Inandalahn 2:6 - Uwumbɔr aagbaŋ

⁶ Waadichal li ponn ni ti nan dooni u na, le u gbaa wii li yuk yuk. U kuln ŋikpaakoo, ni iwinyaan daal. Waaŋuul aapɔɔn fuu bibɔrb ni bitotoorb mu chee.

Inandalahn 2:6 ပူးပေါင်းရင်းမြစ်များ

Ilahn 74:7

Bi wɔb Saadichal lii, le ki see li mmii; bi di tijɔŋ koo nin chee bi dooni si na.

Ilahn 76:2

Udo le ye Jerusalem; u koo Sionn Aajool paab la.

Ilahn 80:12

Ba ŋa aa chuu ber idɔ i aa nan di gob bu na? Unii umɔk jer bu chee dandana wee na ga ŋmaa su bu aasubil;

Ilahn 89:40

Aa tur waatiŋ aagon lii kitiŋ, le ki cha waajawan aadir kpaln ŋilangben.

Aisaya 1:13

Nimi aapiin i ni joo ni na aa kpa tinyoor tibaa. Naah seer tulalee aayon mu na kpa mi liŋuul la. Nimi aaŋmapɔɔn aajim, ni nimi aakpaakool daal aajim, ni naah kuuni pu na, maa gee ni, ni di nimi aatunwanbir bii ni mɔmɔk a.

Aisaya 1:8

Jerusalem baanja le gur, le bi gob ki mu, le kaa kpa mpɔɔn mubaa ke kisaak ni aabool na.

Aisaya 43:28

le binib bi joo nimi aatim na bii Maadichal. Kina pu le m bii nimi Israel yaab; ki cha bi seei nimi maanib ngbaan.”

Aisaya 5:5

“Maah ga ŋa maasaak ngbaan pu na sɔ: M ga chuu ŋɔi idɔ i m nan di gob ki aan i kii ki na, le ipeel i bir na nan ŋmɔ ki, ki taa taa bii ki.

Aisaya 5:6

Maan ki kuur ki ponn ni aan timoor muun ki ponn ni. Maan ki per isui ngbaan aan i ki kpenn, kaan ki toor i taab; m ga cha ukokongɔkr ni ikokon gaa ki ni. M ga jenn utaal u taa ki nu ki ponn ni.”

Aisaya 63:18

Timi aadim nan jenn nyan timi saanib bi bi chain na n‑yoonn mubaa, ki gbaa wii Saadichal.

Aisaya 64:11

le Saadichal li bi chain ki ŋan aan tiyaajatiib nan dooni si nima na, wun mmii a. Taah nan gee nin chee mɔmɔk na kpaln tilangbenn la.

Jeremia 17:27

See bi kii maamɔb, ki joo Likpaakool daal ke mu ye nwinyaan daal. Bi taa tu lituln libaa ki di dii Jerusalem aabisamɔi nwiin ngbaan daal; bi yaa ŋa kina kan, m ga see Jerusalem aabisamɔi mmii. Le mmii wu Jerusalem aabɔrchiln, le ubaa aan ŋmaa junn mu.”

Jeremia 42:18

Uwumbɔr u ye Israel yaab Aawumbɔr na ki bui ke, “Maah nan cha maaŋuusakpeln dan Jerusalem pu pu na, kina le ni yaa buen Ijipt ni kan, maaŋuul ga dan ni pu. Binib yaa kan nimi kan, ni ga li kpa ijawaan; binib ga lik nimi fam le ki li joo nimi aayimbil puuni lir biken pu. Naan ki kan do kpala.”

Jeremia 45:4

“Le min Uwumbɔr bi gbaa wiil maah nan maa ni na, le ki ŋɔi maah nan bun ni na mu. M ga ŋa kitiŋ kee mɔmɔk kina la.

Jeremia 50:28

Tɔ, bikusam nan san nyan ni Babiloŋ ki dan Jerusalem, ki nan len Tidindaan Uwumbɔr aah teen Babiloŋ yaab baah nan tun Waadichal pu pu na.

Inandalahn 1:4

Ubaa aa ki koo Uwumbɔr Aadichal ni ke u nan doon Uwumbɔr njim daal. Bisapɔm bi nan gaa ilahn nima na ji falaa la, le bitotoorb ker idun ŋmeen la. Kitiŋ aagoln aabisamɔi ni gur ye nkuun la, le Sionn aatiŋ aanib bi iween sakpen ni.

Inandalahn 4:16

Uwumbɔr aatafal aa nan ki bi bi ni; uma ubaa le nan yaa bi. Utafal aa nan bi timi aatotoorb ni biyidam ni.

Inandalahn 4:20

Bi nan chuu timi aabɔr u ye timi aamɔfal na; uma le Uwumbɔr nan lee, le ti nan kpa limakl u pu ke u ga li kii timi bidim chee.

Inandalahn 5:12

Bi chur timi aayidam buen le ki ti leen bi iŋmin; ubaa aa ki pak timi aaninkpiib.

Esekiel 17:18

U bii waah puu tipuur ti na, ni kimɔbaan ki u nan ŋa na. U ŋa tiwan nimina mɔmɔk, le waan ŋmar.”

Liifai Yaab 26:31

M ga bii nimi aatim doo, ki bii nin chee ni dooni ŋiwaa na, kaan gaa nimi aatork.

Sefania 3:18

ki li kpa mpopiin ke binib bi bi ji njim na.” Uwumbɔr nan ki bui ke, “Maan ki faan nimi ke m ga kuln nimi; m nyan nimi aanimɔɔn ni pu a.

Malakai 2:9

Ni yii, kaa kii maa ban pu na. Ni yaa ji maanib tibɔr kan, ni ganni la. Nima pu na, m mu ga cha Israel yaab lik seen nimi.”