Inandalahn 3:23 - Uwumbɔr aagbaŋ

²³ Waageehm ni linimbaasaln aa door ke kichakpiik ni, bee nwiin aah puur pu na, aah kaa door pu na la.

Inandalahn 3:23 ပူးပေါင်းရင်းမြစ်များ

Ilahn 146:6

Uma Uwumbɔr le tiyaaja Jakob mu nan dii, uma le nan naan paacham, ni kitiŋ, ni nnyusakpem, ni tiwan ni mɔmɔk bi ni ponn ni na. U ŋani waah puu tipuur ti na n‑yoonn mɔmɔk;

Ilahn 30:5

Waaŋuul aa fiir ni yunni, le waaŋann ma aa kpa ndoon. Iwiil ga li bi kinyeek, le kichakpiik ni nan kpaln mpopiin.

Ilahn 36:5

Uwumbɔr, saageehm mu bi n‑yoonn mɔmɔk na fuu paacham, le saaŋann taln ti fuu kitaapaak.

Ilahn 36:6

Saah ŋan sakpen pu na naahn ŋijoo aah paa pu na la; le saabamɔn naahn nnyusakpem aah nyoo pu na. Sin le lik unibɔn ni tiwakor mɔmɔk.

Ilahn 89:33

Tɔ, m ga li beenin gee David ma, ki ga li beenin joo maah puur tipuur ti na tii u.

Nnyam 34:6

Uwumbɔr nan jer unimbiin ni le ki bui u ke, “Min, U‑ye‑na, min le ye Uwumbɔr u kpa linimbaasaln, kaa gee liŋuul yɔl yɔl na, ki gee binib mbamɔm, ki ŋani maah len pu na.

Aisaya 33:2

Uwumbɔr, san timi kinimbaak. Ti di timi aamakl di ŋa aa ni. Li kii timi iwiin mɔmɔk ki gaa timi lii buyoonn ti bi limukl ni na.

Sefania 3:5

Tɔ, Uwumbɔr mu tee beenin bi kitiŋ ngbaan ponn ni; u ŋani tiwan ni ŋan na n‑yoonn mɔmɔk, kaa ŋani tiwan ni kaa ŋan na kpala. U cha ibamɔn bi waanib chee kichakpiik mɔmɔk ni, le kaa yiil. Le binib bi bi nima chee aan baabimbin aa ŋan na tun taani, kaa san inimɔɔn.

Taitus 1:2

Waabɔr pu le bi kpa limakl ke bi ga li kpa limɔfal li kaa kpa ndoon na. Uwumbɔr u kaa mɔni inyamɔn na, uma le nan puu tipuur n‑yaayoonn na, ke u ga tii timi limɔfal ngbaan.

Hiibru Yaab 10:23

Taah bui ke ti kpa limakl na, cha ti li joo limakl ngbaan iŋaal ilee ki taa joo beeni. Ba pu? Uwumbɔr u puu tipuur tii timi na ga sil tii timi waah puu tipuur ti na.

Hiibru Yaab 6:18

Waah nan puu tipuur ti na, waan kpeln. Waah puu uma ubaa aayimbil pu na, nima le sil mɔk ke waan kpeln. Waan ŋmaa mɔn nnyamɔn. Nima le timi bi san cha u chee ke ti ŋmar na aataakpab pɔɔ mbamɔm, le ti kpa limakl ke ti ga kan waah puu tipuur ti na.