Inandalahn 2:21 - Uwumbɔr aagbaŋ

²¹ Binib bi por na, ni bi kaa por na mɔmɔk kpoi kitiŋ ponn ni la. Bidim aajaak aajum le ku binachipɔm ni bisapɔm mɔmɔk. Saaŋuul aawiin daal le aa kɔr bi mɔmɔk, kaa san bi kinimbaak.

Inandalahn 2:21 ပူးပေါင်းရင်းမြစ်များ

2 Bibɔrb Aabɔr 36:17

Kina pu le Uwumbɔr nan cha Babiloŋ aabɔr buen ti tak bi. Ubɔr ngbaan nan ku Juda aanachipɔm, hali ki ti kpaan ku bibaa Uwumbɔr Aadichal ni. Waa nan san ubaa kinimbaak, waa nan san bi laa diin na, ni bi por na, kaa san uja, bee upii, bee ubun, bee u kpa laafee na kinimbaak. Uwumbɔr di bi mɔmɔk ŋa uŋaal ni.

Esta 3:13

Bitaasam le nan di tigbann ngbaan buen nnaan ngbaan aapepel mɔmɔk ni. Ti nan mɔk ke nwiin mubaa daal, Adar aaŋmal aawiin kipiik ni itaa daal kan, bi ku Juu yaab mɔmɔk, binachipɔm ni bi por na, ni bipiib ni bibilb mɔmɔk. Bi kɔr bi mɔmɔk ki taa san bi kinimbaak, ki gaa baawangol mɔmɔk.

Aisaya 27:11

Isubon na mɔmɔk kuur ki kool lir a, le bipiib ti peei ti tuur mmii, ba pu? binib ngbaan aa bee nibaa, nima pu na, Uwumbɔr u naan bi na aan di cha pinn bi, kaan san bi kinimbaak mu.

Jeremia 11:22

Le Uwumbɔr Mpɔɔnsakpiindaan bui ke, “M ga daa bitafal. Baanachipɔm ga kpoi butɔb ni, le nkon mu ku baabim.

Jeremia 13:14

Le m ga di binib bi por na, ni bi kaa por na yur tɔb aan bi wiil ke ŋidabuu na. Kinimbaak, ni mpombiin, ni nsuugar mbaa aan kiir mi ke m taa ku bi.”

Jeremia 18:21

Tɔ, Uwumbɔr, cha nkon ku baabim; cha bi kpoi butɔb ni. Cha baapiib lann bichatiib ni baabim; cha iween ku bijab, aan baanachipɔm mu kpoi butɔb ni.

Jeremia 21:7

Sin ma kan, aa ni saaninkpiib, ni binib bi ŋmar butɔb, ni nkon, ni iween ngbaan ni na, m ga cha Ubɔr Nebukadnesar, ni nimi aadim bi ban bi ku nimi na chur nimi. Nebukadnesar ga ti ku nimi. Waan di cha ni ponn ni ubaa, kaan san ubaa kinimbaak. Min Uwumbɔr le len kina.”

Jeremia 4:31

M ŋun iwiil pu ke upii u ban u maa na aah wii pu na, iwiil i bi ke upii u ban u maa waajan aabo na aawiil. Jerusalem aanib aawiil le bi na, bi pɔɔni bibaa ke bi fuur la, ki taln biŋaal ki wii ke, “Timi aamɔfal junn a. Bi choo bi nan ku timi la.”

Jeremia 51:22

ki joo ku bijab ni bipiib, ki joo ku bi por na, ni bi laa diin na, ki joo ku mbijabim ni mpiibim,

Jeremia 6:11

Uwumbɔr, saaŋuul aah fii bi pu pu na wu nsui ni ke mmii na, le maa ki ŋmaa joo li.” Uwumbɔr ki bui mi ke, “Cha maaŋuul pii mbim mu bi kitiŋ ponn ni na, ni binachipɔm aakuun mɔmɔk ni. Baadim ga di chatiib ni puutiib buen, kaan di cha bininkpiib ni binib bi por pam na mu.

Jeremia 9:20

Le m bui ke, “Nimi bipiib, li pel man Uwumbɔr chee, ki ŋun waamɔboln. Mɔk nibisatiib likpuul aawiim, ki mɔk ninaakoontiib ikpolahn aagaam.

Jeremia 9:21

Nkun dii timi aatakolu mam le ki koo ni timi aabɔrchiln ni; mu gbaa mbim bil kitiŋ ponn ni, ki gbaa binachipɔm bil kinyaŋ ni.

Inandalahn 1:15

Uwumbɔr nan yuul maajab bi kaar na. U nan tun ni bijab le bi nan kuln maanachipɔm. U nan muen muen maanib ke baah mueni ndaan aasubil pu na la.

