Inandalahn 2:9 - Uwumbɔr aagbaŋ

⁹ Ibisamɔi gur dɔ sub tibir ni, le yaakudɔ kool yuk yuk. Ubɔr ni bininyuum na gur bi tinaagbiir ni la. Ubaa aa ki mɔk binib Uwumbɔr Aakaal Aagbaŋ, le Uwumbɔr aa ki kpiir tibɔr tuk waabɔnabtiib.

Inandalahn 2:9 ပူးပေါင်းရင်းမြစ်များ

2 Bibɔrb 25:7

Sedekia nan si lik, le bi ku ujapɔtiib unimbil ni, le Nebukadnesar cha bi chuu lokr Sedekia aanimbil, le ki di tikululn gbin u, ki di u buen Babiloŋ aatiŋ ni.

2 Bibɔrb Aabɔr 15:3

Israel aanib nan bi ni yunn pam, kaa nyi Uwumbɔr bamɔnn, kaa kpa bitotoorb bi ga mɔk bi na, kaa kpa nkaal mu.

Nehemia 1:3

Le bi bui mi ke siib bi ŋmar ki bi linampal na bi limukl ni la, le biwɔwɔm bi bi ki duun bi na lik seen bi. Bi ki bui mi ke baah nan gbaa wii Jerusalem aagon ŋi na, baa kee ki maa ŋi, le ibisamɔi aajaaleŋ tiib bi mu bi nan see mmii na mu aa toor.

Ilahn 74:9

Timi aawan nimɔk ye kitork aawan na buen a; saabɔnabtiib aa ki gur, le ubaa aa nyi nimina aah ga yunn ki ti saa pu na.

Aisaya 24:12

Kitisakpeŋ ngbaan gur ŋilangben ŋmeen la, le kaabisamɔi aajaaleŋ mam wiir doo a.

Jeremia 14:14

Le Uwumbɔr gar mi ke, “Bibɔnabr ngbaan joo maayimbil le geei inyamɔn; maa nan tun bi, kaa tii bi maamɔboln, kaa tii bi nsan mubaa. Tibɔkpiirkaan ti bi joo len na aa nyan ni m chee; baah len ke tiwan ni ga ŋa na aa kpa tinyoor, bima bibaa le dakl ti.

Jeremia 23:16

Uwumbɔr Mpɔɔnsakpiindaan bui Jerusalem aanib ke, “Taa pel man bibɔnabr ngbaan aah len pu na; bi joo inyamɔn aamakl le gbiini nimi. Bi tuk nimi bima bibaa aah kal ki dakl pu na la, naa ye min mbaa aah len pu na.

Jeremia 39:2

Sedekia aanaan aabin kipiik ni libaa aaŋmanaa aawiin iwae daal, le bi nan wii kitiŋ ngbaan aagon ki koo ki ponn ni.

Jeremia 39:8

N‑yoonn mue na, Babiloŋ yaab ngbaan nan see libɔrdichal, ni binib aadichal mu lii, ki tur Jerusalem aagon lir.

Jeremia 51:30

Babiloŋ aajab di cha kijaak le ki gaar baajawan aadir ni. Baa ki kpa lipobil, le ki gur bi ke bipiib na. Bidim gbaa wɔi kitiŋ ngbaan aabisamɔi aajaaleŋ mam, le ki see ŋidichal lii.

Jeremia 52:14

le waajab mu tur kaagon lir.

Inandalahn 1:3

Juda aanib gur ye binaagbiib bi kaa kpa nterm na la, le bi jenn nyan bi bido. Bi gur koo ntiyayam ponn ni la, kaa kpa nin chee bi ga yin ke baatiŋ na. Baadim le mann goln bi, le baa ki kpa nin chee bi ga dii nya ki ŋmar na.

Inandalahn 4:15

Binib nan teen ke, “Li cha man. Ni kpa tijɔŋ. Taa meeh mi.” Kina le ubaa aa nan gaa bi, le bi chuun kpak ki nya litimbol lee ni, ki ti saa lee ni.

Inandalahn 4:20

Bi nan chuu timi aabɔr u ye timi aamɔfal na; uma le Uwumbɔr nan lee, le ti nan kpa limakl u pu ke u ga li kii timi bidim chee.

Esekiel 12:13

le m ga taln maapɔɔk ki chuu u ki ponn ni, le ki di u buen Babiloŋ aatiŋ ni, nin chee u ga ti kpo, kaan kan kitiŋ ngbaan kpala na.

Esekiel 17:20

M ga taln ukpan aapɔɔk ki di chuu u. Waah kaa ŋani maah tuk u pu na pu, m ga di u buen Babiloŋ aatiŋ ni ki ti daa utafal.

Esekiel 7:26

Tibɔbir tibaa ga dan, le tiken paan ni ti pu, le tibɔbir ga li puu fuur ni nimi ke nkpen aah puu pu na. Ni ga gaŋ maabɔnabtiib ke bi tuk nimi baah kan tibɔr ti ga dan ni pu na. Bitotoorb aan li kpa nibaa bi di mɔk binib, le bininkpiib aan li kpa nsurm mubaa bi tii.

Hosea 11:6

Butɔb ga ŋar baatim ŋŋaan ki gbaa wɔi mu aagon aabisamɔi. Maanib aah ŋani bibaa aageehn aatuln li na le ga cha butɔb bii bi.

Hosea 3:4

Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Amos 1:5

M ga gbaa wii Damaskus aatiŋ aabisamɔi mɔmɔk, le ki jenn nyan Afenn Aafataŋ ni aanib ni Bef Edenn aayidaan. Le bi ga chur Siria aanib mɔmɔk tinaagbiir ki di bi buen Kir aatiŋ ni.”

Ikaal 28:36

“Uwumbɔr ga cha bi di nimi, ni nimi aabɔr buen biwɔwɔm aatim ni, nin chee niyaajatiib, ni nimi nibaa aa kee buen na. Nima chee le ni ga ti li dooni idɔ ni ŋitakpal aawaa.

Ikaal 28:63

Ni nan mɔ Uwumbɔr le u ŋa tinyoor ŋa ni pu ki cha ni pɔr, ni ga ki li mɔ u ke u bii ki kuln nimi. Bi ga nyan nimi kitiŋ ki ni ban ni koo ki ponn ni ki gaa ki na ni.

1 Samuel 28:6

Kina pu le u nan baa Uwumbɔr waah ga ŋa pu na. Le Uwumbɔr aa gar u kpala. Waa gar u tidaŋ ni, bee baah joo tiwan ni beer waageehn na mu ni, bee bibɔnabr chee.