Inandalahn 3:25 - Uwumbɔr aagbaŋ

²⁵ Uwumbɔr kpa tiŋann unii umɔk kii tii u na pu.

Inandalahn 3:25 ပူးပေါင်းရင်းမြစ်များ

Mpiin 49:18

Uwumbɔr, m kii saah ga gaa mi lii pu na la.

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

2 Bibɔrb Aabɔr 19:3

Nee mɔk mu pu na, aa beenin kpa kinyaan Uwumbɔr chee. Aa nyan liwaapii Asera aanaŋ ti binib nan dooni na, ki pɔɔn aabaa ki dii Uwumbɔr aageehn.”

2 Bibɔrb Aabɔr 30:19

“Uwumbɔr, tiyaajatiib Aadindaan, saaŋann pu, di cha pinn binib bi mɔmɔk joo bisui mɔmɔk dooni si na, hali bibaa aah kaa toor bibaa chain na pu na, di cha pinn bi.”

2 Bibɔrb Aabɔr 31:21

Waah nan joo usui mɔmɔk tii Uwumbɔr ki joo limɔkiir tun Uwumbɔr Aadichal ni aatuln ki dii nkaal mbamɔm na, le u nan nyaŋni waatuln mɔk ni.

Esra 8:22

M yaa ba nan ti bui ubɔrkpaan ngbaan ke u tii timi bijab bi ga li kii timi bidim chee timi aasachuln ngbaan ni na kan, m ba ga nan jinn mbaa inimɔɔn, ba pu? m nan puen bui u ke timi Aawumbɔr ŋani waanyoor ŋani unii umɔk tii u naadii na pu, le ki nan ki kpaan dar unii umɔk yii waamɔb ki fenn upuwɔb tii u na aatafal.

Ilahn 105:3

Taah ye waanib pu na, cha tisui li piin man; Cha binib bimɔk dooni u na li kpa mpopiin.

Ilahn 119:2

Binib bi joo waamɔboln ki kii tii u bisui mɔmɔk ni na kpa mpopiin,

Ilahn 22:26

Bigiim ga ji baah ban pu na la; binib bi choo Uwumbɔr chee na ga pak u. Tii bi nkam n‑yoonn mɔmɔk.

Ilahn 25:8

Uwumbɔr aah ŋan sakpen pu na, le u mɔk titunwanbirdam nsan mu bi ga dii na.

Ilahn 27:14

Di naadii tii Uwumbɔr. Li kpa gaakii, taa cha aataakpab yɔl; di naadii tii Uwumbɔr.

Ilahn 27:8

Saah nan bui ke, “Dan ki nan doon mi” na, m nan gar ke, “Uwumbɔr, m ga dan;” taa di aabaa bɔr mi.

Ilahn 37:34

Li kpa Uwumbɔr pu limakl, ki kii tii waamɔbon; waah ga nyuŋ si pu na le ye ke u di kitiŋ kee tii si, le aa ga kan ke u jenn nyan bibiindam.

Ilahn 37:7

Ji limɔr ki li kii Uwumbɔr aah ga ŋa pu na; taa cha binib bi kani nkam na, bee bi kani tinyoor baatunwanbir aatun ponn ni na aabɔr li muk si.

Ilahn 39:7

Uwumbɔr, ni ki ye ba aan m ga mak ni pu? M mak sin pu la.

Ilahn 61:1

Uwumbɔr, ŋun maawiil, li pel maameel.

Ilahn 61:5

Uwumbɔr, aa ŋun maah puu tipuur ti na, le ki tii mi binib bi nyuŋni si na aawan.

Ilahn 69:32

Binib bi bi limukl ni na yaa kan kina kan, bisui ga piir; le binib bi dooni Uwumbɔr na aataakpab ga pɔɔk.

Ilahn 71:14

Sin pu le m ga li kpa limakl n‑yoonn mɔmɔk; m ga pak si, ki moo pak si.

Aisaya 25:9

Kina yaa ŋa kan, binib mɔmɔk ga bui ke, “Uma le ye Tidindaan. Ti kpa u pu limakl, le u gaa timi lii. Uma le ye Uwumbɔr. Ti kpa u pu limakl, le dandana ti kpa mpopiin ki mɔɔni; ba pu? u gaa timi lii.”

Aisaya 26:9

Maah gee si pu na, m wii kinyeek ki ban si; aa yaa ji kitiŋ kee ni kaanib tibɔr kan, bi ga bae ibamɔn aah ye pu na.

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Aisaya 40:31

le binib bima kpa limakl ke Uwumbɔr ga ter bi na ga kan ke bitaakpab moo pɔɔk la. Bi ga fii ke ŋikaagii na; bi ga san, kaan bak; bi ga chuun, le bitaakpab aan yɔl.

Aisaya 55:6

Fenn toŋ Uwumbɔr ki mee u man, n‑yoonn mu u laa duun nimi na.

Aisaya 64:4

Ubaa aa kee kan, bee u ŋun Uwumbɔr uken pu u bi ke sin, u ŋani ŋitun ŋee aaboln tii binib bi mak aa pu na.

Inandalahn 3:26

Kina pu na, ni ŋan ke ti di limɔr kiir u, aan u nan gaa timi lii.

Hosea 10:12

Le m bui ke, ‘Ko nkpaakopɔɔn tii nibaa man, di mbimbinyaan bu, ki nan chee naah di nibaa tii mi pu na aanyoor. Ni ŋeer ke ni fenn gir ni min Uwumbɔr chee, le m ga dan ki nan di tinyoor gbiin nimi.’

Sefania 3:8

Uwumbɔr nan ki bui ke, “Ni li kii man. Li ŋmin man ki li kii bundaal aan m ga fii sil ki galn ŋitimbol na. M ŋa nlandak ke m kuun ŋitimbol ni nnaan, ki cha ŋi bee maaŋuul aah pɔɔ pu na. M ga di maaŋuusakpeln li wu ke mmii na le di kuln kitiŋ kee mɔmɔk.

1 Tesalonika 1:10

le ni kii bundaln Ujapɔɔn Yesu ga nyan ni paacham ki gir ni na. Uma le Uwumbɔr nan fikr u nkun ni. Uma le nyan timi ntafadaan mu choo na ni.

Jemisi 5:7

Nnaabitiib, nima pu na, ni li kpa limɔr ki ti saa bundaln Tidindaan ga gir ni na. Lik man, ukpaal aah kpa limɔr pu ki kii buyoonn waasaak ga nan ŋa tijikaar nyaan na. U kpa limɔr ki kii unaalantaal ni utakuutaal aah ga nan nu pu na.