Inandalahn 2:20 - Uwumbɔr aagbaŋ

²⁰ Uwumbɔr, lik binib bi aa bi jinni bi falaa na. Bipiib joo baah gee baabim mu na le ŋmɔ. Bi ku bitotoorb ni saabɔnabtiib Saadichal ni la.

Inandalahn 2:20 ပူးပေါင်းရင်းမြစ်များ

2 Bibɔrb Aabɔr 36:17

Kina pu le Uwumbɔr nan cha Babiloŋ aabɔr buen ti tak bi. Ubɔr ngbaan nan ku Juda aanachipɔm, hali ki ti kpaan ku bibaa Uwumbɔr Aadichal ni. Waa nan san ubaa kinimbaak, waa nan san bi laa diin na, ni bi por na, kaa san uja, bee upii, bee ubun, bee u kpa laafee na kinimbaak. Uwumbɔr di bi mɔmɔk ŋa uŋaal ni.

Ilahn 78:64

Bitotoorb nan kpoi mpɔɔkun la, le baakpopiib aa nan kpa nsan ke bi wii baakpuu.

Nnyam 32:11

Tɔ, Moses nan gaŋ Udindaan Uwumbɔr le ki bui ke, “Uwumbɔr, ba ŋa aa cha saaŋuul fii saanib pu sakpen kina, naa ye saapɔɔn sakpiin pu le aa nan di nyan ni bi Ijipt aatiŋ ni ii?

Aisaya 22:2

Kitisakpeŋ ngbaan mɔmɔk ponn ni kpa kifuuk la; ki gbii kifuuk ni mpopiin la. Nimi aajab bi kpoi butɔb bue ni na aa bi jaa le ki kpoi.

Jeremia 19:9

Bidim ga gob kitiŋ ngbaan ki ban ke bi ku kaanib. Baah ga gob ki pu na ga li bir sakpen, le binib bi bi ki ponn ni na ga ŋmɔ tɔb ki kpaan ŋmɔ bibaa aabim.”

Jeremia 21:7

Sin ma kan, aa ni saaninkpiib, ni binib bi ŋmar butɔb, ni nkon, ni iween ngbaan ni na, m ga cha Ubɔr Nebukadnesar, ni nimi aadim bi ban bi ku nimi na chur nimi. Nebukadnesar ga ti ku nimi. Waan di cha ni ponn ni ubaa, kaan san ubaa kinimbaak. Min Uwumbɔr le len kina.”

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Inandalahn 1:19

M yin mmaantɔtiib, le bi yii, kaa dan nan ter mi. Le bitotoorb ni biyidam bi ban tijikaar, kaa kan, ki ti kpoi kitiŋ ponn ni.

Inandalahn 4:10

Tibɔbir nan dan maanib pu ki joo ni ijawaan; natiib bi nan gee baabim sakpen na nan di bi ŋa tijikaar ki ŋaan bi.

Inandalahn 4:13

Uwumbɔr aabɔnabr bi nan bi ki ponn ni na nan tun titunwanbir, le kaatotoorb mu nan cha binib bi kaa tun taani na kpoi, nima le nan cha kina ngbaan ŋa.

Inandalahn 4:16

Uwumbɔr aatafal aa nan ki bi bi ni; uma ubaa le nan yaa bi. Utafal aa nan bi timi aatotoorb ni biyidam ni.

Esekiel 5:10

Kina pu na, tetiib ni natiib bi bi Jerusalem ponn ni na ga ŋmɔ baabim, le mbim mu ga ŋmɔ tetiib ni natiib. M ga daa nitafal le ki cha bi ŋmar na yaa buen ŋipepel mɔmɔk ni.

Esekiel 9:7

Uwumbɔr nan ki bui ke, “Koor Maadichal aakoobil man. Cha ŋinikpol gbiin laachiln man. Piin lituln man.” Kina pu na, bi nan piin ki bi ku binib, kitiŋ ngbaan ni.

Liifai Yaab 26:29

M ga cha nkon lir ni pu ki li pɔɔ sakpen, le ni ga ku nimi aabim ki ŋmɔ bi.

Ikaal 9:26

M nan mee ke, ‘Ndindaan Uwumbɔr, taa kuln saanib bi aa di saapɔɔnsakpiin gaa bi lii, ki nyan ni bi Ijipt aatiŋ ni na.