Inandalahn 3:17 - Uwumbɔr aagbaŋ

¹⁷ Maa ki nyi ngbapɔɔn ni nsuudoon ni mpopiin aah ye tiwan ni na.

Inandalahn 3:17 ပူးပေါင်းရင်းမြစ်များ

Mpiin 41:30

Ŋee aapuwɔb na, nkon sakpiin ga lir ŋibin ŋilole ŋi mu paa na ni, le ni ga suln ŋibinyaan ŋi jer na aabɔr, ba pu? nkon ngbaan ga li pɔɔ ki bii kitiŋ kee pam.

Job Aagbaŋ 7:7

Uwumbɔr, teer ke maamɔfal ye kifuurk kibaa la; maapopiin doo ni yunn a.

Ilahn 119:155

Bibiindam aah yii saakaal na, saan gaa bi lii.

Aisaya 38:17

Nsui aah bii pu na ga kpaln nsuudoon la. Aa nyan mi tibɔbir mɔmɔk ni; aa di maatunwanbir cha pinn mi a.

Aisaya 54:10

Nibaakan ŋijoo ni ŋigongon ga wur lir, le maageehm mu m kpa tii si na aan doo; maah puu tipuur ke m ga tii si nsuudoon na, m ga li beenin joo ti.” Kina le Uwumbɔr u gee si na len.

Aisaya 59:11

Ijawaan joo timi, le tiwon yɔl. Ti neen ke Uwumbɔr nan nyan timi limukl ni, ni tiwan ni kaa ŋan na ponn ni, le nibaa aa ŋani.

Jeremia 12:12

Bijab nyan ni nteersakpiin aatim ni le ki nan jenn gaa maanib aawan. M tun ni butɔb le ke bu nan bii doo kitiŋ ngbaan mɔmɔk; ubaa aan kan lifuur nima.

Jeremia 14:19

Uwumbɔr, aa yii Juda aanib kookoo la aa? Aa nan Sionn aatiŋ aanib la aa? Ba ŋa aa tii timi titotonn ti kaan sɔŋ na? Ti nan lik ban nsuudoon, le kinyaan kibaa aa choo; ti nan ka ban laafee, le tibɔbir tee dan.

Jeremia 16:5

“Taa koo lidichal li ponn ni binib bi wii likpuul na. Taa cha aasui bii ubaa pu. Maan ki ŋa nsuudoon aanyoor ŋa maanib pu, kaan ki di ngeehm ni kinimbaak mɔk bi.

Jeremia 8:15

Ti nan ka mak nsuudoon ni laafee aayoonn pu, le naa nan kpa tinyoor; ijawaan sakpiin le nan labr dan.

Inandalahn 1:16

Kina pu le tinyunyunn nya nnimbil ni ki puu lir. Ubaa aan ŋmaa sɔŋ nsui, ubaa aan ŋmaa pɔɔk ntaakpab. Bidim nyaŋ mi, bi yoor maanib aawan mɔmɔk a.

Sekaria 8:10

Waahr aan n‑yoonn ngbaan na, ubaa aa nan kpa ŋimombil ke u pa unii bee kiwakork bi tun lituln tii u, le ubaa aa nan kpa lifuur waadin chee. M nan jaani maanib la.