Inandalahn 2:15 - Uwumbɔr aagbaŋ

¹⁵ Binib bi jer kitiŋ ngbaan chee na lik ki, le ki laa ki. Bi gbakr biyil le ki laa Jerusalem aatiŋ, le ki baa ke, “Kitinyaan na le na aa? Kitiŋ ki nan ye dulnyaa mɔmɔk aamakl na le na aa?”

Inandalahn 2:15 ပူးပေါင်းရင်းမြစ်များ

2 Bibɔrb 19:21

u bui ke, “Jerusalem aatiŋ laa si, Senakerib, ki lik seen si.

2 Bibɔrb Aabɔr 7:21

“N‑yoonn mumina, bi nyuŋni Maadichal ngbaan sakpen, tɔ, ni ga nan ŋa unii umɔk jer li chee na iwaan le u baa ke, ‘Ba ŋa Uwumbɔr ŋa kitiŋ kee ni lidichal lee kina?’

Ilahn 109:25

Binib yaa kan mi kan, bi laa mi la, le ki ŋani mi mbɔnyun ki gbakr biyil.

Ilahn 22:7

Binib bi mɔmɔk kan mi na laa mi, bi leeni bilambil le ki gbakr biyil.

Ilahn 48:2

Uwumbɔr aajool Sionn fɔk paacham, le ki ŋan; Ubɔrkpaan ngbaan aatiŋ joo ni mpopiin le nan tii dulnyaa mɔmɔk.

Ilahn 48:3

Uwumbɔr mɔk ke lifuur bi u chee, waatiŋ ki bi maa ŋigon kiir ki na ponn ni.

Ilahn 50:2

Uwumbɔr wiin Sionn aatiŋ ki ŋan sakpen na ni.

Ilahn 64:8

Baamɔbon ngbaan pu le u ga kuln bi; le binib bimɔk kan bi na ga gbɔk biyil.

Aisaya 28:21

Uwumbɔr ga jan ke waah nan jan Perasim aajool pu, ni Gibeonn aafataŋ ni pu na, ke u ŋa waah ban ke u ŋa pu na; waah ga ŋa pu na aatataa ga li pɔɔ ti bee. U ga doo waatuln. U ga doo waatuln li aatataa bɔr na.

Aisaya 37:22

uma Uwumbɔr bui ke, “Jerusalem aatiŋ laa si, ubɔr Senakerib, ki lik seen si.

Aisaya 64:11

le Saadichal li bi chain ki ŋan aan tiyaajatiib nan dooni si nima na, wun mmii a. Taah nan gee nin chee mɔmɔk na kpaln tilangbenn la.

Jeremia 18:16

Bi cha kitiŋ kee kpaln ijawaan aawan la, le binib mɔmɔk ga li lik bi fam n‑yoonn mɔmɔk. Unii umɔk jer nima na aasui ga yuk, waah ga kan tiwan ni na pu; bi ga li gbakr biyil iwaan pu.

Jeremia 19:8

Maah ga joo ni tibɔbir ti nan lii do na ga ŋa unii umɔk jer do na lijinjiir ni iwaan.

Jeremia 25:18

Jerusalem aatiŋ, ni Juda aatim mɔmɔk, ki kpee kaabɔrb ni biyidam mɔmɔk, m nan cha bi nyun ki ponn ni, ki cha bi kpaln nteersakpiin, ki kpa ijawaan, ki cha binib joo baayimbil puuni lir biken pu, ke baah beenin ŋani pu na.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 26:6

Ni yaa beenin yiil kan, m ga bii Maadichal lee ke maah nan bii Silo aatiŋ pu na, le dulnyaa wee aatimbol mɔmɔk ga li joo Jerusalem aayimbil puuni lir biken pu.”

Jeremia 29:18

M ga li joo ni butɔb, ni nkon, ni iween le san dii bi, le dulnyaa wee aatimbol mɔmɔk ga san ijawaan, baah kan pu na pu. Nimɔk m cha bi yaa ki bi na, binib aapobil ga yuk, ki san ijawaan, baah kan tiwan ni mɔmɔk na. Binib ga laa bi, ki li joo baayimbil puuni lir biken pu.

Jeremia 48:27

Moab, teer saah nan yuul Israel aanib pu na. Aa nan ŋani bi ke baah ye binaayukb le bi chuu bi na.

Jeremia 51:37

Kitiŋ ngbaan ga kpaln tilangbenn ti ponn ni ipeel ŋmeen koo na la. Nima chee ga li kpa unii mɔk ijawaan; ubaa aan li koo nima, le ijawaan ga chuu unii umɔk kan kina na.

