Inandalahn 2:14 - Uwumbɔr aagbaŋ

¹⁴ Bibɔnabr nan tuk si inyamɔn ŋmeen la. Baah nan tuk si tibɔr ti na le ŋmann si, ba pu? baa nan kpiir saatunwanbir pu. Bi nan cha aa dak ke saa kpa tibɔbir tibaa aa kpiir.

Inandalahn 2:14 ပူးပေါင်းရင်းမြစ်များ

Aisaya 58:1

Uwumbɔr bui ke, “Li tar man mpɔɔn pu naah gee pu na. Bui maanib Israel yaab baatunwanbir pu.

Jeremia 2:8

Bitotoorb aa nan ŋmaa baa ke, ‘Uwumbɔr bi la chee?’ Min mbaa aatotoorb aa nan nyi mi. Bitinjoob nan yii mi ki nyan mpuwɔb; le maabɔnabtiib nan joo uwaaja Baal aayimbil le nabr tibɔr ki dooni ŋiwaa ŋi kaa bi tibaa ni na.

Jeremia 20:6

Sin Pasur ma, ni saadichal kan, bi ga chur ni mu tinaagbiir buen Babiloŋ aatiŋ ni. Nima chee le aa ga ti kpo le bi sub sin ni aajɔtiib bi mɔmɔk aa nan geei inyamɔn pam tuk bi na.’”

Jeremia 23:22

Bi yaa nan ba nyi maalandak i bɔr na kan, bi ba ga di maabɔr tuk maanib, le bi ba di cha titunwanbir, ni mbiin aabimbin mu ponn ni bi bi na.

Jeremia 23:36

Kina pu na, bi taa ki len ke, ‘Uwumbɔr aabɔr;’ naa ye kina kan, m ga cha maabɔr li ye tibɔr ti bir na le ki tii udaan. Binib ngbaan fenn fenn Baawumbɔr u bi, ki ye Uwumbɔr Mpɔɔnsakpiindaan na, aamɔboln la.

Jeremia 28:15

Le m bui Hanania kina, le ki ki len ke, “Hanania, li pel. Uwumbɔr aa nan tun ni si, le aa cha binib ngbaan gaal saanyamɔn ngbaan.

Jeremia 29:21

“Uwumbɔr Mpɔɔnsakpiindaan, u ye Israel yaab Aawumbɔr na, len Kolaya aajapɔɔn Ahab ni Maaseya aajapɔɔn Sedekia, bi chuun joo waayimbil geei inyamɔn tuk nimi na aabɔr. U len ke u ga di bi ŋa Babiloŋ Aabɔr Nebukadnesar aaŋaal ni, le u ku bi ninimbil ni.

Jeremia 37:19

Bibɔnabr bi tuk si ke Babiloŋ aabɔr aan tak si ni saatiŋ na bi la chee?

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Inandalahn 4:13

Uwumbɔr aabɔnabr bi nan bi ki ponn ni na nan tun titunwanbir, le kaatotoorb mu nan cha binib bi kaa tun taani na kpoi, nima le nan cha kina ngbaan ŋa.

Esekiel 13:22

“Ni joo nimi aanyamɔn le yɔl bininyaam bi maa kpa nlandak ke m tii bi titotonn na aataakpab. Ni kii titunwanbirdam le baan ŋmaa di cha titunwanbir ki nya nkun ni.

Esekiel 22:25

Kaasalolm bi ke ichinn na la, le ki ŋuuni yaah ku tinann ti na pu. Bi ku binib, le ki yoor ŋimombil ni liwangol li bi kan na, le baanikul ngbaan pu bikpopiib pam bi.

Esekiel 22:28

Maabɔnabr di titunwanbir timina bɔr ke binib aah joo nfatan booni ligoln pu na la. Bi kani tibɔkpiirkaan ti kaa gbii na, le ki geei inyamɔn ke tiwan nee ga ŋa. Bi geei inyamɔn le ke bi nabr Bidindaan Uwumbɔr aamɔboln la, min Uwumbɔr mu aa len bi chee tibɔr.

Esekiel 23:36

Uwumbɔr nan bui mi ke, “Unibɔn, aa gor ke aa ji Ohola ni Oholiba tibɔr aa? Galn bi, baah tun ŋitun ŋi aan ŋi sukr ponn ni na pu.

Hosea 9:7

Ntafadaan aayoonn fuu a, n‑yoonn ngbaan binib ga kan ni ŋeer bi na. Kina yaa nan ŋa kan, Israel yaab ga bee ni. Ni bui ke, “Uwumbɔr aabɔnabr umina ye ujɔr la. Unii u Nfuur Nyaan fir u pu ngbaan na aa ki kpa nlan la.” Nimi aatunwanbir aah nyaŋ na le kinanaŋ gbiin nimi.

Maika 2:11

“Binib bee ban bibɔnabr bi chuun ŋmanni ki geei inyamɔn, ki len ke, ‘M nabr ke ni ga gur ndaan la.’

Maika 3:8

Tɔ, mma kan, Uwumbɔr le joo Waafuur Nyaan ni waapɔɔn gbiini mi, le ki tii mi ibamɔn aalan, ni ntaakpapɔɔn mu m ga ŋmaa di bui Israel yaab baatunwanbir aah ye pu na.

Sefania 3:4

Uwumbɔr aabɔnabr bi bi ki ponn ni na kpa kigaak kaa kpa mbamɔn; le bitotoorb bii tiwan ni bi chain na, le ki fenn Uwumbɔr aakaal diir baah gee niwɔb na.