Inandalahn 2:4 - Uwumbɔr aagbaŋ

⁴ U nan di waapɔɔn kaan ti pu ke waah ye timi aadin le na. U nan ku binib bi mɔmɔk nan tii timi mpopiin ni mmɔɔn na. Waaŋuul li ton ke mmii na nan pii ni timi bi bi Jerusalem aatiŋ ponn ni do na.

Inandalahn 2:4 ပူးပေါင်းရင်းမြစ်များ

2 Bibɔrb Aabɔr 34:21

“Li cha man ki ti baa Uwumbɔr, min ni binib bi gur Israel ni Juda aatim ni na pu. Baa ki bee man kigbaŋ kimina aamɔkm aah ye pu na. Tiyaajatiib aah yii Uwumbɔr aamɔboln, kaa ŋa kigbaŋ kimina aah bui ke bi ŋa pu na, u gee ti pu liŋuul a.”

2 Bibɔrb Aabɔr 34:25

Bi yii mi le ki dooni ŋiwaa, li ki di baah tun pu na mɔmɔk fiin maaŋuul. Maaŋuul fii Jerusalem aanib pu, kaan sɔŋ.

Job Aagbaŋ 19:11

Uwumbɔr aaŋuul fii, le u bil ban mi; u ŋani mi ke waadinkpaan na la.

Job Aagbaŋ 6:4

Uwumbɔr Mpɔɔnsakpiindaan di ipiin too chaar mi, le yaaluul yaa koo nwon ni. Uwumbɔr lol waajawaan aawan kiir mi.

Ilahn 37:14

Bibiindam ŋɔi baajaak aajum le ki moo pel baatɔi ke bi ku bigiim bi kaa kpa nibaa na, ke bi kɔr binib bi tun ni ŋan na;

Ilahn 7:13

u yoor waajawan ni bir na, ki di waapiin i gaal mmii na kaan bibiindam pu.

Aisaya 42:25

Kina pu le u cha ti kan waaŋuul aah pɔɔ pu na, ki cha ti jin butɔb aafalaa. Waaŋuul wu ke mmii na le Israel aatim ni, le taa nan bee tiwan ni bi ŋani na; taa nan bae nibaa ni ponn ni.

Aisaya 63:10

le bi nan yii u ki nyan upuwɔb, le ni tii Waafuur Nyaan mpombiin. Kina pu le Uwumbɔr kpaln baadin, le ki jan bi kijaak.

Aisaya 63:6

Maaŋuul ponn ni le m nan taa taa ŋitimbol ki yaa ŋaanib ki di baamɔfal aasin kpir kitiŋ.”

Jeremia 10:20

Timi aagban aaboo ber a; iŋmin i nan joo ŋi na kii a. Timi aabim mɔmɔk buen a; ubaa aa ki bi ki ga ki fiin timi aaboo; ubaa aa ki bi ki ga di ŋaabisamɔi aakeken leen.”

Jeremia 21:5

M ga di maapɔɔn mɔmɔk, ni maaŋuusakpeln na mɔmɔk jan si kijaak.

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 36:7

Nibaakan bi ga mee Uwumbɔr ki fenn bipuwɔb tii baatunwanbir, ba pu? Uwumbɔr aaŋuusakpeln ni, le u puu ke u ga daa bitafal pam.”

Jeremia 4:4

Li joo man tipuur ti ni nan puu tii mi Uwumbɔr na. Nimi Juda ni Jerusalem aanib, di nibaa tii mi man. Ni yaa kaa ye kina kan, maaŋuul ga fii ke mmii na, titunwanbir ti ni tun na pu. Li ga fii, le ubaa aan li bi ki sɔŋ li.”

Jeremia 42:18

Uwumbɔr u ye Israel yaab Aawumbɔr na ki bui ke, “Maah nan cha maaŋuusakpeln dan Jerusalem pu pu na, kina le ni yaa buen Ijipt ni kan, maaŋuul ga dan ni pu. Binib yaa kan nimi kan, ni ga li kpa ijawaan; binib ga lik nimi fam le ki li joo nimi aayimbil puuni lir biken pu. Naan ki kan do kpala.”