Inandalahn 1:21

Li pel maah ker idun pu na; ubaa aa bi ki sɔŋ nsui. Saah di tibɔbir tii ni mi na, le maadim aasui piir. Cha saah nan puu ke nwiin mu ga dan na fuu ni; cha maadim mu ji maah jin falaa u na.

Inandalahn 1:8

Kaanyuŋ doo a; ki gur nkuun la, le bi gur lik ki fam. Ki ker idun le ki bɔrni inimɔɔn pu. Jerusalem aatiŋ di titunwanbir le ŋa kibaa tijɔŋ.

Inandalahn 2:16

Saadim mɔmɔk ŋani si yaansara, le ki gbee si kinanaŋ aaningbee. Bi mul bimɔi le ki bui ke, “Ti kuln ki a. Taah nan kii nwiin mu na le na.”

Inandalahn 2:6

Waadichal li ponn ni ti nan dooni u na, le u gbaa wii li yuk yuk. U kuln ŋikpaakoo, ni iwinyaan daal. Waaŋuul aapɔɔn fuu bibɔrb ni bitotoorb mu chee.

Esekiel 16:13

Aa nan kpa salmaa ni tikunabr aawanyaan, le ki gbab ŋikeken ŋi kpa nyɔla nyɔla ki ye ŋitanyaan, ni ŋi ŋar bɔl bɔl na, n‑yoonn mɔmɔk. Aa nan ŋmɔ n‑yonyaan aaboroboro la, le aa kpa tisiir, ni olif aakpan ki ji. Saanyaan nan deer ŋinimbil la, le aa kpaln upiibɔr.

Esekiel 16:14

Saanyaan sakpeŋ pu, aa nan ye uyimbidaan ŋitimbol mɔmɔk ni la, ba pu? min le nan tii si kina aanyaan.” Aadindaan Uwumbɔr aah len pu na le na.

Esekiel 23:32

Aadindaan Uwumbɔr ki bui ke, “Aa ga nyu aakpel aatafadaan aayikuuk ni la; ki wiir le ki nyoo mu. Kiyikuuk ngbaan gbii la; unii mɔmɔk ga ŋa si mbɔnyun ki laa si.

Esekiel 25:6

“Tidindaan Uwumbɔr aah len pu na sɔ: Ni nan faa ibambaan ki fii yuk mpopiin pu. Ni nan lik seen Israel aatiŋ.

Esekiel 5:15

“Maaŋuul yaa fii ni pu sakpen aan m daa nitafal liŋuul pu kan, ijawaan ga chuu ŋitimbol ŋi mann goln nimi na. Biponn ni ga li sukr ni pu, le bi ga li joo nimi ŋani yaansara.

Daniel 9:16

Sin le nan kii timi n‑yoonn mu jer na, kina pu na, taa ki gee Jerusalem aatiŋ pu liŋuul. Ki ye saatiŋ ki bi chain na la. Binib bi mɔmɔk bi itingbaan mɔmɔk ni na lik seen Jerusalem aatiŋ, ni saanib, timi aatunwanbir, ni tiyaajatiib aatunwanbir pu.

Maika 6:16

Naah dii Ubɔr Omri aajapɔɔn Ubɔr Ahab aatunwanbir aasan na pu, le kina ga ŋa. Ni beenin joo baakaal la, kina pu le m ga bii doo nimi, le unii mɔk ga lik nimi fam. Binib bi bi dulnyaa wee ni na ga lik seen nimi.”

Nahum 3:19

Nnyɔk aa bi ki ga sɔŋ saatotonn ti aa kan na, le saabuun ngbaan aan yann. Binib bi mɔmɔk ŋun saah bii doo pu na gbaa tinyɔpur mpopiin pu la. Unii ubaa nan ŋmaa ŋmar saabiin mu kaa nan kpa ndoon na ni ii?

Sefania 2:15

kina le u ga ŋa kitiŋ ki kpa kigaak sakpen kibaa aapɔɔn pu, ki dak ke nibaa aan ŋmaa ŋa ki na. Kaanib dak ke baatiŋ le pɔɔ jer ntim mɔmɔk dulnyaa wee ni. Ki ga kpaln tilangbenn la, le ipeel ga li doo nima chee ki fuur. Unii umɔk jer nima chee na ga sur upuwɔb ijawaan pu.

Matiu 27:39

Le binib bi jer nima chee na sii u, ki gbakr biyil,

Tibɔnyaan ti Mak ŋmee ti na 15:29

Waah lee ndɔpuinkoo pu na, le binib bi jer nima chee na seei u, ki gbakr biyil, le ki bui u, “Aa mu. Si u len ke aa ga gbaa wii Uwumbɔr Aadichal ki ki maa li iwiin itaa na,