yaa beenin tii u naadii ke taah nan tii u naadii njan pu na ki ti saa ndoon kan, ti ga ji waamɔɔn.

1 Piita 1:13

Nima pu na, ni li dak ilandak i ŋan na, ki li chur nibaa, ki li kpa limakl n‑yoonn mɔmɔk; ba pu? Yesu Kristo yaa nyan ubaa mpaan pu kan, u ga ŋa tinyoor ŋa ni pu la.