Jeremia 7:20

Le min, Bidindaan Uwumbɔr, ga cha maaŋuusakpeln pii ni Maadichal limina. Li ga pii binib ni tiwakor mu, hali isui ni tijikaar mɔmɔk ga kan li. Maaŋuul ga li bi ke mmii mu ubaa aan ŋmaa junn mu na la.

Inandalahn 1:13

U cha mmii mu wu nwon ni na nyan ni paacham ki dan m pu. U pen mi gaawɔb ki cha m lir kitiŋ. Le u siir cha mi ki di iween ŋmeen tii mi.

Inandalahn 2:5

Uwumbɔr kuln Israel aatiŋ ke udin na la. U cha kaabɔrdichal, ni tijawan aadichal na kpaln tilangbenn. U tii Juda aanib mpombiin mu kaa kpa ndoon na.

Inandalahn 3:3

le ki gbaa mi kpakpaayuk, kaa san mi kinimbaak.

Inandalahn 4:1

Timi aasalmaa u nan moor lak lak na gur bɔn timm la. Uwumbɔr Aadichal aagon ŋi wii na aatakpal yaa, le ki dɔ kitiŋ ponn ni, ni kookoo.

Inandalahn 4:11

Uwumbɔr nan buur waaŋuusakpeln lii; U nan tuur mmii Sionn aatiŋ ponn ni le mu wun ki pel pel.

Esekiel 13:13

Bidindaan Uwumbɔr aah len pu na sɔ: “Maaŋuul ponn ni le m ga cha libuln li pɔɔ na, ni utaasakpiin, ni ŋitaatakpal dan nan ber ligoln ngbaan.

Esekiel 20:34

M yaa nan kuun nimi ki nyan ni naah yaa ki bi ntim mu mɔmɔk ponn ni na kan, m ga mɔk nimi maapɔɔn ni maaŋuul aah bi pu na.

Esekiel 22:22

Bi ga donn Jerusalem aatiŋ ni ke tikunabr aah donni mmii ni pu na la, le bi ga bee ke bi bi kani min Uwumbɔr aaŋuul la.”

Esekiel 24:25

Uwumbɔr nan ki bui mi ke, “Unibɔn, m ga nyan Maadichal li pɔɔ aan bi gee ke bi li lik, ki chaa ti manni li aan li ye baamakl ni mmɔɔn na bi chee. M ga ki yoor bijapɔtiib ni bibisatiib mu bi chee.

Esekiel 36:18

M nan cha bi kan maaŋuul aah bir pu na, baah nan ku binib bi kitiŋ ngbaan pu na, ni baah nan di ŋiwaa ŋi bii ki na.

Esekiel 5:13

“Nimi le ga gaa maaŋuusakpeln ki ti saa buyoonn m ga bab na. Nimina yaa nan ŋa kan, le ni ga bee ke min Uwumbɔr le di maaŋuusakpeln na len ni chee, naah yii maah mɔk nimi pu na pu.

Esekiel 6:12

Binib bi bi dandar na ga buŋ le ki kpo; le binib bi bi duun na ga kpo butɔb ni; le bi gur na ga kpo nkon pu. Bi ga kan maaŋuul aah pɔɔ pu na mɔmɔk.

Esekiel 7:14

Ukpiin wii, le unii mɔk gor ubaa pu. Ubaa mu aan fii buen butɔb yaan, ba pu? Uwumbɔr aaŋuul ga dan unii mɔmɔk pu mbaa la.

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Nahum 1:2

Tidindaan Uwumbɔr aa kii ke unii doon liwaal libaa; u dar binib bi kpak u na aatafal. Waaŋuul ponn ni le u teeni bi baah tun pu na.

Nahum 1:6

Uwumbɔr aaŋuul yaa fii kan, ŋma ga ŋmar? Ŋma ga ŋmar waaŋuusakpeln ni? U cha waaŋuul puu nyan ni ke mmiigaal na la; ŋitakpal wur unimbiin ni ki kpaln titan la.

Ikaal 32:22

Maaŋuul ga fii bi pu ke mmiigaal na ki wu tiwan nimɔk bi dulnyaa wee ni na. Mu ga gaa ki ti pii kitekpiitiŋ ni, le ki wu ŋijoo aataab pel pel.

1 Samuel 28:16

Le Samuel nan bui u ke, “Uwumbɔr yaa yii si ki kpaln saadin kan, ba ŋa aa baa mi saah ga ŋa pu na?