Inandalahn 1:18

Tɔ, Uwumbɔr kpa mbamɔn, min le yii waamɔb. Ŋipepel mɔmɔk aanib, li pel m chee man, lik maah bi iween i ponn ni na man. Bi chur maanachipɔm ni bipiisapɔm tinaagbiir.

Inandalahn 1:4

Ubaa aa ki koo Uwumbɔr Aadichal ni ke u nan doon Uwumbɔr njim daal. Bisapɔm bi nan gaa ilahn nima na ji falaa la, le bitotoorb ker idun ŋmeen la. Kitiŋ aagoln aabisamɔi ni gur ye nkuun la, le Sionn aatiŋ aanib bi iween sakpen ni.

Inandalahn 2:17

Uwumbɔr nan ŋa waah faan ke u ga ŋa pu na. U kuln timi kaa san timi kinimbaak, ke waah nan sak timi n‑yoonn mu jer na pu na. U tii timi aadim linyaŋ, u cha ti lir le ki tii bi mpopiin.

Inandalahn 2:2

Uwumbɔr nan kuln Juda aatiwaatiir na mɔmɔk, kaa san mu kinimbaak. U nan tur tijawan aadichal ŋi nan kii Juda aatiŋ na lir kitiŋ. U nan cha nnaan ngbaan ni binib bi joo mu na jin inimɔɔn.

Inandalahn 3:43

Aa san dii timi ki ti ku timi; saaŋuul nan di saanimbaasaln na bɔr.

Esekiel 24:21

Ni mak Uwumbɔr Aadichal pu la. Ni gee ke ni li lik li, ki li chaa ti manni li, le Uwumbɔr ga cha li kpaln wafam. Nimi aanib bi laa diin ki ye nimi aadichal ponn ni aanib, ki bi Jerusalem aatiŋ ni na ga bee butɔb ni.

Esekiel 5:11

“Kina pu na, maah ye Uwumbɔr u bi n‑yoonn mɔmɔk na, ki ye Aadindaan Uwumbɔr, maamɔboln sɔ: naah di titunwanbir, ni tiwan ni sukr ponn ni na bii Maameen Aadichal na, m ga kuln nimi kaan san nimi kinimbaak.

Esekiel 7:4

Maan san si kinimbaak, kaan di cha si. M ga daa aatafal saah tun ŋitun ŋi aan ŋi sukr ponn ni na pu, le aa bee ke min le ye Uwumbɔr.”

Esekiel 7:9

Maan san nimi kinimbaak, kaan di cha nimi. M ga daa nitafal, nimi aatun ŋi sukr ponn ni na pu, le ni bee ke min le ye Uwumbɔr, ki bee ke min le dar nitafal.”

Esekiel 8:18

Bi ga kan maaŋuul aah pɔɔ pu na mɔmɔk. Maan san bi kinimbaak, kaan di cha pinn bi mu. Bi ga li tar mpɔɔn pu sakpen ki mee mi limeel, le maan gar bi.”

Esekiel 9:10

Maan san bi kinimbaak, m ga ŋa bi baah ŋa biken pu na.”

Amos 4:10

“Le m tun ni iween nan lii ni pu ke maah nan di lii Ijipt aatiŋ ni pu na. M nan ku nimi aanachipɔm butɔb ni, ki di nimi aataan mu buen. Le ŋinikpol aanunun gbiin nimɔfataabun ni, ni nimi aakookoo yaan chee. Nee aapuwɔb na, naa di cha nimi aatunwanbir ki gir ni m chee ke m di cha pinn nimi.

Amos 8:13

Liyaadaal ngbaan kan, binachipɔm ni bisapɔm bi pɔɔ na ga lir ki fik nnyunyuu pu.

Sekaria 11:6

Uwumbɔr ki bui ke, “Maan ki san unii ubaa kinimbaak kitiŋ kee pu. Min mbaa le ga di binib mɔmɔk ŋa baajojoob aaŋaal ni. Bijojoob ngbaan le ga bii kitiŋ, le maan gaa ki lii.”

Ikaal 28:50

Bi ga li kpa ni pu mbiin, le kaan li san nimi bi por na, ni bi ye biwaatiib na kinimbaak.

Ikaal 32:25

Butɔb ponn ni le bi ga ku nimi aanib bil isanja pu, le ijawaan ga pii nimi nido, ŋichin ni. Le binachipɔm ni bisapɔm ga kpoi, kina le ga pii mbim ni bininkpiib mu.

Josua 6:21

Bi nan di baajum le ki ku bijab ni bipiib mɔmɔk, ni mbim, ni bininkpiib. Bi nan ku inaa, ni ipiih, ni ibon mu.

1 Samuel 15:3

Buen ti tak Amalek yaab ki doo baah kpa tiwan ni mɔmɔk na. Taa di cha nibaa; ku baajab mɔmɔk, ni bipiib, ni bibilb, ni mbipɔm, ni inaa, ni ipiih, ni laakumii tiib, ni ibon.”